Dagblaðið Vísir - DV - 30.12.2008, Page 72

Mercedes club-æðið
n Sveitin vakti strax mikla athygli fyrir vöðvamikla og
tanaða meðlimi og aðsniðna galla söngkonunnar
Rebekku. Barði Jóhannsson var heilinn á bakvið
dansdrifið teknó sveitarinnar en hún var ekki langt
frá því að komast alla leið í Eurovision. Mörgum var
misboðið þegar eitt lag sveitarinnar reyndist vera
auglýsing fyrir Símann en meðlimirnir létu það ekki á
sig fá. Mercedes-æðið var mjólkað hratt og
örugglega en það endaði jafnhratt og örugglega og
það hófst. Óvíst er hvort sveitin er lífs eða liðin en
ólíklegt þykir að hún stígi aftur á svið. steed lord í bílslysi
n Að morgni 9. apríl á þessu ári fékk stórsöngvarinn
Björgvin Halldórsson símtal sem allrir foreldrar
kvíða. Dóttir hans, Svala Björgvinsdóttir, unnusti
hennar, Einar Egilsson, og bræður hans, Erling og
Eðvard, ásamt Agli Eðvardssyni höfðu lent í
harkalegu bílslysi á Reykjanesbrautinni. Svala og
bræðurnir þrír skipa sveitina Steed Lord og voru
þau á leiðinni til Evrópu í tónleikaferðalag. Öll voru
þau lögð inn á gjörgæslu, yngsti sonurinn, Eðvard,
og Einar slösustu báðir mjög illa. Sveitin var langan
tíma í endurhæfingu en hún gaf út sína fyrstu plötu
á dögunum, Truth Serum.
björk tals-
Maður íslands
n Fjölmiðlar ytra leituðu mikið
eftir áliti Bjarkar Guðmundsdóttur
söngkonu í kjölfar efnahagshruns-
ins hér heima. Björk lá ekki á
skoðunum sínum og hvar leiðin
að upprisu Íslands lægi. Hún
talaði harðlega gegn stóriðju og
skaut fram hinum ýmsu
hugmyndum um sprotafyrirtæki
og annan atvinnurekstur sem
myndi skapa meiri auðæfi til langs
tíma litið en stóriðja. Björk talaði
um jákvæðu hlutina við landið
meðan erlendir fjölmiðlar margir
hverjir gerðu hvað þeir gátu til að
ausa skít yfir land og þjóð.
innlendur
stjörnuannáll
ÞRIÐJUDAGUR 30. DESEMBER 200872 Áramót
n Frægasti gestur ársins var
án efa óskarsverðlauna-
leikarinn Mel Gibson
sem kom hingað til
lands ásamt tveimur
sonum sínum í sum-
ar. Mel kom til lands-
ins með einkaþotu. Á
meðan á dvöl hans stóð
kynnti leikarinn sér sögu og
menningu Íslands þess á milli sem
hann spókaði sig um Reykjavíkur-
borg. Mel og synir hans tveir spil-
uðu einnig golf við Urriðaholt.
n Heimilisgyðjan
Martha Stew-
art heimsótti
einnig land-
ið í sumar
og heimsótti
meðal annars
vinkonu sína
Dorrit Mouss-
aieff forseta-
frú. Haldin var stjörnukvöldverður
til heiðurs sjónvarpsdrottning-
unni á Bessastöðum þar sem
allir helstu auðmenn landsins
voru einnig mættir. Martha
kynnti sér land og þjóð og var
sérstaklega heilluð af Ólöfu
í Vogafjósinu í Mývatnssveit.
Martha var svo heilluð af Íslandi
að hún sýndi innslag í þætti sínum
seinna á árinu.
n Íslenskar
stúlkur kiknuðu
í hnjánum er
fréttir bárust af
því að mex-
íkóski leikar-
inn Gael García
Bernal myndi
dvelja á landinu um
tíma til þess að taka þátt í verkinu
Kommúnunni sem leikstýrt var af
Gísla Erni Garðarssyni. Gael dvaldi
lengi vel á Íslandi og sást spóka
sig á kaffihúsum á daginn þar sem
hann drakk espresso og naut þess
að vera óþekktur á Klakanum.
n Bandaríski sjón-
varpsþátta-
stjórnand-
inn Al Roker
eyddi nokkrum
dögum hér á
landi á vegum
morgunþáttarins
The Today Show.
