Ritröð Guðfræðistofnunar - 01.01.2008, Qupperneq 125

- Eg held, ég trúi kannski að við rísum uppfrd dauðum, en ég trúi kannski
ekki á eitthvað himnaríki sem er þarna sem maður lifi bara öðru lífi uppi í
himninum. Kannski erum við bara andar sem eru á sveimi.
Trú Onnu er eðlilegur og áhrifamikill þáttur í tilvistartúlkun hennar.
Svo eindregin kristin trúarviðhorf eins og hennar eru ef til vill ekki það
sem búast má við hjá meiri hluta jafnaldra hennar þótt margir þeirra við-
urkenni áhrif trúar á líf sitt. Ljóst er að tilvistartúlkun Önnu á sér stað í
víxlverkan við aðstæður hennar. Trúarlegt uppeldi hennar í fjölskyldunni
og kirkjunni skiptir hér miklu máli. Stundum eru svör hennar dálítið guð-
fræðilega mótuð sem endurspeglar líklega kirkjuáhrifin. Hún trúir á Guð
og Jesús skiptir hana miklu máli sem sonur Guðs sem dó á krossi til að
frelsa mennina. Athyglisvert er að sjá hvernig hún reynir að finna merkingu
og tilgang með því að tengja saman vísindalegar og trúarlegar skýringar á
því hvernig heimurinn varð til. í hennar augum er tilgangur lífsins að lifa
lífinu og reyna að vera góður. Áhrif trúar hennar birtast í þátttöku í kirkju-
starfi og bænlífi. Afstaða hennar til annarra trúarbragða endurspeglar einnig
mikilvægi trúar og hún virðist umburðarlynd gagnvart fólki af öðrum trúar-
brögðum. Þegar hún hugsar um dauðann trúir hún á vissan hátt á upprisu
frá dauðum en á þó í vanda með að útskýra hvernig það verður eftir dauð-
ann. Viss spenna milli kristinna trúarviðhorfa og tilvistarspurninga kemur
fram í þessu sambandi líkt og þegar hún velti fyrir sér tilurð heimsins, sem
sýnir að hún leitast við að túlka tilvist sína á grundvelli þess sem hún hefur
lært og alist upp við og í ljósi eigin vangaveltna.
Berglind
Berglind hefur ekki tekið þátt í neinu kirkjustarfi og hún fór aðeins einu
sinni í sunnudagaskólann með vinkonu sinni þegar hún var lítil. Síðan þá
hefur hún eingöngu farið í kirkju þegar um skólaheimsóknir er að ræða.
Hún er ekki skírð og hún fermdist borgaralega. Foreldrar hennar fara ekki í
kirkju. Berglind lítur á sig sem hamingjusama og telur hamingjuna vera eitt
af því mikilvægasta í lífinu ásamt því að eiga góða vini til að treysta á.
Þegar hún var spurð að því í 9. bekk hvort trú eða trúarbrögð hefðu
einhver áhrif á líf hennar var svarið neikvætt:
123