Lögmannablaðið - 01.10.2003, Page 6

6
SÚ HEFÐ hefur skapast að halda vorþingLögmannafélags Íslands á Þingvöllum ár
hvert í samvinnu við Dómarafélag Íslands. Í
byrjun júní sl. hlustuðu á annað hundrað
lögmanna og lögfræðinga á framsögur
ræðumanna sem veltu fyrir sér afsali full-
veldisréttar, framtíð EFTA, kostum og
göllum EB aðildar og hvort stjórnarskrá
Íslands stæðist nána alþjóðlega samvinnu.
Einnig voru dómar EFTA dómstólsins
kynntir sem og dómstóllinn sjálfur.
Frummælendur fundarins voru þeir Þór Vil-
hjálmsson, fyrrverandi forseti EFTA dómstólsins,
Davíð Þór Björgvinsson, prófessor við HÍ,
Kristrún Heimisdóttir, lögfræðingur Samtaka Iðn-
aðarins og Þorgeir Örlygsson, dómari við EFTA
dómstólinn, en sérstakur gestur fundarins var Carl
Baudenbacher, forseti EFTA-dómstólsins, sem
kynnti dómstólinn og ræddi um samvinnu hans
við dómstóla aðildarríkjanna.
Framsaga Þórs Vilhjálmssonar nefndist;
Athugasemdir við EES samninginn. Hann ræddi
um þá gagnrýni sem fram hefði komið um að það
væri ekki í samræmi við íslenska stjórnarskrá að
reglur, sem stjórnvöld hefðu takmarkaða getu til
að hafa áhrif á, kæmu erlendis frá og hvernig best
væri að bregðast við þeirri gagnrýni. Hann sagði
m.a. að þetta nýja kerfi væri framandlegt en ekki
ólöglegt og erfiðleikar íslenskra stjórnvalda hefðu
fyrst og fremst falist í því að sveigja Ísland að
nýjum viðhorfum.
Davíð Þór Björgvinsson ræddi ákvæði stjórnar-
skrár um framsal ríkisvalds og bar saman við
ákvæði í stjórnarskrám annarra Evrópuríkja. Hann
fór yfir réttarstöðuna á Íslandi og rakti rök fyrir
því að setja ákvæði um framsal ríkisvalds í stjórn-
arskrána.
Í framsögu sinni lýsti hann því sem hann taldi
vera réttarstöðuna á Íslandi. Samkvæmt því er
framsal valdheimilda íslenska ríkisins til alþjóða-
stofnana heimilt að vissu marki að uppfylltum
þeim skilyrðum að framsalið sé byggt á lögum,
3 / 2 0 0 3
VORÞING Á ÞINGVÖLLUM
Stjórnarskrá Íslands og Evrópusamvinna – samvinna
íslenskra dómstóla og EFTA-dómstólsins
Fundarstjóri var Lára
V. Júlíusdóttir hrl.
sem jafnframt stýrði
umræðum. Með
henni á myndinni eru
Carl Baudenbacher,
forseti EFTA-dómstóls-
ins sem var sérstakur
gestur fundarins og
Þorgeir Örlygsson
dómari við EFTA-
dómstólinn.