Morgunblaðið - 21.07.2015, Side 17

FRÉTTIR 17Erlent
MORGUNBLAÐIÐ ÞRIÐJUDAGUR 21. JÚLÍ 2015
Breskur grínisti stal senunni þegar Sepp Blatter
tilkynnti á blaðamannafundi í gær að hann hygð-
ist ekki bjóða sig fram aftur til að leiða Alþjóða-
knattspyrnusambandið, FIFA.
Blatter var að hefja mál sitt þegar Simon
Brodkin, sem notar sviðsnafnið Lee Nelson, stóð
upp, greip fram í fyrir honum og lét fölsuðum
peningaseðlum rigna yfir hann.
Brodkin var leiddur brott. Eftir uppákomuna
tísti Brodkin mynd af sér með orðunum: „Í skýj-
unum að vera á FIFA-fundi með Sepp Blatter til
að tryggja [HM í Norður-Kóreu 2026].“
AFP
Fölsuðum seðlum rigndi yfir forseta FIFA
Sepp Blatter tilkynnir að hann ætli ekki fram á ný
Alþjóðagjald-
eyrissjóðurinn
staðfesti í gær
að Grikkir
hefðu borgað
tvo milljarða
evra til sjóðsins
og þar með bætt
fyrir greiðslu-
fall fyrr í mán-
uðinum.
Talsmaður sjóðsins staðfesti
jafnframt að AGS væri nú tilbúið
til þess að koma að frekari aðstoð
til Grikklands við að koma fjár-
hag ríkisins í lag.
Grískir bankar voru opnaðir í
gær í fyrsta sinn í þrjár vikur.
Múgur og margmenni sóttust eft-
ir bankaþjónustu, en talið er að
lokunin hafi kostað gríska þjóð-
arbúið um þrjá milljarða evra.
Alþjóðagjaldeyr-
issjóðnum borgað
Biðröð í banka.
GRIKKLAND
Leikarinn og
Óskarsverð-
launahafinn
George Clooney
hóf í gær nýtt
átak sem miðar
að því að binda
enda á stríðs-
rekstur í Afríku
með því að rann-
saka hvaðan fjár-
magnið í þau kemur.
Átakið sem ber heitið „Varðlið-
inn“ mun skoða átök í Suður-
Súdan, Súdan, Mið-Afríkulýðveld-
inu og Alþýðulýðveldinu Kongó.
Clooney sagði að átakið gæti
skapað nýjan grundvöll fyrir friði
með því að draga til ábyrgðar þá
sem hagnist á ófriði.
Clooney vill rann-
saka Afríkustríð
George Clooney
BANDARÍKIN
Breski vís-
indamaðurinn
Stephen Hawk-
ing tilkynnti í
gær að ráðist
yrði í víðtæka
leit að lífi í
geimnum. Verja
á 13,6 milljörðum
króna í leitina á
tíu árum.
„Í óendanlegum heimi hlýtur ein-
hvers staðar að vera líf að finna,“
sagði Hawking þegar verkefnið var
kynnt, sem er í samstarfi við rúss-
neska frumkvöðulinn Yuri Milner, í
konunglegu vísindaakademíunni í
London. „Einhvers staðar í heim-
inum fylgist ef til vill viti borin líf-
vera með okkur. Hvað sem því líður
er engin spurning veigameiri.“
Hawking boðar leit
að lífi í geimnum
Stephen Hawking
BRETLAND
Ankara, AFP | Þrjátíu létu lífið þegar maður
gerði sjálfsmorðsárás á menningarmiðstöð í
bænum Suruc í Tyrklandi og sprengdi sjálfan
sig í loft upp. Í miðstöðinni störfuðu andstæð-
ingar samtakanna Ríki íslams. Sagði forsætis-
ráðherra Tyrklands, Ahmet Davutoglu, í gær
að fyrstu vísbendingar bentu til að Ríki íslams
hefði staðið á bak við tilræðið. Ef rétt er þá er
þetta fyrsta árás Ríkis íslams í Tyrklandi.
Suruc er við landamæri Sýrlands, skammt
frá sýrlenska bænum Kobane, sem sveitir
Kúrda náðu úr höndum Ríkis íslams í janúar.
Bílsprengja var sprengd við varðstöð í Kobane
í gær og létu tveir menn úr öryggissveitum
Kúrda lífið.
Hinir látnu í Suruc voru flestir háskólanem-
ar, sem undirbjuggu aðstoð við íbúa Kobane,
að því er haft var eftir talsmanni stjórnmála-
flokks Kúrda, HDP. Recep Tayyip Erdogan,
forseti Tyrklands, fordæmdi verknaðinn.
