Lögmannablaðið - 01.03.2009, Blaðsíða 18

18 < LÖGMANNABLAÐIÐ – 4 / 2008
Föstudaginn 27. febrúar 2009
var haldinn fundur á vegum LMFÍ
sem bar yfir skriftina „Áskoranir og
tækifæri í starfi lögmanna á
breyttum tímum“. Fyrirlesari var
David B. Wilkins, prófessor við
Harvard Law School og ræddi hann
um trúnaðarskyldur og hlutverk
lög manna í réttarríki og helstu breyt­
ingar í rekstri lögmannsstofa í
kjölfar fjármála kreppunnar.
Prófessor Wilkins stýrir tveimur rann­
sóknaráætlunum við Harvard Law
School; „Program on the Legal Profess­
ion“ og „Program on Lawyers and the
Professional Services Industry.“ Hann
hefur um árabil kennt námskeið sem
tengjast lögmennsku, m.a. um starfs­
hætti lögmanna, siðareglur og rekstur
og þróun lögmannastofa. Einnig hefur
hann ritað yfir 40 fræðigreinar um störf
lögmanna og gefið út bækur um sama
efni. Wilkins hefur um árabil verið
vinsæll fyrirlesari á fagráðstefnum
lög fræðinga, lögmannafélaga og lög­
manns stofa, jafnt innan sem utan
Banda ríkjanna.
Afleiðingar kreppunnar
Eins og nærri má geta var helsta um fjöll­
unarefni Wilkins á þessum fundi fjár­
málakreppan og afleiðingar hennar fyrir
rekstur lögmannsstofa í Banda ríkjunum.
Wilkins taldi að sú lægð sem ríkir í
efnahagsmálum í Banda ríkjunum kunni
að vara út árið 2010. Ein af afleið ingum
fjármála kreppunnar yrði sú að búast
mætti við því að allt regluverk í kringum
fjármál og fjármálastarfsemi yrði tekið til
endurskoðunar af stjórn völdum og reglur
hertar. Nú yrði litið í bak sýnis spegilinn
og kannað hvernig koma mætti í veg fyrir
að þær aðstæður sköpuðust á ný sem
leiddu til krepp unnar.
Wilkins taldi einsýnt að upp kynnu að
koma hagsmunaárekstrar. Lögmenn sem
unnu áður fyrir stórfyrirtæki og banka
færu e.t.v. að liðsinna stjórn völdum nú
eftir kreppuna. Mikilvægt væri að huga
að því að menn sætu ekki beggja vegna
borðs við þær aðstæður. Einnig gætu
komið upp árekstrar sem vörðuðu
trúnaðarskyldur lögmanna í málum þar
sem lögmannsstofur hafa kannski staðið
mjög nálægt stjórnum fyrirtækja og
jafnvel setið í þeim, til dæmis í fjár mála­
geiranum. Leggja yrði áherslu á að standa
vörð um sjálfstæði lögmanna stéttarinnar.
Erfitt væri fyrir nýtt fólk að komast að á
lögmanns stofum en starfs mannavelta
lög mannsstofa hefði farið úr 25% árið
2007 í 12% í árslok 2008.
Gætt að rekstrinum
Wilkins fjallaði um nauðsyn þess að
lögmenn gættu að rekstri sínum og
reyndu að draga úr kostnaði með öllum
tiltækum ráðum. Ein af afleiðingum
kreppunnar er sú að fleiri lögmanns­
stofur í Bandaríkjunum verða gjaldþrota
en sú þróun er þegar hafin. Þær lög­
manns stofur sem hafa einbeitt sér að
fjármála fyrirtækjum eru komnar í vanda
og sem dæmi nefndi Wilkins lög manns­
stofu í Bandaríkjunum sem var með 40
eigendur og 700 starfsmenn sem ein­
göngu sinntu fjármála fyrir tækjum.
Mörg dæmi væru um að lögmenn hefðu
þurft að fækka verulega starfsfólki sínu og
jafnvel hefðu meðeigendur þurft að hætta
störfum. Einnig hafa eigendur í
einhverjum tilvikum þurft að leggja inn
eigið fé í reksturinn. Lög menn hefðu
brugðist við ástandinu t.d. með útvistun
verkefnaþátta eins og að senda bak­
vinnslur og bókhald á aðra staði í land inu
þar sem ódýrar væri að vinna verkin.
Umfjöllun
Lögmenn í kjölfar kreppunnar
um þrjátíu manns hlýddu á hádegisfyrirlestur david b. Wilkins.