Lögmannablaðið - 01.10.2003, Page 24
Árlegur forsætisfundur norrænu lögmannafé-laganna fór fram hér á landi dagana 29. – 31.
ágúst s.l., nánar tiltekið á Akureyri. Að þessu sinni
voru fimm megin málefni á dagskrá fundarins,
auk skýrslna félaganna um helstu þætti starfsemi
hvers félags um sig frá síðasta forsætisfundi.
Fyrsta mál á dagskrá fundarins varðaði hlut-
verk og þýðingu agavaldsnefnda lögmanna á
Norðurlöndunum og beitingu aga-úrræða. Í fram-
sögu sinni um málið gerði Helge Aarseth, for-
maður norska lögmannafélagsins, m.a. grein fyrir
samanburði á þeim leiðum sem farnar hefðu verið
á Norðurlöndunum við setningu reglna um eftir-
lits- og agavald yfir lögmönnum. Upplýsti Helge
að siðamál lögmanna hefðu mikið verið í brenni-
depli í Noregi undanfarin misseri, m.a. í kjölfar
nokkurra umfangsmikilla dómsmála þar sem lög-
menn höfðu í störfum sínum gerst sekir um alvar-
leg brot gegn siðareglum. Í kjölfar þessara mála
gætti vaxandi þrýstings frá stjórnvöldum, almenn-
ingi og reyndar einnig frá félagsmönnum sjálfum
um að stemma stigu við þessari óheilla þróun.
Benti Helge á mikilvægi þess að lögmannafélögin
sýndu frumkvæði í þessum málum og stæðu undir
þeim kröfum sem gerðar væru til þeirra um eftir-
lit með félagsmönnum.
Efni það sem danska lögmannafélagið tók fyrir
á fundinum snéri að hlutverki lögmanna sem ráð-
gjafa gagnvart almenningi. Í nýlegri skoðana-
könnun sem danska lögmannafélagið lét gera, og
kynnt var á fundinum, kom fram að 88% þeirra
sem nýtt hefðu sér þjónustu lögmanna á síðustu
tveimur árum hefðu verið ánægðir með þjón-
ustuna. Hins vegar hefði komið í ljós þegar þessar
tölur voru skoðaðar nánar að kaupendur þessarar
þjónustu voru að langstærstum hluta fyrirtæki og
stofnanir, en aðeins þriðjungur þeirra einstaklinga
sem könnunin náði til, hefði leitað ráðgjafar lög-
manna á sama tíma. Jafnframt hafi komið fram í
skoðanakönnuninni að ímynd almennings á lög-
mönnum væri allt önnur en ímynd forsvarsmanna
fyrirtækja og stofnana og að þekking almennings
á störfum lögmanna væri verulega áfátt. Ljóst
væri að gera þyrfti átak í því að gera verk lög-
manna sýnilegri og upplýsa almenning um það í
hverju störf þeirra sem ráðgjafa væru fólgin. Lög-
menn þyrftu einnig að setja betur niður fyrir sig á
hvaða réttarsviðum slík ráðgjöf sé möguleg. Þá
eigi lögmenn ekki að eyða tíma í að útskýra fyrir
þeim einstaklingum sem leita til þeirra í hverju
vandamál þeirra væru fólgin, heldur benda á
hvernig hægt sé að leysa þau, þ.e. að selja þeim
lausnir.
Umfjöllunarefni sænska lögmannafélagsins á
fundinum varðaði hlutverk lögmanna utan hefð-
bundinnar vinnu sem lögfræðilegra ráðgjafa. Bent
var á að miklar breytingar hefðu orðið á störfum
sænskra lögmanna á síðustu árum, m.a. vegna
áhrifa Evrópusambandsaðildar, alþjóðavæðingar,
aukinnar samkeppni, sérhæfingar og stærri mark-
aðar. Vaxandi krafa væri frá fyrirtækjum um að
lögmannsstofur veittu víðtækari þjónustu og hefðu
sænskir lögmenn m.a. brugðist við þessum kröfum
með því að ráða viðskiptafræðinga og aðra sér-
hæfða ráðgjafa inn á stofur sínar og þannig getað
boðið skjólstæðingum sínum upp á heildarlausnir.
Færðist í vöxt að slíkir sérfræðingar gerðust hlut-
hafar í lögmannsstofum, enda ekki gerð krafa um
lögmannsstofur séu 100% í eigu lögmanna.
Finnska lögmannafélagið gerði að umtalsefni
trúnaðarskyldu lögmanna, uppruna hennar, stöðu
og þróun, en þessi grundvallarskylda lögmanns
24 3 / 2 0 0 3
Forsætisfundur norrænu
lögmannafélaganna
Frá forsætisfundi norrænu lögmannafélaganna
á Akureyri í lok ágúst.