Dagblaðið Vísir - DV - 28.07.2008, Blaðsíða 9

mánudagur 28. júlí 2008 9Fréttir
„Við íhugum alla möguleika til þess
að auka á öryggi dyravarða,“ segir
Ófeigur Friðriksson, eigandi Hverf-
isbarsins og stjórnarmaður í Félagi
kráareigenda, en hann tekur jákvætt
í þann möguleika að dyraverðir í
miðborg Reykjavíkur fari að ganga í
hnífavestum. Hann segir að verði það
að raunveruleika sé það sama þróun
og hefur átt sér stað í nágrannalönd-
unum. Þar eru dyraverðir í hnífa-
vestum. Á Íslandi gengur aðeins lög-
reglan í hnífavestum. Ófeigur nýtur
þegar aðstoðar viðbótargæslunnar
sem piltar í Terr-fjarskiptum halda
úti en Geir Jón Þórisson, yfirlög-
regluþjónn hefur gagnrýnt þá harka-
lega fyrir fullvaska framgöngu.
Vopnaðir flöskum
„Ástandið er ekki að versna en
raunveruleikinn í öðrum löndum
í kringum okkur er sá að dyraverð-
ir eru í hnífavestum,“ segir Ófeig-
ur sem vill tryggja öryggi starfsfólks
síns sem best. Hann segir lögregl-
una hafa fært meiri ábyrgð á dyra-
verði og þar af leiðandi eykst hætt-
an í starfi þeirra. Hann bætir við að
fyrir komi að drukknir einstaklingar
séu vopnaðir flöskum og reyni að slá
til manna. Það sé alvarlegt mál enda
geti fólk stórslasast verði það fyrir
árásinni. Að sögn Ófeigs er ástandið
í miðbænum ágætt en hann verði var
við aukið öryggisleysi bæði hjá dyra-
vörðum og lögreglumönnum.
Lögregluskortur áþreifanlegur
„Við finnum mikið fyrir skorti
á lögregluþjónum,“ segir Ófeigur.
Hann áréttar hins vegar að margt
hafi breyst til hins góða og nefnir
þar Terr-fjarskipti sem er viðbótar-
dyragæsla fyrir skemmtistaði. Það
eru Terr-fjarskipti sem bjóða upp á
talstöðvar sem eru beintengdar lög-
reglunni og öðrum skemmtistöðum.
Að sögn Ófeigs var það bylting þegar
það kom á og hann er sáttur við auk-
ið öryggi sem því fylgir. Ófeigur seg-
ir fjarskipti á milli skemmtistaða og
lögreglu svo góð að skemmtistaða-
eigendur samþykktu í síðustu viku
að beintengja alla skemmtistaði í
miðborginni saman. Það verður gert
helgina eftir verslunarmannahelg-
ina.
Umdeild aðstoð
DV sagði frá því á föstudaginn að
lögreglan agnúaðist út í félagana í
Terr-fjarskiptum. Þar sakaði Geir Jón
Þórisson, yfirlögregluþjónn á höfuð-
borgarsvæðinu, piltana í Terr um að
ganga of vasklega fram í starfi sínu.
Starfsemi þeirra byggist á því að
dyraverðir sem lenda í vandræðum
með einstakling inni á skemmtistað
geti kallað þá til og beðið um aðstoð.
Piltarnir koma þá strax á svokölluð-
um neyðarbíl og aðstoða dyraverð-
ina. Geir Jón gagnrýndi þá bæði fyrir
að vera á bifreið sem þótti of lík lög-
reglubifreið auk þess að saka þá um
að hafa óeðlileg afskipti af lögreglu-
störfum. Einn eigenda fyrirtækisins,
Stefán L. Stefánsson, neitaði því al-
farið.
Viðbót við öryggið
„Þeir hafa reynst mjög vel,“
segir Ófeigur spurður út í pilt-
ana hjá Terr-fjarskiptum og
störf þeirra. Hann segir veru
þeirra kærkomna viðbót í
átt að því öryggi sem Ófeig-
ur vildi helst sjá á skemmti-
stöðum bæjarins.
