Dagblaðið Vísir - DV - 12.11.2012, Blaðsíða 2

2 Fréttir 12. nóvember 2012 Mánudagur
Sýknaður af
líkamsárás
Héraðsdómur Austurlands sýkn­
aði á föstudag karlmann sem
ákærður var fyrir að ýta fyrrver­
andi kærustu sinni niður stiga.
Samkvæmt ákæru átti atvikið sér
stað í gleðskap aðfaranótt nýárs­
dags í fyrra og var maðurinn sagð­
ur hafa ýtt stúlkunni með þeim af­
leiðingum að hún missti jafnvægið
og féll niður stigann. Hlaut hún
eymsli í hálsi og hnakka og tognun
í efri bakvöðvum.
Samkvæmt framburði ákærða
sló í brýnu milli vinkonu hans og
fyrrverandi kærustu hans þegar sú
fyrrnefnda bað hana um að yfir­
gefa gleðskapinn. Hann neitaði
því að hafa ýtt henni niður stigann
heldur sagði hann að hún hefði
misst jafnvægið eftir að hafa skvett
á hann vatni eða drykk. Hann
neitaði þó ekki að hann kunni að
hafa kippst til þegar hann fékk
drykkinn yfir sig með þeim af­
leiðingum að stúlkan datt.
Dómari í málinu mat það svo
að ekki væri komin fram lögfull
sönnun þess að maðurinn hafi
ýtt stúlkunni niður stigann, eins
og lýst var í ákæru. Var hann því
sýknaður af ákærunni. Sakar­
kostnaður málsins, 313 þúsund
krónur, greiðist úr ríkissjóði.
Illugi á
Beinni línu
Illugi Gunnarsson, þingmaður
Sjálfstæðisflokksins, verður á
Beinni línu DV.is á miðvikudag
klukkan 14. Illugi hefur lengi stað­
ið í eldlínunni fyrir Sjálfstæðis­
flokkinn. Spennandi tímar eru
framundan enda fer prófkjör
flokksins fram í Reykjavík þann 24.
nóvember næstkomandi, um aðra
helgi. Illugi sækist þar eftir fyrsta
sætinu líkt og hann gerði fyrir síð­
ustu þingkosningar þegar hann
hafði betur gegn Guðlaugi Þór
Þórðarsyni.
Handteknir
fyrir kynferð-
isofbeldi
Lögreglan á höfuðborgarsvæð­
inu handtók tvo rúmlega tvítuga
karlmenn snemma að morgni
sunnudags vegna gruns um
kynferðisofbeldi. Var það gert í
kjölfar þess að sextán ára stúlka
hafði leitað til neyðarmóttöku
Landspítalans fyrir þolendur
kynferðisofbeldis. Samkvæmt
tilkynningu frá lögreglunni
var stúlkan gestkomandi í húsi
skammt frá miðborginni í nótt
en engar frekari upplýsingar eru
gefnar í tilkynningunni.
n Bjarni veikur leiðtogi Sjálfstæðisflokksins n Fáir formenn hafa fengið jafn lítið fylgi
A
ðeins einn fyrrverandi for­
maður Sjálfstæðisflokksins
hefur fengið minna fylgi í
prófkjöri flokksins fyrir þing­
kosningar en Bjarni Bene­
diktsson gerði um helgina. Bjarni
hlaut tæplega 54 prósent greiddra
atkvæða til að leiða listann en það
er talsvert minna en hann fékk fyr­
ir síðustu þingkosningar árið 2009.
Í síðasta prófkjöri flokksins fékk
Bjarni rúmlega 60 prósent atkvæða.
Staða Bjarna er talin veikari eftir
prófkjörið en ekki eru nema nokkrir
mánuðir síðan hann var endurkjör­
inn formaður flokksins í slag gegn
Hönnu Birnu Kristjánsdóttur, oddvita
flokksins í Reykjavík. Hanna Birna
sækist eftir því að leiða lista flokksins
í Reykjavík.
