Ritröð Guðfræðistofnunar - 01.01.2008, Side 129

eldrar hans. I fyrri rannsókn minni komi í ljós að næst á eftir móður voru
það ömmur sem algengast var að kenndu börnunum bænir.18
Þótt Einar hafi verið mjög virkur þátttakandi í starfi kirkjunnar um
margra ára skeið þegar hann var yngri skiptir kirkjan hann engu máli í dag,
en hann telur þó að hún geri það fyrir þá sem þangað sækja, til dæmis til
að sækja styrk og huggun.
Afstaða Einars til annarra trúarbragða og þeirra sem tilheyra þeim er
jákvæð. í hans augum skipta trúarbrögð máli fyrir fólk sem trúir:
- Svona trúarbrögð eru mjög góð efþau eru ekki misnotuð.
- Skipta trúarbrögð einhverju máli?
-Jd, jd.
- Hvaða máli?
- Fólk sem er trúað getur leitað til trúar sinnar.
Það vekur athygli að Einar er líkt og Berglind hræddur við að trúarbrögð
séu misnotuð. Hér endurspeglast ef til vill afleiðingar þess hvaða mynd er
gjarnan dregin upp í fjölmiðlum af öfgahópum sem tengjast tilteknum
trúarbrögðum.
Þegar talið berst að dauðanum kveðst Einar ekki vera hræddur við
dauðann þar sem allir muni deyja. Auðvitað verði hann sorgmæddur þegar
einhver sem hann þekkir deyr. Þegar hann er sorgmæddur eða leiður finnst
honum best að vera með vinum sínum eða hlusta á tónlist. I báðum viðtöl-
unum talar hann um að hann hugsi stundum um dauðann:
- Já, ég hugsa um hann.
- Hvað þá?
- Hvað gerist og hvernig allt verður.
- Hvað heldurðu að gerist þegar við deyjum?
— Eg veit það ekki, það er erfitt að svara því.
Svo virðist sem tilvistartúlkun Einars mótist að nokkru af þeirri stað-
reynd að þrátt fyrir að hann hafi verið mjög virkur í barnastarfi kirkjunnar á
sínum tíma er hann það ekki lengur og kirkjan skiptir hann núna litlu máli.
Hann trúir ekki á Guð, biður ekki lengur og Jesús Kristur hefur litla eða
18 Gunnar J. Gunnarsson 1999b.
127