Lögmannablaðið - 01.12.2001, Page 3
Afmæli fagnað
Lögmannafélag Íslands fagnarafmæli. Hinn 11. desember2001 eru 90 ár liðin frá stofn-
un félagsins. Félagið hét reyndar
upphaflega Málflutningsmannafé-
lag Íslands en frá árinu 1944, Lög-
mannafélag Íslands. Stofnendur, í
desember 1911, voru 17 og fyrsti
formaður félagsins Eggert Claes-
sen, þá málflutningmaður við
landsyfirréttinn. Eggert gengdi for-
mennsku til 1918 og reyndar í tví-
gang síðar, árið 1921 og 1940 til
1941. Er hann eini lögmaðurinn
sem þrisvar sinnum gegndi for-
mennsku í félaginu og ólíklegt að
aðrir leiki það eftir.
Segja má að stétt lögmanna hafi
fyrst orðið til með lögum 32/1905
enda þótt fyrstu almennu lögin um
lögmenn og störf þeirra kæmu
ekki til fyrr en með lögum
61/1942. Í þeim lögum segir að
lögmenn séu opinberir sýslunar-
menn og einnig er kveðið á um
skylduaðild þeirra að Lögmannafé-
lagi Íslands. Lögin frá 1942 voru
umgerð réttinda og skyldna lög-
manna, og giltu þau með nokkrum
breytingum, allt þar til lög um
lögmenn nr. 77/1998 tóku gildi 1.
janúar 1999.
Framkvæmdastjóri Lögmannafé-
lags Íslands, í fullu starfi, var fyrst
ráðinn fyrir 20 árum, þegar Hafþór
Ingi Jónsson hóf störf en hann
starfaði frá 1981 til september
1989. Unnur Gunnarsdóttir tók þá
við en stansaði stutt, eða til mars
1990. Marteinn Másson gegndi
störfum frá 1990 til september 1999
en frá þeim tíma hefur Ingimar
Ingason verið framkvæmdastjóri
félagsins.
Gífurleg fjölgun hefur verið í fé-
laginu, sérstaklega síðustu 15 árin.
Þannig voru félagsmenn árið 1985,
279 talsins en eru nú rúmlega 600.
Á stórafmælum er til siðs að líta
jafnt til baka sem fram á veginn. Til
að skyggnast í söguna réði félagið
Davíð Þór Björgvinsson prófessor.
Fróðleg grein hans og skemmtileg
birtist í því hefti Tímarits lögfræð-
inga sem kemur út um þessar
mundir.
Sjálfstæðir lögmenn og
óháðir
Frá upphafi hefur Lögmannafélag
Íslands talið miklu skipta að standa
vörð um óháða og sjálfstæða stétt
lögmanna sem væri meðal horn-
steina nútíma réttarríkis. Hefur
ætíð þótt nauðsynlegt að lögmaður
gæti lagt hið skynsamlegasta til
máls skjólstæðings síns; þess sem
hann viti sannast eftir lögum og
eigin samvisku, óháð nokkrum
öðrum áhrifavöldum. Af þessu
grundvallaratriði hefur félagið talið
leiða að félag lögmanna ætti sjálft
að fara með agavald yfir starfandi
lögmönnum. Við setningu lög-
mannalaganna 1998 varð um þetta
atriði mikill ágreiningur, því frum-
varpið gerði ráð fyrir að agavaldið
flyttist til framkvæmdavaldsins.
Niðurstaðan í lögunum frá 1998
varð hins vegar sú að starfandi
lögmenn yrðu þrír af fimm mönn-
um í úrskurðarnefnd lögmanna
sem tók við hlutverki, sem áður
hafði verið hjá stjórn félagsins. Fer
úrskurðarnefndin nú, ásamt stjórn
Lögmannafélagsins, með agavald
yfir lögmönnum.
Opinberir embættismenn í
praksís
Stjórn Lögmannafélagsins barðist
fyrir því á annan tug ára að opin-
berir embættismenn stunduðu ekki
almenna lögmennsku og náðist
árangur loks 1971 þegar reglugerð
var sett um að störf lögfræðinga
við embætti dómara, í stjórnarráði,
3Lögmannablaðið
Ásgeir Thoroddsen hrl., formaður LMFÍ
Pistill formanns
Endurskoðun laga um lögmenn nr. 77/1998
Lögmannafélag Íslands
Álftamýri 9, 108 Reykjavík
sími (telephone): 568-5620
bréfsími (telefax): 568-7057
tölvupóstur (E-mail): lmfi@lmfi.is
heimasíða: www.lmfi.is
Stjórn L.M.F.Í.
Ásgeir Thoroddsen hrl.,
formaður
Helgi Birgisson hrl.,
varaformaður
Ársæll Hafsteinssson hdl.,
gjaldkeri
Lára V. Júlíusdóttir hrl.,
ritari
Helgi Jóhannesson hrl.,
meðstjórnandi
Starfsfólk L.M.F.Í.
Ingimar Ingasson,
framkvæmdastjóri
Jóna Kristjana Kristinsdóttir,
félagsdeild
Guðný Gísladóttir, ritari
Blaðið er sent öllum félags-
mönnum.
Ársáskrift fyrir utanfélagsmenn:
kr. 1.500 + vsk.
Verð pr. tölublað kr. 300 + vsk.
Netfang ritstjórnar: jks@landslog.is
Prentun:
Ísafoldarprentsmiðja
Umsjón auglýsinga:
Öflun ehf., sími 533 4440
Ásgeir
Thoroddsen,
hrl.