Lögmannablaðið - 01.12.2001, Blaðsíða 25

skipulagi félagsins og stofnuð var
sérstök félagsdeild. Þykir ekki
ástæða til að rekja þetta nánar svo
vel sem þetta allt ætti að vera nú-
verandi félagsmönnum kunnugt.
Þá hefur hið breytta faglega um-
hverfi kallað á að félagið beiti sér í
auknum mæli að endurmenntun
lögfræðinga og hefur hið faglega
starf eflst mjög við það. Þá hefur
alþjóðavæðing lögfræðinnar sett
sinn svip á félagið og kallað á stór-
aukna þátttöku í alþjóðlegu sam-
starfi. Sumt af því á sér þó nokkuð
langa sögu, svo sem regluleg þátt-
taka á sameiginlegum fundum nor-
rænna lögmannafélaga allt frá
sjötta áratugnum. Enn má nefna að
umræður um nýja löggjöf um lög-
menn og breytingar á félagsstarf-
inu í tengslum við það, sem og
aukinn atbeini félagsins í endur-
menntun lögfræðinga, settu mjög
mikinn svip á allan tíunda áratug-
inn. Þá verða á þessum tíma nokk-
uð áberandi umræður um hlutverk
félagsins í almennri þjóðfélagsum-
ræðu, einkum á sviði mannrétt-
inda. Með þessu urðu viss tímamót
þar sem umræður af því tagi innan
félagsins áttu sér tæpast fordæmi í
sögu þess. Þeir sem rita sögu fé-
lagsins í framtíðinni munu líklega
horfa til tíunda áratugarins sem
einna merkustu tímamóta í sögu
þess.
4. Niðurlag
Stofnfélagar Lögmannafélags Ís-
lands voru 17. Meðal þeirra voru
menn sem ekki höfðu lögmanns-
störf að aðalstarfi. Þegar þetta er
ritað eru 601 lögmaður í félaginu
og af þeim eru einnig í félagsdeild
373. Ennfremur er lögmönnum nú
skylt að vera í félaginu, a.m.k. að
hluta til, sem ekki var fyrstu 30 árin
í starfsemi þess. Grundvöllur fé-
lagsstarfsins er þar með að sjálf-
sögðu allur annar en var í upphafi.
Fyrir vikið er félagið vissulega
margfalt öflugra en það var á fyrstu
árum þess og betur fært um að
takast á við fjölþættari og stærri
verkefni. Hefur sú líka orðið raun-
in síðustu áratugina. Félagið hefur
í stuttu máli þróast úr því að vera
fámennur frjáls félagsskapur ör-
fárra manna í eins konar stofnun
sem fer með eftirlits- og agavald
yfir lögmönnum, um leið og það er
öflugur málsvari hagsmuna stéttar-
innar og mikilvægt afl í faglegum
málefnum hennar.
Á stórafmælum er venja að horfa
yfir farinn veg og huga að fram-
haldi. Mitt hlutverk á afmælisárinu
hefur eingöngu verið það að horfa
yfir farinn veg og leitast við að skil-
greina félagið frá sögulegu sjónar-
miði. Afrakstur þess er fyrst og
fremst að finna í söguágripi því
sem birtist í Tímariti lögfræðinga
en síður í þessari stuttu grein. Ég
vil nota þetta tækifæri til að færa
félagsmönnum og stjórn félagsins
árnaðaróskir á þessum tímamót-
um. Það er þeirra hlutverk að
ávaxta þann arf sem þeir hafa þeg-
ið frá fumkvöðlunum og stjórnum
félagsins á liðnum áratugum og
treysta og efla þann sess sem öflug
og sjálfstæð lögmannastétt á að
hafa í lýðræðis- og réttarríki.
25Lögmannablaðið
Símaskrá LMFÍ frá árinu 1963