Lögmannablaðið - 01.12.2001, Blaðsíða 24

semi félagsins hafi verið fremur
einhæf fyrstu áratugina eftir gildis-
töku laganna frá 1942 og meðferð
kæru- og ágreiningmála annars
vegar og bein hagsmunamál lög-
manna hins vegar hafi skyggt á
annað starf. Mun það m.a. hafa
verið hugsun margra félagsmanna
og stjórnenda lögmannafélagsins
að stofnun Lögfræðingafélags Ís-
lands gæfi lögmönnum frekar færi
á að efla sérstakt félag þeirra sem
eins konar stéttarfélag lögmanna.
Á síðari hluta áttunda áratugarins
og upphaf þess níunda fer aftur
bera á því að félagið lætur sig í
auknum mæli varða almennari fag-
leg málefni lögfræðinga, með því
að standa að málþingum, nám-
skeiðum fyrir lögmenn og fræða-
fundum af ýmsum toga. Er þetta
núorðið ríkur þáttur í starfsemi fé-
lagsins. Grundvöllur að starfsem-
inni fer að verða fjölþættari en
áður var.
Tíundi áratugurinn markar
einnig að ýmsu leyti mikilvæg
tímamót í sögu Lögmannafélag Ís-
lands. Fyrir lögmannastéttina sjálfa
felast þau m.a. í breyttu og að
ýmsu leyti flóknara rekstrarum-
hverfi. Þetta kemur fram í aukinni
reglusetningu um störf lögmanna,
svo sem í reglum um fjárvörslu-
sjóði og um starfsábyrgðartrygg-
ingar. Þá urðu tvennskonar breyt-
ingar á faglegu umhverfi sem sett
hafa mark sitt á störf lögmanna.
Skipta þar mestu umfangsmiklar
réttarfarsbreytingar á árinu 1992 og
einnig að nokkru aðild Íslands að
EES-samningnum. Að því er lög-
mannafélagið varðar eru stærstu
tímamótin þau að með lögum nr.
24/1995 var dómsvald í reynd tek-
ið af félaginu í því formi sem það
var áður. Er það nú, eftir gildistöku
lögmannalaganna frá 1998, í hönd-
um sérstakrar úrskurðarnefndar fé-
lagsins, en ekki hafa úrskurðir
hennar sömu stöðu að lögum og
áður. Þá var skylduaðild að félag-
inu afnumin að hluta til og nær nú
samkvæmt lögunum aðeins til þess
þáttar starfseminnar sem lítur að
opinberu hlutverki félagsins. Af
þessu leiddu róttækar breytingar á
24 Lögmannablaðið
Boðsmiði á árshátíð LMFÍ árið 1974.
Guðmundur Ingvi Sigurðsson, hrl. og Guðmundur Pétursson, hrl. Fyrstir málflytjenda í nýju dómhúsi Hæstaréttar
árið 1996.