Ritröð Guðfræðistofnunar - 01.01.2008, Page 51

I samningi við þýðanda kom fram að hann skyldi semja tillögur að
ítarlega endurskoðuðum texta bréfa og Opinberunarbókar og semja hlið-
sjónarefni og skýringar sömu rita. Hann átti að ganga frá endurskoðuðum
texta þessara hluta Nýja testamentisins ásamt endurskoðunarnefnd. Hann
átti einnig að fara yfir guðspjöllin og Postulasöguna í útgáfunni frá 1981 til
samræmis við endurskoðun bréfanna, leggja rökstuddar tillögur að breyt-
ingum fyrir endurskoðunarnefndina og ganga frá textanum í samráði við
hana. Síðan átti að senda endurskoðaðan texta Nýja testamentisins til
umsagnaraðila. Allt þetta var gert og kom tíunda kynningarheftið út vorið
2005. Það var sent til allra presta og forstöðumanna trúfélaga en að auki til
valins hóps manna eins og Gamla testamentisheftin áður. Einnig gátu allir
sem áhuga höfðu á nálgast heftið hjá Hinu íslenska biblíufélagi. Talsverð
viðbrögð urðu við heftinu og verður komið að þeim aðeins síðar. Það kom
í hlut Einars og mín að ganga frá textanum til útgáfu með hjálp góðra yfir-
lesara en þá hafði þýðandinn sagt sig frá verkinu. Fundir nefndarinnar urðu
rétt tæplega eitt hundrað.
7. Apókrýfu bækurnar
Nýrri þýðingu fylgja einnig apókrýfu bækurnar. Þær fylgdu íslenskum
biblíuþýðingum frá því Biblían var fyrst prentuð 1584 og allt til þess að
svokölluð Hendersonbiblía var gefin út 1813. Þær fylgdu aftur útgáfunum
1841 og 1859 en voru eftir það ekki hafðar með fyrr en nú. Árið 1931 gaf
Hið íslenska biblíufélag út nýja þýðingu af þessum ritum sérstaklega. Árið
1986 tók séra Árni Bergur Sigurbjörnsson að sér að þýða bækurnar að nýju
í samvinnu við prófessor Jón Sveinbjörnsson. Var þetta gert með fyrirhugaða
heildarþýðingu allrar Biblíunnar í huga. Sjálf las ég allan textann á lokastigi
og veitti málfarslega ráðgjöf.
Apókrýfu bækurnar voru gefnar út í bók 1994. Ekki þótti því ástæða til
að senda þessar bækur sérstaklega til kynningar vegna væntanlegrar bibííu-
útgáfu þar sem góður tími hafði gefist til að kynnast þeim.
í samningi þýðanda Nýja testamentisins var tekið fram að eitt af verkum
hans ásamt endurskoðunarnefndinni væri að fara yfir apókrýfu bækurnar
með hliðsjón af endurskoðaðri þýðingu Nýja testamentisins og átti síðan að
leggja textann fyrir þýðingarnefnd Gamla testamentisins. Hugsunin að baki
49