Dagblaðið Vísir - DV - 25.11.2008, Síða 4

þriðjudagur 25. nóvember 20084 Fréttir
InnlendarFréttIr
ritstjorn@dv.is
„Ég keypti fyrir milljón í Glitni eft-
ir að ríkið hafði tilkynnt að bankinn
yrði þjóðnýttur að hluta til,“ segir ör-
yrkinn Ólafur G. Sigurðsson. Hann
tapaði þeim peningum þegar hann
fjárfesti í hlutabréfum í Glitni eft-
ir að ríkið hafði tilkynnt að bankinn
yrði þjóðnýttur upp að 75 prósent-
um. Aðeins viku síðar ákvað ríkið að
þjóðnýta bankann að fullu og nú hef-
ur Ólafur tapað öllu.
Síðan á sunnudaginn í síðustu
viku hefur hann birt smáauglýsingar
þar sem hann biður aðra sem voru í
sömu stöðu að hafa samband við sig,
Ólafur hyggst höfða mál á hendur
ríkinu vegna svikinna loforða.
Sex hundruð töpuðu
Ólafur keypti hlutabréf í Glitni 2.
október. Sjálfur gerði hann ráð fyrir
því að bankinn væri kominn í skjól
vegna yfirlýsingar ríkisstjórnar um
að þjóðnýta bankann upp að 75 pró-
sentum. Viku síðar var hann þjóð-
nýttur að fullu, allt hlutafé var tapað.
Ólafur er ekki einn í þessari aðstöðu,
alls sex hundruð hlutabréfakaup áttu
sér stað rétt fyrir þjóðnýtingu. Þar af
voru um fimm hundruð hlutabréfa-
kaup sem voru innan við milljón.
„Það sýnir að þetta var bara
venjulegt fólk að koma peningunum
sínum í skjól,“ segir Ólafur.
Fimmtíu hafa samband
Það var síðan á sunnudaginn fyrir
viku sem Ólafur setti litla auglýsingu
í Fréttablaðið. Þar óskaði hann eftir
því að ef einhver væri í sömu stöðu
og hann hefði sá sami samband við
hann vegna mögulegrar málsóknar
gegn ríkinu. Og viðbrögðin létu ekki
á sér standa. Yfir fimmtíu karlar og
konur hafa haft samband við Ólaf og
öll vilja þau peningana sína til baka.
„Sá sem tapaði mestu átti um
fimm milljónir, tapið var gríðarlegt
áfall fyrir þann einstakling,“ segir
Ólafur. Þeir sem hafa haft samband
við hann hafa tapað allt frá hundrað
þúsund krónum upp í fimm milljón-
ir. Allt er þetta venjulegt fólk.
Reiðir og sárir
„Fólk er reitt og sárt og hissa,“ segir Ól-
afur spurður um viðbrögð þeirra sem
hafa haft samband við hann. Hann seg-
ir að sjálfur hafi hann varla trúað því í
fyrstu þegar hann heyrði fréttirnar að
hann hefði tapað öllum peningunum. Í
kjölfarið lá hann þunglyndur í sex daga
heima hjá sér þar til hann ákvað að gera
eitthvað í málinu. Nú kannar lögfræð-
ingur hans forsendur fyrir málsókn
gegn ríkinu, en fyrst verða aðrar leiðir
reyndar að sögn Ólafs.
„En mér heyrist að það sé vilji til
að fara alla leið,“ segir Ólafur um vilja
þeirra sem hafa haft samband við
hann.
Vildi drýgja öryrkjabætur
Peningarnir sem Ólafur tapaði voru
að hluta til arður af sölu hans á fyr-
irtæki sem hann átti áður. Hinn hlut-
inn var arfur sem honum hlotnaðist
þegar hann missti nákominn ætt-
ingja. Hann segist hafa hangið á pen-
ingunum en Ólafur ætlaði að nota þá
til að drýgja tekjur sínar sem öryrki.
„Ég fæ um 112 þúsund krónur á
mánuði,“ segir Ólafur um þá erfiðu
stöðu sem hann er lentur í.
Aðspurður hvort hann sé vongóð-
ur á að endurheimta peningana fyr-
ir hönd þeirra sem töpuðu svarar Ól-
afur: „Algjörlega. Ég trúi því ekki að
ríkisstjórnin láti þetta mál afskipt.“
Ef einhver er í sömu stöðu og Ól-
afur er hægt að hafa samband við
hann á netfangið rikisbanki@gma-
il.com
ValuR gRettiSSon
blaðamaður skrifar: valur@dv.is
Öryrkinn Ólafur g. Sigurðsson tapaði milljón krónum þegar hann keypti hlutabréf í
Glitni eftir að ríkið hafði tilkynnt að bankinn yrði þjóðnýttur upp að 75 prósentum.
Ólafur er ósáttur við að ríkið hafi ekki staðið við loforð sitt. Hann auglýsti í kjölfarið eft-
ir fleirum sem hafa lent í sömu aðstæðum og svörin hafa ekki látið standa á sér.
Öryrki í mál
vegna glitnis
Davíð oddsson Seðlabankastjórinn
ásamt stjórnvöldum gáfu út að ríkið
myndi þjóðnýta glitni að hluta til, viku
síðar skiptu þeir um skoðun og
þjóðnýttu hann að fullu.