Ástæðan fyrir komu þáttargerðar-
manna til landsins var að þeir vildu
vekja athygli á umhverfisvanda-
málum og hvað áhorfendur geta
gert til þess að hjálpa til. Fjallað var
ítarlega um íslenska vatnið og þá
sérstaklega vatn Jóns Ólafssonar,
Icelandic Glacial.
n Leikarinn Anthony Edwards,
sem er einna þekktastur fyrir hlut-
verk sitt sem læknirinn Green í
Bráðamóttökunni kom hingað til
lands í sumar til að vera viðstadd-
ur styrktarsamkomuna Shoes for
Africa sem fór fram á Hilton-hót-
elinu. Þar bauð hann á uppboði
læknasloppinn sem hann notaði í
þáttunum vinsælu.
n Auðmennirnir
streymdu einnig
til landsins. Á
haustmánuð-
um kom stór
hópur rúss-
neskra auð-
manna til lands-
ins á einkaþotu og með í för ríkasti
maður Rússlands, Oleg Derip-
aska. Hann er jafnframt níundi rík-
asti maður í heimi. Hópurinn lagði
undir sig 101 hótel og þurfti að loka
Hverfisgötunni í aðra áttina til þess
að koma risajeppunum fyrir. Að
sögn heimildarmanna DV var þetta
ein stór skemmtiferð.
n Það var mikið um það að
gamlar rokkhetjur legðu leið
sína hingað á Klakann. Þar ber
helst að nefna lifandi goð-
sagnirnar Bob Dylan og Eric
Clapton. Eins og vanalega þegar
Clapton kemur til landsins fór
hann í laxveiði en þetta var í
annað sinn sem Dylan heimsótti
Ísland.
n David Coverdale og félagar í
Whitesnake tróðu upp í Höllinni
en það gerði einnig gamla brýn-
ið John Fogerty úr Creedence
Clearwater Revival. Fogerty tók
marga gamla slagara og vakti
mikla lukku. Þá hélt Paul Simon
líka tónleika í Höllinni.
ellisMellir
í heiMsókn
Frægir á landinu
heiMkoMa landsliðsins
n Það var sannkölluð þjóðhátíð þegar íslenska karlalandsliðið kom heim
frá Peking með silfrið góða um hálsinn. Flugvél þeirra lenti á Reykjavíkur-
flugvelli og þyrla og flugvél Landhelgisgæslunnar fylgdu henni eftir.
Hátíðarhöldin náðu svo hámarki á Arnarhóli þar sem slegið var
heimsmet í nýtingu fersentimetra á sviði. Allir sungu strákunum til
heiðurs og Páll Óskar hélt uppi stuðinu. Einhverjum þóttu fagnaðarlætin
yfirdrifin og orð eins og „aulahrollur“ komu til tals en flestir ef ekki allir
landsmenn voru að springa úr stolti.
rokkgoð deyr
n Keflvíska rokkgoðsögnin í
lifanda lífi Rúnar Júlíusson
féll frá 5. desember
síðastliðinn aðeins 63 ára að
aldri. Rúnar fékk hjartastopp
er hann var kominn á
bráðamóttökuna en að sögn
eiginkonu hans, Maríu
Baldursdóttur, vildi hann
láta tékka blóðþrýstinginn
áður en hann stigi á svið.
Íslenska þjóðin kvaddi
rokkarann mikla en útför
hans fór fram í Keflavík og
sýnt var frá jarðarförðinni í
Fríkirkjunni í Reykjavík sem
var full út úr dyrum.
begga- og Pacas-æðið
n Þjóðin féll kylliflöt fyrir Begga og Pacas, kærustuparinu sem sigraði í raunveruleikaþættin-
um Hæðinni á árinu. Á augabragði urðu þeir lífsstílsgúrúar Íslands og boðberar hins
jákvæða. Beggi og Pacas voru svo vinsælir að umræða um að þeir fengju sinn eigin þátt
komst einnig til tals. Þeir mættu vikulega í magasínþáttinn Ísland í dag og urðu á innan við
viku vinsælustu veislustjórar landsins. Allir vildu fá sinn skammt af Begga og Pacas.
ár ásdísar ránar
n Í byrjun árs varð allt brjálað í kringum Ásdísi Rán Gunnarsdótt-
ur er fréttir bárust af því að hún kæmi til með að keppa í
raunveruleikaþættinum Million Dollar Woman. Íslendingar kusu
dag eftir dag til þess að koma Ásdísi í keppnina og það virkaði.
Ásdís varð fyrir valinu sem einn keppenda í leitinni að milljón
dollara konunni. En það var ekki fyrr en að Ásdís flutti til Búlgaríu
að hún byrjaði að vekja athygli í fjölmiðlum hérna heima. Ásdís
og Garðar eru nokkurs konar David og Victoria Beckham
Búlgaríu og virðast fjölmiðlar þar í landi hafa mikinn áhuga á
ljóshærðu stúlkunni frá Íslandi. Ásdís komst í fréttirnar hérna
heima er hún var lögð snögglega inn á spítala í Búlgaríu vegna
bólgna í eggjastokkum. Læknarnir sögðu hana hafa verið
þremur tímum frá dauða. Keppnin um milljón dollara konuna
hefur verið flautuð af, en Ásdís heldur áfram að gera það gott.
Hún hefur sagt í viðtölum við DV að það komi vel til greina að
prýða forsíður karlatímarita á borð við Playboy og FHM.