Öldrun - 01.05.2005, Blaðsíða 31
31ÖLDRUN – 23. árg. 1. tbl. 2005 www.oldrun.net
Haustið 2004 hélt Öldrunarfræðafélag Íslands aðra aftveimur árlegum námsstefnum sínum í samvinnu við End-
urmenntun HÍ undir heitinu Á tímamótum – nýr lífsstíll aldr-
aðra.
Lífsstílsbreytingar síðari ára og það hvernig samfélagið
styður við aldraða til að njóta þeirra var megin umfjöllunarefni
námsstefnunnar. Margir fyrirlesarar lögðu þar hönd á plóg,
m.a. kynnti Anna Helset félagsfræðingur frá NOVA (Norsk Ins-
titutt for Opvækst og Aldring) rannsókn undir titlinum „Við
lifum 10 árum lengur hér. Norsk sveitarfélög og norskir eldri
borgarar á Spáni“. Fjallaði hún um norska eldri borgara sem
kjósa að verja ævikvöldinu á suðlægum
slóðum, þróun sem gætir í síauknum mæli
í nágrannalöndum okkar. Ræddi hún m.a.
um það hvernig samfélagið styður við
aldraða til að haga lífi sínu á þennan hátt
og þau vandkvæði sem hugsanlega geta
verið þessari þróun samfara.
Bætt heilsa og efnahagur hefur valdið
breyttum lífsstíl sem hefði verið óhugs-
andi fyrir nokkrum árum. Berglind Magn-
úsdóttir öldrunarsálfræðingur fjallaði um
þetta efni undir heitinu „Ungur nemur,
gamall temur“ og benti m.a. á að öldrun
veltur að miklu leyti á viðhorfum okkar
sjálfra til þess að eldast. Hún velti upp
mörgum áhugaverðum flötum á þessu
máli og fjallaði m.a. um öldrunarfælni og
öldrunarfordóma.
Framtíðarsýn varðandi íslenska eldri
borgara á Spáni var einnig til umfjöllunar
og Ingibjörg Þórhallsdóttir hjúkrunar-
fræðingur fjallaði um möguleika, ávinn-
inga og hugsanlega áhættuþætti samfara
þeirri þróun sem við sjáum allt í kringum
okkur og talaði um Spán sem „Flórida Evr-
ópu“. Hún velti upp þeirri spurningu
hvort þetta sé lífsstíll sem aldraðir Íslend-
ingar kjósi sér.
Einnig var fjallað var um opinbera
stefnu og framtíðarsýn í málefnum aldr-
aðra og það hvort þörf væri á breyttum
áherslum í málefnum aldraðra. Margrét
Margeirsdóttir félagsráðgjafi og formaður
Félags eldri borgara fjallaði um ýmislegt
þessu tengt með því að kynna til sögunnar
hlutverk þjónustuhóps aldraðra, sem
stofnaður var árið 2002 í Reykjavík, skv.
lögum um málefni aldraðra. Lagði hún
sérstaka áherslu á að breyta þyrfti löggjöf
um málefni aldraðra í átt frá forsjárhyggju,
sem einkennir þau í dag, að auknu sjálf-
ræði til samræmis við breytt viðhorf í sam-
félaginu og nýjan lífsstíl.
Í lok námsstefnunnar fjallaði Sigrún Pétursdóttir m.a. um
það hvernig nýjar dyr geta opnast þegar öðrum er lokað í erindi
sem hún nefndi „Nýtt líf eftir starfslok“. Hún greindi frá kvíð-
anum sem hún upplifði fyrir starfslok og því hvernig hún eftir
starfslok blómstrar í nýjum verkefnum. Lokaorð hennar á
námsstefnunni voru þau að hún gæti ekki staldrað lengur við,
hún hefði svo mikið að gera og yrði að drífa sig á æfingu hjá leik-
félaginu Snúði og Snældu. Með því minnti hún okkur á, að að
maður hættir ekki að leika sér vegna þess að maður verður
gamall, heldur verður maður gamall þegar maður hættir að
leika sér.
Námsstefna ÖFFÍ 5. október 2004
Á tímamótum – nýr lífsstíll aldraðra
Sigríður Jónsdóttir formaður Öldrunarfræðafélags Íslands