Morgunblaðið - 21.07.2015, Side 2

2 FRÉTTIRInnlent
MORGUNBLAÐIÐ ÞRIÐJUDAGUR 21. JÚLÍ 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Myndarlegur hópur hesta og knapa vakti athygli
ljósmyndara Morgunblaðsins sem var á ferð um
Norðurárdalinn í gær. Í hópnum voru um 100
hestar og 20 knapar og lá leið þeirra í Hrúta-
fjörð. Yfir fjölfarinn þjóðveg var að fara skammt
frá Grábrók og var brugðið á það ráð að fara um
göng sem liggja undir veginum. Sumum hest-
unum leist ekki á blikuna og þurfti að beita tölu-
verðri lagni til að koma þeim gegnum göngin.
Hundrað hesta hópur hélt í Hrútafjörðinn
Morgunblaðið/Golli
Að mörgu er að hyggja í umferðinni á þjóðvegum landsins
Guðni Einarsson
gudni@mbl.is
Nú stunda 618 smábátar strandveið-
ar hringinn í kringum landið, það er
um 30 bátum færra en í fyrra. Heild-
araflinn er kominn í 6.140 tonn en
veiða má 8.600 tonn.
Örn Pálsson, framkvæmdastjóri
Landssambands smábátaeigenda,
sagði að mestur afli á bát í róðri að
meðaltali sé 614 kg á svæði A (Eyja-
og Miklaholtshreppur til Súðavíkur-
hreppur). Þar er líka mestur heild-
arafli á dag eða að meðaltali 81,7
tonn á þeim 29 dögum sem búið er
að stunda strandveiðar í sumar á
svæðinu. Þeir fengu níu daga í maí,
11 daga í júní og níu daga í júlí. Síð-
asti veiðidagur var 15. júlí. Örn
kvaðst vera bjartsýnn á að aflaheim-
ildir á öðrum veiði-
svæðum dugi þá
átta veiðidaga sem
eftir eru í júlí. Eitt-
hvað gæti þó hakast
aftan af B-svæðinu
(Strandabyggð til
Grýtubakkahrepp-
ur).
Strandveiðibátar
eru flestir á svæði A
en þar eru 226
bátar. Á svæðum B
og C (Þingeyjarsveit til Djúpavogs-
hreppur) eru 140 bátar á hvoru
svæði og 112 bátar á D-svæði
(Hornafjörður til Borgarbyggð).
Strandveiðibátarnir eru búnir að
fara í alls 10.808 sjóferðir í sumar.
Afli á hvern bát er orðinn að með-
altali 9,9 tonn.
„Það eru okkur mikil vonbrigði að
ekki var bætt við aflaheimildir
strandveiðibáta strax á þessu tíma-
bili,“ sagði Örn. Hann benti á 10%
aukningu þorskkvótans á næsta
fiskveiðiári en sumarið 2016 bætast
400 tonn við það sem strandveiði-
bátar fá að veiða.
„Við erum bjartsýnir á að þetta
verði leiðrétt þegar Alþingi kemur
saman í haust og þessi mál skoðuð.
Mörg sveitarfélög og stór byggðar-
lög hafa ályktað með okkur. Þetta
er mikilvægt upp á mannlífið og
ferðaþjónustuna að sýna að það sé
mikið líf í kringum hafnirnar.“
Markaðsmálin áhyggjuefni
Í fyrra veiddu smábátarnir 7.460
tonn af makríl. Nýlega fengu þeir
2.000 tonna viðbótaraflaheimildir á
makríl í sumar. Örn sagði að það sé
vissulega til bóta, en breytt veiði-
kerfi makrílveiða með kvóta á hvern
bát þýði að ekki sitji allir við sama
borð. Bátarnir hafi mismiklar veiði-
heimildir. Með viðbótarheimildun-
um sé komið til móts við þá sem hafa
minnstan kvóta.
„Stærsta áhyggjuefnið er mark-
aðsmálin. Það verð sem maður hefur
heyrt fleygt eru ekki þannig að útlit
sé fyrir góða afkomu af veiðunum.
Menn eru mjög tregir til að hefja
veiðar og fáir sem eru byrjaðir.
Menn bíða átekta. Maður hefur
heyrt af mönnum sem eru að græja
sig til veiða. Það verður hægt að
veiða makrílinn þegar hann er orð-
inn það verðmætur að hægt sé að
losna við hann á aðra markaði en
þessa hefðbundnu,“ sagði Örn.
Fáir smábátar eru á makríl
 Strandveiðar hafa gengið vel í sumar  Mestur afli og flestir bátar á A-svæði
 Hefðu viljað fá meiri aflaheimildir í sumar  Bíða átekta með makrílveiðarnar
Örn
Pálsson
Dómur var kveðinn upp í gær í Hér-
aðsdómi Reykjaness í máli fimm-
menninga sem sakfelldir voru fyrir
hlut sinn, mismikinn, í misþyrmingu
á ungum manni 6. ágúst sl.
Þeim er gefið að sök, í heild eða að
hluta, að hafa haldið manninum
nauðugum, sparkað í höfuð hans,
gefið honum rafstuð m.a. í kynfæri,
neytt hann til neyslu á smjörsýru og
stungið hann í lærið með óhreinni
sprautunál.
