Víkurfréttir - 06.12.2012, Blaðsíða 22

fimmtudagurinn 6. desember 2012 • VÍKURFRÉTTIR22
Kannski að þetta sé bara sú eina rétta! Ég
átti ekki von á þessu frá honum, hélt að
þetta væri eitthvað sem við konur (sumar,
og ég er ein a þeim) fantaseruðum um á
ákveðnum ,,bíómyndafyllerístímabilum“
í lífi okkar þar sem konan er frelsuð af
hinum eina sanna prinsi á hvíta hestinum,
já henni er gjörsamlega svipt burtu úr
hversdagslegri grámyglu og leiðindum.
Svo vöknum við flestar upp og áttum
okkur á því að enginn bjargar
okkur frá okkur sjálfum nema við
sjálfar. Ég dembdi þessu á hann,
sagðist ekki hafa trú á því að þarna
úti sé ,,sú eina rétta“ fyrir hann
eða ,,sá eini rétti“ fyrir mig. Held
þvert á móti að við getum þroskast
með einni og sömu manneskjunni
í gegnum lífið eða farið í gegnum
nokkra félaga til að þroskast á
jákvæðan hátt í sambandi, já eða
bara þroskast ljómandi vel svona
ein og sér.
Ertu alltaf eiiiiiiiiin: móðir mín
heitin var orðin þreytt á því að
þegar frænkur og vinkonur spurðu frétta
af börnunum hennar fimm var iðulega
spurt um eitthvað vinnu- og fjölskyldu-
tengt nema þegar það kom að mér. Þá
breyttist röddin og með svona leiðinda
semingi var spurt: og hvað er svo að frétta
af Önnu Lóu, er hún alltaf eiiiiiiiiiiiin!!!! Já,
svona rétt eins og ég væri með ólæknandi
sjúkdóm á meðan staðreyndin var að ég
blómstraði á svo mörgum sviðum sem
vakti ekki eins mikinn áhuga. Móðir mín
var svo ótrúlega stolt af mörgu sem ég
gerði og fannst þessi áhersla á ,,karl eða
ekki karl“ allt í senn fyndin og merkileg á
tímum sjálfstæðis og jafnréttis. Undir það
síðasta var hún farin að svara mjööööög
ákveðin: já hún er ein, og HVAÐ með það
(smá vörn ok)!
Vonandi endist ÞETTA: En svo kynnist
þú einhverjum og þá er það pressan – von-
andi endist ÞETTA! Stundum ganga sam-
bönd ekki þrátt fyrir kærleika og góðan
ásetning í byrjun. Það fylgir því áhætta að
opna hjarta sitt og hleypa annarri mann-
eskju inn í líf sitt, en þó að sambandið
sé stutt er ekki þar með sagt að það hafi
verið mistök. Þú lærir og tekur með þér
lærdóminn út í lífið og þrátt fyrir tár og
tómleika í hjarta þá ertu reynslunni ríkari
sem mun nýtast á einhvern hátt. Sam-
bandið endist meðan það endist og engin
ein rétt tímasetning hvað þetta varðar.
Æ æ æ gekk‘etta‘ekki í ÞETTA skiptið,
er klárlega ekki það sem þú vilt heyra. Í
mínum huga eru gæði á sambandi ekki
mæld í lengd þess heldur hver þú ert á
meðan á sambandinu stendur.
Þú átt skilið að hitta einhvern! Hversu
oft heft ég heyrt ,,ji, skrýtið að hún sé alltaf
ein, virkar svo fín og ætti skilið að hitta
einhvern“. Ef þetta er sagt um aðra þá er
þetta sagt um mig. Svona rétt eins og það sé
búið að setja einhvern mælikvarða á fólk,
sumir eiga skilið að hitta einhvern en svo
eru það aðrir sem eiga skilið að enda einir
eða í versta falli að enda með einhverjum
drullusokknum eða sokkabuxunum! Ef
þú ert lengi ein en ert ,,svoldið góð og fín“
manneskja þá er auðvitað skýring á því.
