Lögmannablaðið - 01.03.2007, Blaðsíða 20
20 < LÖGMANNABLAÐIÐ – 1 / 2007
Rannsóknasetur vinnuréttar og jafn-
réttismála við Háskólann á Bifröst var
stofnsett í maí 2005 með samstarfs-
samningi milli Háskólans og Félags-
málaráðuneytisins. Markmið seturs-
ins eru einkum að efla kennslu,
rannsóknir og ráðgjöf á sviði
vinnuréttar og jafnréttismála á
vinnumarkaði og styrkja þannig
stefnumótun á þeim sviðum.
Rannsóknasetrið hefur unnið
að fjölmörgum verkefnum, m.a.
samningu lagafrumvarpa og
greinargerða og staðið fyrir mál-
þingum um ýmis efni á sviði
vinnuréttar. Á síðasta ári voru hjá
setrinu samin drög að tveimur
frumvörpum fyrir félagsmálaráðu-
neytið. Fyrra frumvarpið fjallar
um upplýsingar og samráð í fyr-
irtækjum, sbr. lög nr. 151/2006.
Er þar mælt fyrir um rétt fulltrúa
starfsmanna til þátttöku í und-
irbúningi að ákvarðanatöku í fyr-
irtækjum. Slíkt fyrirkomulag er
nýmæli hér á landi þar sem ekki
hefur verið hefð fyrir slíku í fyr-
irtækjum líkt og í nágrannaríkjunum.
Seinna frumvarpið fjallar um aðild
starfsmanna að evrópskum samvinnu-
félögum sem einnig mælir fyrir um
þátttökurétt starfsmanna.
Launajafnréttismál voru ofarlega á
baugi árið 2006 og stóð setrið fyrir
Elín Blöndal, dósent,
forstöðumaður Rannsóknaseturs vinnuréttar
og jafnréttismála
Rannsóknasetur vinnuréttar
og jafnréttismála
Rannsóknasetrið stendur fyrir verkefn-
inu „Jafnréttiskennitala fyrirtækjanna“
en aðild að því eiga viðskiptaráðu-
neytið, Samtök atvinnulífsins, Félag
kvenna í atvinnurekstri, Jafnréttisráð
og Jafnréttisstofa. Um er að
ræða tveggja ára þróunarverk-
efni og á grundvelli þess birtir
Rannsóknasetrið árlega upplýs-
ingar um stöðu jafnréttis í 100
stærstu fyrirtækjunum á Íslandi.
Fyrstu upplýsingarnar voru birtar
í maí 2005 og stefnt er að birt-
ingu upplýsinga fyrir árið 2006 nú
í vor.
Meðal þess sem er framundan á
árinu 2007 er Vinnuréttardagur
Háskólans á Bifröst sem haldinn
verður 4. maí. Þar munu innlend-
ir sérfræðingar koma saman til að
velta vöngum yfir ýmsum álitaefn-
um á sviði vinnuréttar. Er stefnt að
því að Vinnuréttardagurinn verði
árlegur viðburður hér eftir.
Framundan eru ýmis áhugaverð
verkefni hjá Rannsóknasetrinu sem
tengjast meðal annars Háskólanum á
Bifröst og verkefnum þar. Fyrir áhuga-
sama er bent á heimasíðu þar sem
frekari upplýsingar koma fram um
Rannsóknasetrið og starfsemi þess:
www.rvj.bifrost.is
tveimur málþingum um það efni.
Hið fyrra fjallaði um markaðslaun og
launajafnrétti þar sem norrænir sér-
fræðingar ræddu um efnið út frá sjón-
arhorni lögfræðinnar annars vegar og
hagfræðinnar hins vegar. Síðara mál-
þingið hélt Rannsóknasetrið í sam-
vinnu við Félagsmálaráðuneytið og
var kynnt niðurstaða skýrslu Capacent
um launamun kynjanna. Fulltrúar úr
atvinnulífinu tóku þátt í umræðum
um málefnið.