Kristján Markús Sívarson var tal-
inn höfuðpaurinn í málinu og dæmd-
ur í fjögurra ára og níu mánaða fang-
elsi, óskilorðsbundið.
Kristján var að auki sviptur öku-
réttindum í tvö ár og ýmsar eignir
hans gerðar upptækar, s.s. eiturlyf,
landi, sterar og vopn sem lögregla
lagði hald á; haglabyssa, rafstuðs-
tæki, loftskammbyssa og hnúajárn.
Þá voru gerð upptæk bruggtæki
sem hann hafði notað til þess að
framleiða gambra í nokkru magni.
Misþungir dómar
Fjórir aðrir voru dæmdir fyrir að-
ild að málinu. Ríkharður Júlíus Rík-
harðsson hlaut þyngstan dóm þeirra,
þrjú ár og tvo mánuði, þar af þrjú ár
skilorðsbundin.
Sigurður Brynjar Jensson hlaut
14 mánaða fangelsisdóm, en refsingu
hans var frestað í 12 mánuði.
Birgir Haukur Halldórsson hlaut
9 mánaða dóm, skilorðsbundinn, og
Marteinn Jóhannsson var dæmdur í
8 mánaða fangelsi, frestað í 6 mánuði
haldi hann skilorð.
Fékk tæplega fimm ára
dóm fyrir líkamsárás
Morgunblaðið/Ómar
Dómur var kveðinn upp í Héraðs-
dómi Reykjaness í gær.
 Fimm mönnum
var gerð refsing
Agnes Bragadóttir
agnes@mbl.is
Þorsteinn Víglundsson, fram-
kvæmdastjóri Samtaka atvinnulífs-
ins, segir að það verði áhugavert að
sjá hvernig verðbólga mælist í
næstu mælingu,
26. júlí nk. Enn
sem komið er hafi
þær hækkanir
sem orðið hafa og
boðaðar hafa ver-
ið, m.a. á mjólk-
urvörum, ekki
haft teljandi áhrif
á stöðugleikann.
„Besta leiðin til
að halda aftur af
verðbólgu er að
gera skynsamlega kjarasamninga.
Kjarasamningarnir sem gerðir voru
í vor eru ákveðin ógn við stöðugleik-
ann, vegna þess að það var farið tals-
vert út fyrir rammann, sérstaklega á
fyrstu tveimur árum samninganna.
Þar af leiðandi fylgir þeim ákveðin
hætta á verðbólgu,“ sagði Þorsteinn
í samtali við Morgunblaðið í gær.
Leiti annarra leiða
Þorsteinn segir að SA hafi hvatt
fyrirtæki til að leita annarra leiða til
að mæta launahækkunum en að
hækka verð á vöru og þjónustu.
„Það er alveg ljóst að við erum að
sjá nokkrar verðhækkanir í kjölfar
samninganna, en á heildina litið hef-
ur verið mjög lítil verðbólga, enn
sem komið er, því í fyrstu mælingu
eftir samninga var óbreytt verð-
bólga frá mælingunni þar á undan,“
sagði Þorsteinn.
Áhrifin
ekki telj-
andi enn
Þorsteinn
Víglundsson
 Vill skynsamlega
kjarasamninga
Samningar náðust í gær í kjaradeilu
hafnsögumanna og Sambands ís-
lenskra sveitarfélaga. Fyrirhuguðu
verkfalli hafnsögumanna 25. júlí hef-
ur því verið frestað á meðan at-
kvæðagreiðsla stendur yfir.
Guðjón Ármann Einarsson, for-
maður Félags skipstjórnarmanna,
segir að vinna hefjist strax við at-
kvæðagreiðslu og hún standi líklega
til 29. júlí. Helsta deilumálið hefur
verið ólík kjör hafnsögumanna hjá
Faxaflóahöfnum og öðrum höfnum.
Hafnsögu-
menn sömdu
Landhelgisgæslunni barst í gær
neyðarkall kl. 13.17 í gegnum sendi
við Höfn í Hornafirði.
Auðunn Kristinsson, verkefna-
stjóri aðgerðasviðs Landhelgisgæsl-
unnar, sagði skýrt neyðarkall hafa
heyrst „Það kom tvisvar fram
„Mayday, mayday“ hátt og snjallt.
Engin staðsetning fylgdi skilaboð-
unum eða upplýsingar um hver væri
í neyð. Hugsanlega er þetta einhver
að hrekkja okkur, en við vitum það
ekki,“ sagði Auðunn.
Mikill viðbúnaður var hjá Land-
helgisgæslunni í kjölfar kallsins en
ekkert fannst sem gæti skýrt neyð-
arkallið. Þyrla gæslunnar leitaði á
sjó, og lögregla og björgunarsveitir
athuguðu neyðarskýli í 30 til 40
mílna radíus frá Hornafirði, en talið
var að merkið gæti hafa komið ein-
hvers staðar frá á því svæði.
Engra var saknað á svæðinu og
var leit hætt snemma í gærkvöldi.
Uppruni neyðarkalls
í gær ókunnur
 Gæslan leitaði af sér allan grun
Morgunblaðið/Árni Sæberg
Þyrla Gæslunnar leitaði á sjó.