Þú ert; of vandlát, of stjórnsöm, of sjálf-
stæð, of fljótfær, of EITTHVAÐ! Já það er
klárlega eitthvað AÐ hjá þér! Svona rétt
eins og það hafi ekkert með það að gera
hvort þú verður ástfangin eða ekki – eða
að þú veljir kannski að vera einn eða ein!
Sagði vini mínum að ég samgledd-
ist honum en útskýrði að ég væri orðin
þreytt á því að vera sífellt minnt á það að
þeir einhleypu væru ekki alveg normal
og hamingjan væri fólgin í því að finna
einu réttu manneskjuna. Það væri búið
að normalisera pör og hjón þrátt fyrir að í
dag vissum við betur. ,,Njóttu þess að vera
í sambandi og ekki hugsa of langt fram í
tímann – þú ert þó alla vega með jólakær-
ustu ef þetta gengur næstu vikurnar“.
Megir þú njóta aðventunnar með því fólki
sem þú kýst að hafa nálægt þér hverju
sinni.
Ljós og friður.
Anna Lóa
Fylgstu með mér - http://www.
facebook.com/Hamingjuhornid
Loksins ég fann þig!
ANNA LÓA
ÓLAFSDÓTTIR
SKRIFAR
HamIngjUHoRnIð
Anna Lóa
Það fylgir því
áhætta að opna
hjarta sitt og hleypa
annarri manneskju
inn í líf sitt.
Stu
tta
r
Jólaljósin á jólatré Sandgerðisbæjar voru kveikt þann 3. desember. Það er orðinn siður í Sand-
gerði að kveikja jólaljósin þann 3. desember en það
er afmælisdagur Sandgerðisbæjar, sem fagnaði í gær
22 ára afmæli. Það var Óðinn Pétursson frá Hafur-
bjarnarstöðum við Sandgerði sem kveikti jólaljósin.
Hann er nýlega orðinn 6 ára gamall en sá siður hefur
skapast að fá sex ára barn sem á afmæli sem næst 3.
desember til að kveikja ljósin. Óðinn á afmæli í lok
nóvember.
Eftir ávarp Ólafs Þórs Ólafssonar, forseta bæjarstjórnar
Sandgerðis, þá söng barnakór Sandgerðis við undirleik
Hobbitana. Þá kom jólasveinn í heimsókn og gladdi
viðstadda.
Kalt var í veðri í Sandgerði í gær en foreldrafélag
Grunnskólans í Sandgerði sá til þess að allir fengju hita
í kroppinn með því að bjóða upp á kakó með rjóma og
piparkökur.
Meðfylgjandi myndir tók Hilmar Bragi.
Sandgerðingar tendruðu
jólaljósin í bæjarafmæli
Með kannabis-
pakkningar
Lögreglan á Suðurnesjum handtók karlmann á þrí-
tugsaldri, sem reyndist vera
með nokkrar pakkningar sem
innihéldu kannabis í vasanum.
Maðurinn var farþegi í bifreið
sem lögregla hafði stöðvað við
hefðbundið eftirlit. Ökumaður
bifreiðarinnar og farþegi voru
báðir handteknir og færðir á
lögreglustöð, þar sem kanna-
bispakkningarnar fundust á
þeim síðarnefnda. Ökumann-
inum var sleppt að lokinni leit
í bifreið hans og hinum mann-
inum einnig eftir að skýrsla
hafði verið tekin af honum.
Þá var annar ökumaður undir
tvítugu handtekinn um helgina,
grunaður um fíkniefnaakstur.
Hann neitaði sök, en játaði svo
brot sitt eftir að leifar af fíkni-
efnum og neysluáhald fundust í
bifreið hans. Loks var ökumaður
handtekinn vegna ölvunarakst-
urs. Hann var færður á lögreglu-
stöð og sviptur ökuréttindum til
bráðabirgða.