Fékk mótframboð
Bjarni var ekki einn um að sækjast
eftir fyrsta sæti listans en það gerði
Ragnar Önundarson viðskipta­
fræðingur líka. Vilhjálmur Bjarnason
sóttist síðan eftir fyrsta til sjötta sæti
listans og hafnaði í því fjórða. Ragnar
endaði hins vegar ekki á meðal efstu
manna í prófkjörinu og liggur ekki
enn fyrir hversu mörg atkvæði hann
fékk. Atkvæðin í fyrsta sætið dreifðust
víða og er óljóst hvaða áhrif framboð
Ragnars í fyrsta sætið hafði raunveru­
lega á gengi Bjarna.
Vilhjálmur fékk 658 atkvæði í fyrsta
sætið, sem eru tæp þrettán prósent
greiddra atkvæða. Ragnheiður Rík­
harðsdóttir, sem hafnaði í öðru sæti
prófkjörsins, hlaut 421 atkvæði í fyrsta
sætið, sem eru rúmlega átta prósent
greiddra atkvæða. Bjarni fékk hins
vegar 2.728 atkvæða sem eru flest at­
kvæði sem nokkur frambjóðandanna
fékk í eitt sæti.
Fer niður um nítján prósentustig
Sé heildartala greiddra atkvæða sem
efstu menn listans fengu skoðuð
kemur hins vegar í ljós að flestir
greiddu Ragnheiði atkvæði sitt í eitt­
hvert sæti. Hún fékk 3.823 atkvæði
sem jafngildir því að rúmlega 75 pró­
sent þeirra sem tóku þátt í prófkjör­
inu vildu hafa hana á listanum. Bjarni
fékk hinsvegar 3.456 atkvæði í heild
sem jafngildir stuðningi 68,2 prósenta
sjálfstæðismanna í eitthvert sæti list­
ans. Bjarni fékk færri atkvæði í heild
en Vilhjálmur.
Til samanburðar vildu 87,5 pró­
sent Sjálfstæðisflokksmanna að
Bjarni væri á lista flokksins fyrir síð­
ustu kosningar. Persónulegt fylgi
Bjarna dregst því saman um rúm
nítján prósentustig. Rétt er þó að hafa
í huga að kjörsókn var aðeins lakari í
prófkjörinu nú en árið 2009.
Tapaði síðustu kosningum
Bjarni hefur þurft að glíma við ýmsa
erfiðleika á kjörtímabilinu og er lík­
legt að einhver þeirra vandamála
hafi áhrif á stöðu hans og fylgi. Í síð­
ustu þingkosningum, sem boðað var
óvænt til í kjölfar efnahagshrunsins,
hrundi fylgi flokksins undir stjórn
Bjarna. Flokkurinn tapaði níu þing­
mönnum á landsvísu frá kosningum
árið 2007 og mynduð var vinstri
stjórn. Skoðanakannanir benda til
þess að flokkurinn nái þessum þing­
mönnum til baka í næstu kosningum
en Bjarni hefur engu að síður verið
gagnrýndur fyrir að flokkurinn sé ekki
með meira fylgi þar sem ríkisstjórn
Vinstri­grænna og Samfylkingar er
mjög óvinsæl.
Fortíð Bjarna úr viðskiptalífinu
frá því áður en hann varð formaður
flokksins hefur líka eflaust haft áhrif.
DV hefur fjallað ítarlega um aðkomu
hans að ýmsum fjárfestingum og við­
skiptafléttum sem sumar hafa að
hluta endað á íslenskum skattgreið­
endum. Þessi fortíð, sem minnir
marga á viðskiptahætti útrásarinnar,
hefur skapað Bjarna óvild bæði innan
og utan flokksins. Enn bendir þó flest
til að fortíðin verði honum ekki að
falli.
Sjálfur ánægður með
niðurstöðuna
Bjarni sagði í samtali við Ríkisútvarp­
ið á sunnudag að hann hafi orðið
fyrir vonbrigðum með niðurstöðu
prófkjörsins. Hann túlkaði þó niður­
stöðuna þannig að hann væri með
eindreginn stuðning flokksmanna.
