Dagblaðið Vísir - DV - 19.11.2007, Síða 4

4 MÁNUDAGUR 19. NÓVEMBER 2007
Fréttir DV
Sýkna vegna
líkamsárásar
Islenska ríkið var á föstu-
dag sýknað af skaðabótakröfu
hjúkrunarfræðings á Kleppi sem
varð fyrir líkamsárás í vinnunni.
Arásin átti sér stað í júní 1997
í skemmtiferð sem farin var
með geðsjúklingum. Þegar áð
var í Skálholti réðst sjúklingur á
hjúkrunarfræðinginn með þeim
afleiðingum að hún marðist illa á
líkama, fékk taugaáfall og átti við
þunglyndi að stríða í kjölfarið.
Ríkið var sýknað af ábyrgð
á röngum viðbrögðum starfs-
manna Kleppsspítala og slæm-
um undirbúningi ferðarinnar.
Vextirhækka
Ibúðalánasjóður hefur ákveð-
ið að hækka útlánsvexti sína um
0,45 prósent. Eftir þessa hækkun
eru vextir sjóðsins 5,55 prósent
á lánum með uppgreiðsluálagi.
Án uppgreiðsluálags eru þeir
nú 5,3 prósent. Á vef íbúðalána-
sjóðs segir að ákvörðunin byggi
á ávöxtunarkröfu í útboði íbúða-
bréfa sem haldið var á föstudag-
inn, ásamt fjármagnskostnaði við
uppgreiðslu iLS-verðbréfa.
Skjalafals og
ölvunarakstur
Fjörtíu og eins árs karlmaður
var dæmdur í tveggja mánaða
fangelsi og sviptur ökuréttindum
ævilangt í Héraðsdómi Reykja-
víkur fyrir helgina. I október 2006
hafði maðurinn ekið bifreið und-
ir áhrifum áfengis, svo óvarlega
að ferðin endaði á umferðarskilti
við Höfðatún. Fyrr á sama ári
hafði hann gert kaupleigusamn-
ing um bifreið, í nafni bróður
síns, og falsað undirskriftir.
Maðurinn á að baki nokkrar
bílferðir undir áhrifum og hefur
verið sektaður fyrir þjófnað.
Ella H. Fuglö Hlöðversdóttir, 37 ára íbúi í Sandgerðisbæ, slasaðist illa þegar hún hras-
aði niður stiga árið 2003. Lif hennar hefur ekki verið samt siðan og er hún 20 prósent
öryrki. Ella segir að hún muni liklega aldrei ná fullum bata og er óánægð með 4,2 millj-
óna króna bætur frá sveitarfélaginu.
„Ég er ekki sátt við niðurstöðu
málsins," segir Ella H. Fuglö Hlöð-
versdóttir, 37 ára íbúi í Sandgerðis-
bæ. Ella síasaðist illa árið 2003 þegar
hún datt niður stiga í húsnæði í eigu
Sandgerðisbæjar. Ella slasaðist það
illa að hún hlaut 20 prósent varan-
Iega örorku og 15 prósent varanlegan
miska. Ellu voru dæmdar rúmar 5,6
milljónir í skaðabætur í héraðsdómi
þann 12. febrúar á þessu ári. Sand-
gerðisbær áfrýjaði málinu til Hæsta-
réttar sem úrskurðaði á fimmtudag-
inn að bætur Ellu skyldu minnkaðar
niður í rúmar 4,2 milljónir króna.
Umturnaði iífinu
Slysið átti sér stað þann 2. desem-
ber 2003 þegar Ella var að fylgja
móður sinni til byggingarfulltrúa
bæjarins. Móðir hennar, sem er mjög
lofthrædd, hafði nýverið keypt sér
íbúð og átti hún erindi við byggingar-
fulltrúann. „Þetta er gamalt húsnæði
sem byggt var árið 1934. Bygging-
arfulltrúinn hafði aðstöðu í kjallara
hússins og því þurftum við að fara
niður tröppur til að hitta hann. Móð-
ir mín er það lofthrædd að hún getur
varla staðið uppi á stól. Þess vegna
ákvað ég að fara á undan henni nið-
ur stigann. Þegar ég var búin að stíga
niður fyrstu tröppuna ákvað ég að
taka við pappírum sem móðir mín
hafði undir höndum til að auðvelda
henni að komast niður. Ég sneri mér
við og tók við pappírunum úr hönd-
um hennar. Um leið og ég leit aftur
fyrir mig var ég dottin niður stigann,"
segir Ella, en eftir fallið breyttist líf
hennar mikið.
Daglegir verkir
Ella segir að hún muni iítið eftir
fallinu sjálfu en hún féll niður bratt-
ar tröppurnar og skall nánast beint
niður á andlitið. „Ég held að ég hafi
náð að halda mér í handrið sem var
þarna við hliðina á niður fyrstu þrjár
til fjórar tröppurnar. Eftir það missti
ég takið og snérist í fallinu. Ég hand-
leggsbrotnaði og það losnuðu einar
átta tennur. Eina þurfti að draga úr
strax en önnur náði aldrei að festa
sig aftur og var dregin úr."