Ófeigur segir jafnframt að
gagnrýni á skemmtistaðaeig-
endur hafi oft verið ósann-
gjörn og bendir meðal ann-
ars á að þeir hafi ákveðið að
lækka tónlistina inni á stöð-
um bæjarins umtalsvert eftir
kvartanir nágranna.
Hvort dyraverðir taki upp
vestin er óákveðið enn sem kom-
ið er en Ófeigur segir það vel
mögulegt.
„Ástandið er ekki að
versna en raunveruleik-
inn í öðrum löndum í
kringum okkur er sá að
dyraverðir eru í hnífa-
vestum.“
VaLUr grettisson
blaðamaður skrifar: valur@dv.is
DYRAVERÐIR
HUGSANLEGA
Í HNÍFAVESTI
Eigandi Hverfisbarsins, Ófeigur Friðriksson, segir það vel hugsandi að fá hnífavesti
fyrir dyraverði í miðborg Reykjavíkur. Hann segir veruleikann þann að dyraverðir í ná-
grannalöndum séu farnir að ganga í slíkum vestum. Hann segir jafnframt að skortur á
lögregluþjónum í miðborginni geti skapað óöryggi en bylting hafi orðið með beinu tal-
stöðvarsambandi við lögreglu.
Ófeigur Friðriksson Eigandi
Hverfisbarsins segir það hugsanlegt
að taka upp hnífavesti fyrir dyraverði.
terr-fjarskipti Innkoma piltanna í
Terr-fjarskiptum hefur reynst bylting
að mati Ófeigs, en þeir félagar eru þó
umdeildir innan lögreglunnar.
GIBSON GEKK ILLA Í GOLFI
Ástralski stórleikarinn Mel Gibson,
sem meðal annars hlaut óskarsverð-
laun fyrir leikstjórn stórmyndarinnar
Braveheart, fór í golf á sunnudaginn
og gekk nokkuð illa. Þá lék hann átján
holur á Urriðavellinum í Heiðmörk en
sá völlur er talinn sá glæsilegasti hér
á landi. Með Gibson í för voru synir
hans tveir en þeir fengu eigin golfvagn
til þess að fylgja föður sínum eftir.
Þegar ljósmyndari DV kom á svæðið
gekk Gibson illa, hann skaut af vellin-
um og út í röffið, eins og það er kallað
þegar golfarar skjóta út fyrir brautina.
Eftir nokkrar misheppnaðar sveiflur
gafst hann upp og hélt á brott ásamt
fylgdarliði.
stórleikari í íslenskri peysu
Hinn ástralski Gibson kom hing-
að til lands á föstudagsmorgun ásamt
sonum sínum. Hann kom á einkaþotu.
Gibson kom við í verslun 66°Norður í
Skeifunni og þar keypti hann flíspeysu
merkta þessu vinsæla vörumerki. Þar
með er hann kominn í hóp fleiri Ís-
landsvina eins og leikstjórans Qu-
entins Tarantino sem þreytist ekki á
að auglýsa land og þjóð í kvikmynd-
um sínum með vörum frá 66°Norður
annars vegar og svo hins vegar með
íslensku brennivíni sem hann er sér-
staklega hrifinn af. Ekki fylgir sögunni
hvort Mel Gibson hafi dreypt á eld-
vatninu góða.
súkkat eldaði fyrir gibson
Leikarinn góðlegi spókaði sig í ról-
egheitum á Laugaveginum á föstu-
deginum og heyrðist meðal annars af
honum á Te og kaffi á Laugaveginum.
Þar á hann að hafa pantað þrefaldan
latte sem hefur sennilega gefið hon-
um góða orku fyrir langa helgi.
Á laugardagskvöldið fór hann síð-
an á veitingastaðinn Við Tjörnina en
hann er rekinn meðal annars af tón-
listarmanninum og kokkinum Haf-
þóri Ólafssyni, sem er í hljómsveit-
inni Súkkat. Þegar hann var spurður
um Gibson sagði hann það reglu að
gefa ekki upplýsingar um staka gesti á
staðnum. En sjálfur stóð hann vaktina
alla helgina.
