Lögmannablaðið - 01.12.2001, Qupperneq 4

hjá lögreglustjóra og víðar væru
ekki talin samrýmanleg handhöfn
lögmannsréttinda.
Með núgildandi lögum um lög-
menn er lögfest að þeir einir geti
notað starfsheitið lögmaður, hér-
aðsdómslögmaður (hdl). eða
hæstaréttarlögmaður (hrl). sem
annað hvort;
• hefur opna lögmannsstofu og
þá starfsábyrgðatryggingu og
heldur fjárvörslureikninga fyrir
fé skjólstæðinga sinna eða,
• starfar sem innanhúslögmaður
félags eða stofnunar og vinni þá
eingöngu fyrir atvinnurekanda
sinn.
Nokkuð erfiðlega hefur gengið
að framfylgja þessum reglum.
Sumum hefur þótt mjög að sér
vegið, þegar þeim er gert að legg-
ja inn hdl/hrl. réttindi sín til dóms-
málaráðuneytisins af því að þeir
falla í hvorugan hópinn. Hér er um
sómakæra lögræðinga að ræða
sem alls ekki eru að misnota rétt-
indi sín, en eru stoltir af hdl./hrl.
titli sínum og telja jafnvel stjórnar-
skrárbrot ef af þeim er tekið.
Lögmannalögin eru skýr og fjalla
um réttindi og skyldur þeirra sem
vinna að lögmennsku en ekki ann-
arra. Titillinn hdl./hrl. er starfsheiti
þeirra sem að lögmennsku vinna
en ekki annarra og hlýtur Lög-
mannafélagið og ráðuneytið að
fara að lögum.
Litið fram á veginn
En lítum fram á veginn og metum
stöðu og tækifæri lögmanna. Ég tel
líklegt að lögmannsstofum eigi
eftir að fækka en lögmönnum eigi
eftir að fjölga. Fjölgun í lögmanns-
stéttinni verði því hjá stærri lög-
mannsstofum. Sérhæfing lögmanna
muni aukast með flóknara lagaum-
hverfi og líklegra sé að sú sérhæf-
ing gerist á stærri stofum fremur en
hjá einyrkjum. Þá er líklegt að auk-
in erlend samskipti eigi eftir að
færa lögmönnum tækifæri, þeim
sem búa yfir færni í ensku lagamáli
og hafa nokkra þekkingu á við-
skiptaumhverfi og kröfum lána-
stofnana.
Lagadeild Háskóla Íslands hefur
verið gagnrýnd fyrir að undirbúa
laganema ekki nægilega fyrir þarf-
ir atvinnulífsins og að skilningur
lögfræðinga þaðan sé takmarkaður
á klukkuverki viðskipta, skatta-
mála og bókhalds. Hái það lög-
mönnum í störfum þeirra. Starfandi
lögmönnum er það fagnaðarefni
að laganemar muni nú eiga fleiri
kosta völ því lagadeild Háskóla Ís-
lands hefur fengið samkeppni eftir
að hafa verið ein um íslenska laga-
kennslu í 90 ár. Við flestar aðrar
námsbrautir en lögfræði geta
námsmenn t.d. lokið námi erlend-
is, en til þess að læra íslenska lög-
fræði gengur það eðlilega ekki, og
hefur ekki, hingað til, verið í önn-
ur hús að venda en lagadeild Há-
skóla Íslands.
Til þess að standast samkeppni
við aðrar stéttir ráðunauta þurfa
lögmannsstofur að eiga kost á fjöl-
hæfni og víðara þekkingarsviði
lögfræðinga en áður. Fleiri náms-
leiðir verða vonandi til þess.
Nú vinna Lögmannafélagið, Lög-
fræðingafélag Íslands og Dómara-
félag Íslands að því að stórauka
samvinnu sína um fundi, fræðslu,
endurmenntun og útgáfu. Er gert
ráð fyrir að Sýslumannafélag Ís-
lands og jafnvel fleiri félög lög-
fræðinga komi að því samstarfi. Er
það trú mín að sameinaðir kraftar
geti skilað betri árangri, því við-
fangsefnin á þessum sviðum starfs-
ins eru svipuð hjá félögum lög-
fræðinga. Muni slíkt samstarf geta
stuðlað að enn aukinni færni lög-
manna í starfi.
4 Lögmannablaðið
Ég tel líklegt að lög-
mannsstofum eigi eftir að
fækka en lögmönnum
eigi eftir að fjölga.