„Niðurstaðan er engu að síður mjög
afgerandi stuðningur og enginn sem
ógnar minni stöðu sem leiðtoga list­
ans hér í þessu stóra kjördæmi,“ sagði
hann aðspurður um niðurstöðurnar.
Bjarni sagði að sótt hafi verið að
sér í kjördæminu fyrir prófkjörið,
bæði innan og utan flokksins. „ Tveir
frambjóðendur sóttust eftir fyrsta
sætinu og þeir fengu einhver atkvæði
og það hlaut að dragast frá þeim at­
kvæðafjölda sem kom þá til mín en
engu að síður er þetta yfirburðasigur
fyrir mig í fyrsta sætið.“ Þá sagði Bjarni
einnig að niðurstaðan hefði ekki áhrif
á stöðu sína sem formaður.
Í samtali við Morgunblaðið talaði
Bjarni um að það væri „kalt á toppn­
um“ og að hann hefði unnið allar
kosningar sem hann hefði farið í fyrir
Sjálfstæðisflokkinn.
DV náði ekki tali af Bjarna til að
spyrja hann út í fylgistap hans á milli
prófkjara.
Skelfileg tíðindi
„Auðvitað eru þetta skelfileg tíðindi
fyrir formann að fá 54 prósent greiddra
atkvæða. Það er náttúrulega ekki nógu
gott,“ segir Grétar Þór Eyþórsson, pró­
fessor í stjórnmálafærði við Háskól­
ann á Akureyri, aðspurður hvort staða
Bjarni væri veik innan flokksins. Hann
segir að þrátt fyrir mótframboð hafi
Bjarni í raun og veru verið samkeppn­
islaus í fyrsta sætið þrátt fyrir að tveir
aðilar hafi boðið sig fram. „Það voru
engin alvöruframboð á móti formann­
inum í fyrsta sætið. Til samanburð­
ar erum við að horfa á Árna Pál, sem
fær 49 prósent hjá Samfylkingunni og
ætlar að vera formaður, var með hörku
andstæðing, með ráðherra á móti sér.
Það er allt öðruvísi,“ segir hann og bæt­
ir við að ekki sé hægt að segja annað en
að árangur Bjarna sé slæmur.
Aðspurður hvort tölurnar um
stuðning flokksmanna við Bjarna
gefi ekki óumdeilanlega til kynna að
hann sé umdeildur innan flokksins
segir Grétar svo vera. Hann segir að
það sé bara tímaspursmál þangað til
að Bjarna verði ógnað verulega í for­
mannsstóli og vísar til þess að Hanna
Birna mælist með mikinn stuðning
í Reykjavík. „Það þarf samt ekki að
þýða að hann verði að segja af sér,“
segir hann.
Þarf að flýta sér hægt
Styrmi Gunnarsson, fyrrverandi rit­
stjóri Morgunblaðsins, segir aug­
ljóst að prófkjörið veiki stöðu Bjarna
þar sem formaður ætti að fá betri
kosningu þó að dæmi séu um ann­
að. Þar vísar Styrmir líklega til Geirs
Hallgrímssonar, formanns flokksins,
í prófkjöri í Reykjavík fyrir rúmum
þremur áratugum. Þar fékk Geir ekki
nema tæplega 36 prósent atkvæða til
að leiða listann. Hann sat þó áfram og
sat í formannsstólnum fram að næstu
kosningum þegar hann hafnaði í sjö­
unda sæti í prófkjöri flokksins.
Styrmir telur hins vegar að Bjarni
þurfi að gera þrennt í kjölfar próf­
kjörsins. Að horfast í augu við þá
veikleika í pólitískri stöðu hans sem
birtast í niðurstöðunum, að hrein­
skiptar umræður fari fram milli hans
og nánustu samstarfsmanna hans og
samherja í forystusveit Sjálfstæðis­
flokksins um áhrif niðurstöðunnar
á pólitíska baráttu Sjálfstæðisflokks­
ins á næstunni og að hlusta á helstu
trúnaðarmenn flokksins um allt
land. „Hann á að flýta sér hægt,“ segir
Styrmir á bloggsíðu sinni.