Ólafur g. Sigurðsson Hefur fengið
fimmtíu hluthafa með sér til þess að
sækja skaðabótamál gegn ríkinu
vegna þjóðnýtingar glitnis.
„Fólk er
reitt og sárt
og hissa.“
Fjölskylda Hrafnhildar Lilju Georgs-
dóttur heitinnar, sem var myrt í
Dóminíska lýðveldinu í september,
bíður enn eftir niðurstöðum DNA-
rannsóknar lögregluyfirvalda þar í
landi. Lífsýni fundust í herbergi henn-
ar og rannsakar lögregla nú hverjum
þau tilheyra.
Hrafnhildur, sem stýrði litlu hóteli í
strandbænum Cabarette, fannst látin
á hótelherbergi sínu og höfðu henni
verið veittir ýmsir áverkar. Georg Páll
Kristinsson, faðir Hrafnhildar Lilju
heitinnar, segist ekki hafa fengið upp-
lýsingar um gang rannsóknarinnar
í langan tíma. „Einu upplýsingarn-
ar sem við höfum fengið er að það
sé verið að bíða eftir niðurstöðum á
DNA úr þessum mönnum. Málið er
víst ennþá í vinnslu,“ segir hann.
Utanríkisráðuneytið veitir milli-
göngu um málið frá Dómíníska lýð-
veldinu, en í ráðuneytinu fengust
engar upplýsingar um gang rann-
sóknarinnar, né heldur með hvaða
hætti ráðuneytið hefur komið að mál-
inu.
Fréttamiðlar ytra greindu frá því
að fimm hefðu verið handteknir
vegna málsins, yfirlögregluþjónninn
Rafael Calderón fullyrti að tveir hinna
handteknu hefðu verið vinir Hrafn-
hildar. Einnig var fullyrt að lögreglan
væri komin á slóð morðingjans. Rétt-
armeinafræðingar telja að Hrafnhildi
hafi verið ráðinn bani með hamars-
höggi í höfuðið, en hún hafði einnig
áverka víða á líkamanum eftir egg-
vopn. Eins og fram kom í DV í sept-
ember telur lögreglan að Hrafnhildur
hafi verið fórnarlamb ástríðuglæps.
valgeir@dv.is
Dóminíska lögreglan enn ekki búin að upplýsa morðið á Hrafnhildi lilju georgsdóttur:
Ættingjar fá engar upplýsingar
Hrafnhildur lilja georgs-
dóttir var myrt í dóminíska
lýðveldinu í september.
Dýrindismáltíð
á kanarí
Guðni Ágústsson hefur haft
það gott á Kanarí síðustu daga
eins og DV hefur greint frá. Á
sunnudagskvöldið fékk Guðni
sér gratíneraða kjúklingabringu
með beikoni og tómatsósu
að sögn kokks í eldhúsinu á
Klörubar. Kokkurinn, sem er
íslenskur, segir að staðurinn sé
farinn að gera ódýrari rétti fyrir
Íslendinga en allt að hundrað
og fimmtíu Íslendingar borða á
staðnum á hverju kvöldi. Í síð-
ustu viku hafi Guðni fengið sér
hamborgarhrygg ásamt með-
læti. Aðspurður hvað Guðni
hafi fengið sér að drekka segir
hann að Guðni hafi fengið sér
vatn, enda sé hann svo rólegur.
Leiðrétting
Ásgeir Friðgeirsson, talsmað-
ur Björgólfs Thors Björg-
ólfssonar, segir það alrangt
að Björgólfur sé staddur á
Majorka eins og fram kom í
DV í gær. Björgólfur hafi ekki
komið til eyjunnar síðan 2004
og hafi að mestu haldið sig
heima við í London undan-
farið. Hann sé lítið á faralds-
fæti þessa dagana þar sem
eiginkona hans, Kristín Ól-
afsdóttir, nálgast óðum settan
fæðingardag en hún geng-
ur með annað barn þeirra
hjóna.
ákærður fyrir
veggjakrot
Lögreglustjórinn á höfuð-
borgarsvæðinu hefur gefið út
ákæru á hendur Jóni Gauta
Magnússyni. Jón Gauti komst
í fréttirnar fyrr á árinu þegar
lögreglumaður tók hann háls-
taki í 10-11-verslun í Grímsbæ,
aðalmeðferð í því máli fór fram
í síðustu viku og kvaðst lög-
reglumaðurinn óvart hafa tekið
um háls Jóns Gauta. Ákæran
sem snýr að Jóni Gauta nú er í
þremur liðum. Tveir liðir henn-
ar fjalla um veggjakrot á vegg á
Slippfélaginu og í undirgöngum
í borginni.
Bjó til sprengjur
Jón Gauti er líka ákærður fyrir
brot gegn reglugerð um flugelda,
með því að hafa um áramótin
2007 tekið skotkökur í sundur til
þess að búa til ellefu sprengjur.
Lögreglan gerði húsleit heima
hjá honum og lagði hald á allar
sprengjurnar sem voru í her-
bergi Jóns Gauta. Öll brotin áttu
sér stað fyrir 10-11-árásina
í maí. Dómsuppkvaðn-
ing verður í málinu
1. desember
næstkom-
andi.