Lögmannablaðið - 01.12.2001, Qupperneq 41

sigri G og M sem skoruðu 5 mörk
gegn engu marki FC 2001. Hinn
vaski Gunnar Bartez hélt marki
G og M hreinu af stakri snilld, og
sannast á Gunnari að aldur og
þyngd er afstætt hugtak í íþróttum
ef keppnisandinn er á réttum stað.
Elfar Rúnarsson skoraði 2 glæsileg
mörk í leiknum og hefði vafalaust
fengið verðlaun fyrir fallegasta
mark mótsins sem hann skoraði
með stórglæsilegri kollspyrnu.
Eftir þessi úrslit var ljóst að loka-
leikur mótsins myndi skera úr um
hvaða lið hampaði bikarnum. Þar
sem G og M hafði betri markatölu
hefði jafntefli nægt þeim til sigurs,
en að sama skapi þurfti RogL að
sigra til að tryggja sér efsta sæti.
Leikurinn var fjörugur og spenn-
andi, en svo fór að Brynjar Níels-
son hrl. gerði gæfumuninn fyrir
GogM, með því að skora eina
mark leiksins í síðari hálfleik með
lúmsku skoti. Hafði Binni verið
nokkur drjúgur að brenna af góð-
um færum í mótinu, en hann fékk
uppreisn æru með því að tryggja
GogM sigur í leiknum og þar með
sigur í mótinu.
Þannig fór um sjóferð þá og lauk
þar með keppnistímabili knatt-
spyrnumanna 2001, en þann 11.
maí tryggði lið RogL sér innanhúss-
bikarinn. Er nú bara að bíða vors-
ins og vonandi að lögmenn mæti
galvaskir til fótmennta á næsta ári,
og eru yngri hópar lögmanna sér-
staklega hvattir til að mæta. Einnig
hefur liðum af landsbyggðinni ver-
ið sárlega saknað og er von að lið
eins og Suðurnesjamenn og Vestur-
landsliðið með Gísla Gíslason bæj-
arstjóra og KR-ing mæti brátt aftur
til leiks.
Smári Hilmarsson, hdl.
Íþróttafréttaritari
41Lögmannablaðið
Hinn knái markvörður Grínarafélagsins í Mörkinni,
Gunnar Jónsson, hrl. og Jóhannes A. Sævarsson, hrl.
hampa bikarnum.
Það mátti sjá góða takta hjá mörgum leikmönnum.
Anton Björn Markússon, hdl., Ágúst Þorkelsson, hdl. og
Jón Steinar Gunnlaugsson, hrl.
Lið FC 2001.
Lokastaðan varð því þessi:
Röð: Lið: U J T Mörk Stig
1. Grínarafélagið á Mörkinni 2 0 0 6:0 6
2. Reynsla og Léttleiki 1 0 1 5:2 3
3. FC 2001 0 0 2 1:10 0