Líklega næsti forsætisráðherra
Ef marka má nýlegar skoðanakannan­
ir um fylgi flokkanna virðist lítið geta
komið í veg fyrir að Bjarni verði for­
sætisráðherra eftir kosningar. Fylgi
flokksins samkvæmt síðasta þjóðar­
púlsi Gallup sýnir að sjálfstæðismenn
geta myndað tveggja flokka stjórn
með þremur mismunandi flokk­
um; Vinstri­grænum, Samfylkingu og
Framsóknarflokki.
Það verður þó að teljast ólíklegt að
Vinstri­grænir gangi til liðs við Sjálf­
stæðisflokkinn í ríkisstjórn að loknum
kosningum þar sem Steingrímur J. Sig­
fússon, formaður Vinstri­grænna, hef­
ur lýst yfir eindreginni skoðun sinni
að gefa eigi Sjálfstæðisflokknum enn­
þá lengra frí frá völdum. Jóhanna Sig­
urðardóttir forsætisráðherra hefur
lýst sömu skoðun en hún hverfur úr
forystusveit Samfylkingarinnar eftir
kjörtímabilið. Árni Páll Árnason, sem
marði sigur í prófkjöri flokksins í Suð­
vesturkjördæmi, hefur hins vegar lýst
því yfir, ásamt fleiri þingmönnum
flokksins, að ekki sé hægt að útiloka
stjórnarsamstarf við Sjálfstæðisflokk­
inn.
Erfitt að spá fyrir um stöðuna
Grétar segir að erfitt sé að spá ná­
kvæmlega fyrir um hvernig stað­
an verði á þingi að loknum kosning­
um. Hann segir að vissulega sé ekki
óeðlilegt að gera ráð fyrir að formað­
ur stærsta stjórnmálaflokksins verði
forsætisráðherra en það velti allt á af­
stöðu annarra flokka í stjórnarmynd­
unarviðræðum. „Auðvitað skyldi mað­
ur búast við því að formaður stærsta
flokksins í hverjum kosningum sé
alltaf líklegastur. Það er allt sem bend­
ir til þess að það verði Bjarni en síðan
er aldrei að vita hvernig stjórnarmynd­
unarviðræður æxlast. Það er ekki sjálf­
gefið að stærsti stjórnmálaflokkurinn
sé í stjórn,“ segir hann en ítrekar að
erfitt sé að ráða í þær mælingar sem
liggja fyrir. „Það er svo langur tími til
stefnu.“
Formannsstóllinn í Samfylk­
ingunni gæti líka skipt máli að mati
Grétars og bendir á að Árni Páll, sem
þegar hefur boðið sig fram í emb­
ættið, sé eindreginn stuðningsmað­
ur Evrópusambandsaðildar. „Þá spyr
maður sig hvernig mun honum ganga
að mynda stjórn með þeim flokkum
sem vilja draga aðildarumsóknina til
baka,“ segir hann og bætir við: „Það er
einhver sem þarf að gefa eftir einhvers
staðar, það er alveg ljóst.“
Prófkjörið „skelfileg
tíðindi“ fyrir Bjarna
Aðalsteinn Kjartansson
blaðamaður skrifar adalsteinn@dv.is
Veikur formaður Niðurstöður
prófkjörsins sína að Bjarni er umdeildur
sem leiðtogi Sjálfstæðisflokksins á
meðal flokksmanna. Persónulegt fylgi
Bjarna, til að taka eitthvert sæti á lista
flokksins, dregst saman um rúm nítján
prósentustig á milli prófkjörsins 2009
og nú. Mynd RóbERT REyniSSon
„Hann á
að flýta
sér hægt
Styrmir Gunnarsson ritstjóri