Þegar átökin um Kobane stóðu sem hæst
gagnrýndu Kúrdar tyrknesk stjórnvöld fyrir
að neita að skerast í leikinn til að kveða niður
uppreisnarmenn Ríkis íslams, sem hafa lagt
undir sig stóra hluta Sýrlands og Íraks á und-
anförnu ári. Hefur Tyrkjum jafnvel verið legið
á hálsi að hafa stutt Ríki íslams í upphafi vegna
þess að samtökin væru gagnlegur bandamaður
gegn Bashar al-Assad, forseta Sýrlands, sem
Erdogan vill koma frá völdum.
Á undanförnum vikum hafa tyrkneskar ör-
yggissveitir hins vegar handtekið tugi her-
skárra félaga í Ríki íslams og stuðningsmenn
samtakanna í umfangsmestu aðgerðum stjórn-
valda í Ankara gegn þeim til þessa.
Tyrkir hafa einnig eflt varnir á landamærum
sínum og komið þar fyrir skriðdrekum og loft-
varnarbúnaði auk þess sem fleiri hermenn hafa
verið sendir á vettvang.
Þessar aðgerðir hafa vakið getgátur um að
tyrknesk stjórnvöld hyggist grípa í taumana í
Sýrlandi til að hrekja vígamenn Ríkis íslams
frá landamærunum og um leið stöðva sókn
Kúrda, sem hafa sótt í sig veðrið. Tyrkir segja
að ekki standi til að beita hernum í Sýrlandi.
Tilræði rakið til Ríkis íslams
 30 ungmenni létu lífið í sjálfsmorðsárás í Tyrklandi  Tyrkir herða aðgerðir gegn liðsmönnum Ríkis
íslams  Segja aukinn viðbúnað á landamærum ekki til marks um að fara eigi inn í Sýrland
AFP
Hryðjuverk Glundroði ríkti eftir spreng-
inguna í Suruc í Tyrklandi í gær. 30 létust.
Stefán Gunnar Sveinsson
sgs@mbl.is
Kúbanski fáninn var dreginn að húni
við utanríkisráðuneyti Bandaríkj-
anna í gær til þess að marka það að
ríkin tvö tóku í fyrrinótt upp formleg
samskipti að nýju eftir 54 ára hlé, á
miðnætti að staðartíma.
Fréttirnar þykja mikill sigur fyrir
Barack Obama Bandaríkjaforseta,
en nágrannaríkin tvö hafa átt í
stormasömum samskiptum síðan á
tímum kalda stríðsins, en þau slitu
stjórnmálasambandi árið 1961 þegar
ljóst varð að Fídel Kastró, leiðtogi
kúbönsku byltingarinnar, væri hall-
ur undir kommúnisma.
Stefna Bandaríkjanna síðan þá
hefur verið sú að reyna að einangra
Kúbu frá umheiminum. Viðræður á
milli ríkjanna hafa staðið yfir frá því
í desember, og þykja umskiptin á
milli þessara fornu fjenda hafa verið
hröð.
Engu að síður lögðu báðar þjóðir
áherslu á það að þetta væri eingöngu
upphafið, og að mun lengri tíma
myndi taka til þess að sigrast á ára-
tugalöngu vantrausti sem skapast
hefði á milli ríkjanna tveggja.
Einn helsti ásteytingarsteinninn
þar gæti verið staða mannréttinda-
mála, en Bandaríkin hafa löngum
gagnrýnt skort á mál-, trú- og prent-
frelsi í Kúbu.
Þá þarf einnig að greiða úr kröfum
bandarískra fyrirtækja á hendur
Kúbustjórn, sem misstu eigur sínar í
landinu þegar þær voru þjóðnýttar í
kjölfar byltingarinnar. Um það bil
5.900 lögsóknir tengdar þessu hafa
verið lagðar fram í Bandaríkjunum
og hljóða samanlagðar kröfur upp á
bætur fyrir um það bil 7 til 8 millj-
arða Bandaríkjadala, eða sem nemur
um tæpri billjón íslenskra króna.
„Viðurkenning á harðstjórn“
Ekki voru allir Bandaríkjamenn
sáttir við breytinguna. Marco Rubio,
öldungadeildarþingmaður og einn af
þeim sem hefur gefið kost á sér í for-
setavali Repúblíkanaflokksins,
gagnrýndi bandarísk stjórnvöld
harðlega. Rubio, sem er sjálfur son-
ur kúbanskra innflytjenda sem flúðu
harðstjórn Kastrós, sagði að skila-
boð Bandaríkjastjórnar væru þau að
þau litu á núverandi stjórnarfar á
Kúbu sem „lögmætt stjórnarform“.
Lofaði Rubio því að hann myndi
slíta stjórnmálasambandinu við
Kúbu, kæmist hann í Hvíta húsið.
Kúbanski fáninn dreginn
að húni í Washington
 Bandaríkin og Kúba taka upp stjórnmálasamband í fyrsta sinn í 54 ár
AFP
Sendiráðið Kúbu Hið nýopnaða sendiráð Kúbu í Washington dró fána sinn
að húni í fyrsta sinn í 54 ár, er ríkin tóku upp stjórnmálasamband að nýju.