Nesfréttir - 01.03.2015, Síða 10

10 Nes ­frétt ir
Gömlu fiskihjallar út við Gróttu
vestast á Seltjarnarnesi hrundu í
ofsaroki og mikilli rigningu sem
gekk yfir landið 14. mars.
Einnig fuku þakplötur af
áhaldahúsi Seltjarnarnesbæjar
og rúða brotnaði í Tónlistarskóla
Seltjarnarness. Eitthvað var um
minni óhöpp og skaða af völdum
óveðursins. Girðingar fuku um koll
og trambólín sem ekki höfðu verið
tekin niður tókust á loft.
Gömlu fiskihjallar
við Gróttu hrundu
í ofsaroki
Breyting var gerð á gjaldskrá
skóladagvistunar hjá Seltjar -
narnesbæ síðastliðið sumar
í þá veru að gjaldflokkum
var fjölgað á þann hátt að
greiðsla yrði í sem mestu
samræmi við kaup á þjónustu.
Þetta hafði í för með sér að
gjaldskrárflokkar urðu átta
í stað þriggja og í fjórum
tilvikum var um lækkun verðs
að ræða. Gjaldskrárbreytingar
leiddu því til lækkunar gjalda
fyrir helming þeirra sem nota
þjónustuna.
Gjaldskrárbreytingin hefur
í heild sinni virkað til 1%
hækkunar á dvalargjaldi og
6% hækkun þegar breytingar
á fæðisgjaldi eru teknar með í
reikninginn, eftir því sem kemur
fram í breytingum á tekjum
bæjarins vegna þjónustunnar
á milli ára. Í ljósi umfjöllunar
fjölmiðla um hækkun gjalds fyrir
skóladagvistun á Seltjarnarnesi
vill Seltjarnarnesbær koma
þessum upplýsingum á framfæri.
Í umfjöllun fjölmiðla er vísað í
verðkönnun ASÍ þar sem bornar
eru saman gjaldskrár sveitarfé-
laga fyrir skóladagvistun.Þar
eru eingöngu bornar saman
breytingar á einu gjaldþrepi
þjónustunnar en algerlega litið
fram hjá því að verð hefur
lækkað í mörgum tilvikum.
Gjaldskrá skóladagvistunar má
finna á slóðinni http://www.
seltjarnarnes.is/svid-og-deildir/
fraedslusvid/gjaldskrar/nr/802
Gjaldskrárbreytingar
hafa leitt til
lækkunar
Fermingarpeningarnir
á Framtíðarreikning
Ef 30.000 kr. eru lagðar inn á
Framtíðarreikning bætum við
5.000 kr. við.*
Framtíðarreikningurinn ber ávallt
hæstu vexti verðtryggðra spari-
reikninga og er laus við 18 ára aldur.
Nánari upplýsingar
á arionbanki.is/ferming
*Eitt mótframlag fyrir hvert fermingarbarn