Samkvæmt heimildum lék Mel
Gibson á alls oddi og sýndi af sér jarð-
bundna og jafnframt vingjarnlega
framkomu.
Fór í veiði
Það var síðan á laugardeginum
sem Gibson lagði land undir fót og
skellti sér í veiði. Það var Selá í Vopna-
firði sem varð fyrir valinu. Samkvæmt
vefmiðlinum Vísi eyddi Gibson deg-
inum í félagsskap Landsbankamanna.
Selá er ein flottasta laxveiðiá Íslands
og svo virðist sem Gibson láti ekkert
minna nægja en það allra flottasta.
Eftir erfiðan dag í laxveiðinni virð-
ist hann hafa snúið aftur til Reykjavík-
ur enda stefnt á golfferð daginn eftir
ásamt sonum sínum.
skaut í röffið
Það var síðan á sunnudeginum
sem til Mels Gibson sást á golfvell-
inum í Urriðaholti. Völlurinn er all-
ur hinn glæsilegasti og var Gibson
í för með sonum sínum tveimur og
fylgdarmönnum. Hann var kominn á
fimmtándu braut þegar myndir náð-
ust af honum og sýndi góðan þokka í
sveiflunni. Honum gekk þó ekki mjög
vel en hann skaut meðal annars í röff-
ið og sást leita að kúlunni í nokkurn
tíma. Hann gerði sér síðan lítið fyrir
og henti henni inn á völlinn þar sem
hann sló stutt högg, ekki sást til hans
við púttið.
Eftir erfiðan golfhring stoppaði
hann og spjallaði við föruneyti sitt og
hélt svo á brott.
Mel Gibson yfirgefur Ísland í vik-
unni en ekki er ljóst hvenær það verð-
ur.
Barist við röffið mel gibson
leitaði að kúlunni í nokkurn
tíma í röffinu. Þegar hann loks
fann hana henti hann kúlunni
inn á völlinn og sló svo stutt.
„Það gerðist ekkert um helgina.
Það er áætlaður fundur á þriðjudag
og þá skýrist vonandi eitthvað,“ seg-
ir Borgar Valgeirsson, slökkviliðs-
maður og trúnaðarmaður slökkvi-
liðsmanna á Keflavíkurflugvelli. Ef
ekki leysist úr deilum slökkviliðsins
og Flugmálastjórnar getur farið svo
að brunaverðirnir gangi út 1. ágúst,
á föstudaginn. Án slökkviliðs er flug-
völlurinn óstarfhæfur. Deilan stend-
ur um svokallaða sporslu sem var
sagt upp í bréfi Flugmálastjórnar frá
28. apríl. Sporslan felur í sér viðhald
á tækjum og húsakynnum, ræsting-
ar og eftirlit með flugvallargirðingu.
Sporslan er unnin í yfirvinnu á vakt-
tíma. Yfirvinnan nemur um tuttugu
klukkustundum á mánuði og hef-
ur verið hluti af launagreiðslum frá
árinu 1967 samkvæmt Landssam-
bandi slökkviliðs- og sjúkraflutn-
ingamanna (LSS). Henni sagði Flug-
málastjórn upp þremur mánuðum
áður en samningurinn kláraðist, að
sögn Borgars. Hann segir sporsluna
skipta slökkviliðsmenn miklu máli,
enda sé ekki af miklu að taka. „Ég
rétt slefa upp í 200 þúsund krónur í
grunnlaun á mánuði. Ef uppsögnin
stendur lækka ég um 40 þúsund á
mánuði. Það er stór biti,“ segir Borg-
ar en slökkviliðsmönnum á vakt
hefur fækkað úr 15 manns í 9 frá því
Bandaríkjaher yfirgaf völlinn.
Slökkviliðsmenn segjast að óbreyttu munu ganga út 1. ágúst:
Segjast lækka um 40 þúsund
Keflavíkurflugvöllur
Er óstarfhæfur án slökkviliðs.
mynd dV / SIgTryggur arI jÓHannSSon
dV-myndIr áSgEIr