Lögmannablaðið - 01.12.2001, Blaðsíða 14

Alþjóðlegur skattaréttur
Fjallað verður almennt um alþjóðlegan skattarétt og
hvað felst í þessu réttarsviði. Þá verða skoðaðir tví-
sköttunarsamningar - túlkun þeirra og notkun - hvern-
ig samningarnir eru notaðir við skattlagningu fyrirtækja
og einstaklinga milli landa. Einnig verður fjallað um
ákvæði samninganna um milliverðlagningu (transfer
pricing) og ákvæði um takmörkun á notkun samning-
anna (limited of benefits). Þá verður fjallað um eignar-
haldsfélög á aflandssvæðum og alþjóðleg viðskiptafé-
lög. Þá verður farið yfir 8. tl. 31. gr. laga nr. 75/1981
um frádrátt arðstekna frá félagi sem er skattlagt með
sambærilegum hætti og hér á landi.
Lengd námskeiðs: 9 klst.
Dagsetning: 31. jan., 1. og 2. feb. 2002, kl. 9:00-
12:00
Verð: 37.000 kr.
Leiðbeinendur: Kristján G. Valdimarsson hdl., for-
stöðumaður hjá BÍ verðbréf og stundakennari hjá HÍ
og Árni Harðarson hdl., forstöðumaður skattasviðs
Deloitte&Touche
Rafræn samningagerð og undirskriftir
Ýmis vandamál eru tengd viðskiptum yfir Netið sem
geta leitt til þess að þau séu ekki traust og örugg. Raf-
rænar undirskriftir og rafræn skilríki eru lausnir sem
ætlaðar eru til að leysa þessi vandamál. Margar lög-
fræðilegar spurningar eru tengdar notkun rafrænna
undirskrifta og lagalegu gildi þeirra, t.d. varðandi form-
skilyrði í lögum, stofnun og skuldbindingargildi samn-
inga, neytendavernd, persónuvernd, sönnun fyrir
dómstólum og bótaábyrgð vegna notkunar og útgáfu
þeirra. Farið verður yfir þessi álitaefni einkum með
hliðsjón af lögum nr. 28/2001 og tilskipun EB 93/99
um rafrænar undirskriftir.
Lengd námskeiðs: 9 klst.
Dagsetning: 14.-15. feb, kl. 16:00-19:00 og 16. feb.
kl. 9:00-12:00
Verð: 37.000 kr.
Leiðbeinandi: Birgir Már Ragnarsson, hdl. og að-
stoðarframkvæmdastjóri Auðkennis hf.
Vinnuréttur og vinnusamningar
Farið verður yfir helstu atriði sem varða réttarstöðu að-
ila í vinnusambandi á almennum vinnumarkaði. Eink-
um verða skoðuð ákvæði laga og kjarasamninga sem
leitt hafa til réttarágreinings er varða s.s. veikindarétt,
orlofsrétt, uppsagnir, ofl. Einnig verða skoðuð ákvæði
ráðningasamninga, t.d. er varða heimild til breytinga á
ráðningakjörum, samkeppnishindrandi ákvæði, með-
ferð tölvupósts, réttarstöðu við eigendaskipti o.fl. Rætt
verður um áhrif EES reglna á vinnurétt.
Lengd námskeiðs:12 klst.
Dagsetning: 26. og 28. feb. kl. 8:00-12:00 og 2. mars
2002, kl. 9:00-13:00
Verð: 47.000 kr.
Leiðbeinandi: Guðmundur B. Ólafsson, hdl., lög-
fræðingur hjá VR.
Heimildaleit á netinu
Í fyrsta hluta verður farið almennt í notkun Internets-
ins og rafrænna miðla í lögfræðilegri heimildaleit, þró-
un miðlunar á slíkum upplýsingum á síðari árum og
hvar helst sé að finna upplýsingar á þessu sviði, eink-
um réttarheimildir. Í tengslum við það verða kynntar
helstu vefsíður og vefsíðusöfn, innlend og erlend, sem
nýtast íslenskum lögfræðingum í starfi. Í öðrum hluta
verður fjallað almennt um upplýsingaleit á bókasafni,
rafrænum bókasöfnum, innlendum og erlendum, leit í
sérstökum norrænum gagnasöfnum, leit í UFR og
KARNOV, auk þess sem fjallað verður um rafræn tíma-
rit og gagnasöfn, sem nýtast lögfræðingum í starfi. Í
þriðja hluta verður fjallað sérstaklega um leit í tengsl-
um við reglukerfi Evrópusambandsins, einkum leit í
reglugerðum, tilskipunum og öðrum gerðum. Notkun
á EUR-LEX verður kynnt.
Lengd námskeiðs: 9 klst.
Dagsetning: 5.-7. mars 2002, kl. 16:00-19:00
Verð: 37.000 kr.
Leiðbeinendur: Gunnar Pétursson, lögfræðingur
hjá Sjóvá-Almennum tryggingum hf., Auður Gestsdótt-
ir, bókasafns- fræðingur hjá Landsbókasafni. Brynja
Hafsteinsdóttir, lögfræðingur hjá Samkeppnisstofnun.
Samkeppnisréttur
Í námskeiðinu verður farið yfir helstu samkeppnisá-
kvæði samkeppnislaga og gerð grein fyrir þeim breyt-
ingum sem gerðar voru á þeim með lögum nr.
107/2000. Lögð verður sérstök áhersla á bann laganna
við samráði keppinauta, banni við misnotkun á mark-
aðsráðandi stöðu og reglur um samruna. Einnig verð-
ur gerð grein fyrir sektarheimildum samkeppnislaga.
Lengd námskeiðs: 8 klst.
Dagsetning: 19.-22. mars 2002, kl. 17:00-19:00
Verð: 33.000 kr.
14 Lögmannablaðið
Styttri námskeið á vorönn 2002 hjá Háskólanum í
Reykjavík í samstarfi við Lögfræðingafélag Íslands og
Dómarafélag Íslands