Frá því Ella datt í tröppunum í
Tjarnargötu hefur daglegt líf hennar
breyst til hins verra. Hún hefur verki
nánast daglega í öllum líkamanum
og getur lítið beitt hægri hendinni.
„Eg nota vinstri höndina mikið en
mig verkjar oft í vinstri öxlina. Eftir
þessi fjögur ár sem liðin eru frá sfys-
inu er ég enn með slæma verki og ég
held að líf mitt verði aldrei eins og
það var áður. Verkirnir eru aðallega
í bakinu og hálsinum."
Bæturnar lækkaðar
Vinnueftirlitið var kvatt á staðinn
og var það mat þess að stiginn sem
Ella féll niður væri verulega brattur.
Hann væri það brattur að hann upp-
fyllti ekki kröfur núverandi bygging-
arreglugerðar.
Eftir sfysið bauðst Sandgerðisbær
til að létta undir vegna lækniskostn-
aðar Ellu. „Þeir voru mjög almenni-
legir og borguðu lækniskostnaðinn
fyrir mig. En þegar svona sfys leiða
til þess að maður verður öryrki er
ekki hægt annað en reyna að fá bæt-
ur. Ella fór með málið fyrir dómstóla
og úrskurðaði Héraðsdómur Reykja-
ness eða Ella skyldi fá 5,6 milljón-
ir í bætur. Sandgerðisbær áfrýjaði
dómnum og lækkaði upphæðin eftir
dóm Hæstaréttar niður í 4,2 milljónir
króna. Þeir mátu það svo að Ella bæri
25 prósent ábyrgð á slysinu. „Mér
finnst það skammarlegt að þurfa að
berjast við bæjarfélagið sitt vegna
nokkurra króna. Ég er ekki sátt við
þessa niðurstöðu." einar@dv.is
HRUNDINIÐUR
HÆTTULEGAN STIGA
EINAR ÞÓR SIGURÐSSON
blaöamaður skrifar einan>“dv.is
Ósátt við niðurstöðuna
Ella segist vera ósátt við niðurstöðu
málsins. Hún segist þjást af miklum
verkjum á hverjum degi.
Nýr bókaflokkur
fyrir stelpur á
aldrinum 8-14 ára.
Fyrsta bókin heitir
Horfin sporlaust.
Næsta bók kemur
í október og heitir
Mikil áhætta.
Spenna og fjör
fyrir börn og
unglinga.
Vertu með
frá byrjun!
Uokautnala
www.tindur.is
tindur@tindur.is
Kallaö aö föngum sem nýta útivistarsvæðið viö Kópavogsbraut:
Aðsúquraðkvenfönqum
„Mér er kunnugt um atvik þar
sem kallað er að þeim sem ganga
innan girðingarinnar, jafnvel fólk
sem þarna er aðeins að kynna sér
aðstöðuna. Ég er viss um að þetta er
ekki gert af illgirni heldur hreinum
barnaskap. Þetta er þó ekki líðandi
fyrir þá sem fyrir köllunum verða,"
segir Margrét Frímannsdóttir, starfs-
maður fangelsiskerfisins, um að-
stæður í fangelsinu í Kópavogi. Flest-
ir kvenfangar eru vistaðir þar.
I kringum útivistarsvæðið í fang-
elsinu við Kópavogsbraut er í dag
gegnsæ girðing og því útilokað að
virða sjálfsögð réttindi fanganna til
friðhelgi þegar þeir eru utandyra, að
mati Margrétar. Einnig er fangelsið í
miðju íbúðarhverfi við hliðina á leik-
skóla. Hún álítur að þarna sé brotið
á mannréttindum fanganna. Þetta
Fangar til sýnis Margréti Frfmanns-
dóttur finnst aðstaða fanga í Kópavogi
óviðunandi.
kemur fram í skýrslu sem unnin var
um fangelsismál fyrir dómsmálaráð-
herra.
„Það þarf að hvetja fangana til
útivistar. Það er okkar mat að þessar
aðstæður virki frekar letjandi," segir
Margrét.
Guðmundur Gíslason, forstöðu-
maður fangelsisins við Kópavogs-
braut, sagði við DV í síðustu viku að
hann hefði aldrei fengið formlega
kvörtun vegna þessa og að hann teldi
aðstæðurnar í Kópavogi sambæri-
legar við þær á Litla-Hrauni. Margrét
er ósammála því. Hún bendir á að á
Litla-Hrauni sé lóðin mun stærri og
girðingin tvöföld, aukþess sem íbúa-
byggð sé fjær því fangelsi. „f Kópa-
vogi liggja bæði göngu- og aksturs-
brautir við girðinguna," segir hún.
Konur hafa nær eingöngu ver-
ið vistaðar í fangelsinu í Kópavogi
þótt þar sé ekki um að ræða eiginlegt
kvennafangelsi. I kringum útivistar-
svæðið í fangelsinu við Kópavogs-
braut er í dag gegnsæ girðing og því
útilokað að virða sjálfsögð réttindi
fanganna til friðhelgi þegar þeir eru
utandyra. Einnig er fangelsið í miðju
íbúðarhverfi við hliðina á leikskóla.
erla@dv.is