Dagblaðið Vísir - DV - 30.12.2008, Page 50

ÞRIÐJUDAGUR 30. DESEMBER 200850 Sport
Árið 2008 var ólympíuár þar sem nokkrir einstaklingar stálu senunni. Söguleg úrslit voru í Formúlunni og þá
reis gamalt stórveldi upp frá dauðum í NBA-körfuboltanum. Á myndunum má sjá smá brot frá íþróttaviðburð-
um á erlendri grundu á árinu 2008.
Svipmyndir
af erlendum vettvangi
Magnaðir leikar Ekkert var til sparað við Ólympíuleik-
ana sem fram fóru í Peking í Kína í ár. London er vorkunn
að þurfa vera með fyrstu Ólympíuleikana á eftir þessum
en gífurlegir fjármunir voru lagðir í leikana í ár. Þá vantaði
ekki aðstoð almennings en yfir 400.000 sjálfboðaliðar
störfuðu við Ólympíuleikana.
Heimsmet Yelena
Isinbayeva bætti sitt eigið
heimsmet á Ólympíuleikun-
um en hún hefur verið
gjörsamlega ósigrandi í
stangarstökki undanfarin ár.
Ómannlegur Michael Phelps tókst það ótrúlega og bætti met
landa síns Mark Spitz frá Ólympíuleikunum 1972. Phelps vann til
hvorki fleiri né færri en átta gullverðlauna. Hann fékk ekki aðeins
nafn sitt grafið í stein íþróttasögunnar með því afreki heldur slétta
milljón dollara frá íþróttavöruframleiðandanum Speedo.
Fljótastur Það hleypur enginn í heiminum
hraðar en Usain Bolt og það sást best á
Ólympíuleikunum. Bolt dansaði í mark bæði í
100 og 200 metra hlaupi og setti auðveldlega
heimsmet í báðum greinum. Hann bætti met
Michaels Johnson í 200 metra hlaupi sem
enginn hélt að hægt væri að bæta.
Yngstur og bestur Lewis Hamilton gat í
fyrra orðið fyrsti nýliðinn til að vinna
heimsmeistaratitilinn í Formúlu 1. Honum
tókst það ekki þá en hann gerði það í ár
og varð um leið yngsti heimsmeistarinn í
sögu íþróttarinnar. Hvort hægt verði að
sigra hann á næstu árum er góð spurning.
Gladdi hjörtu Það eru
margir stuðningsmenn
Boston Celtics á Íslandi
en þetta NBA-stórveldi
hefur mátt muna sinn
fífil fegurri undanfarna
tvo áratugi. Undir
forystu Pauls Pierce,
Rays Allen og Kevins
Garnett vann Celtic
NBA-titilinn á nýjan leik.
Risarnir meistarar New England Patriots varð
annað liðið í sögunni til að vinna alla leiki sína á
tímabilinu í NFL-deildinni. Það komst svo alla leið
í úrslitaleikinn mjög auðveldlega en þar stóðu
New York Giants uppi sem meistararar.
Bræðurnir ósigrandi Báðir Klitscho-
bræðurnir, Vladimir og Vitali, lögðu beltin
sín að veði á árinu. Þeir unnu báðir í
sínum bardögum sannfærandi á
rothöggi. Svo sannarlega sterkustu
bræður í heimi, alla leið frá Úkraínu.