Feykir - 20.12.2007, Blaðsíða 25

48/2007 Feykir 25
( TÖLVUPÓSTURINN )
Jólin eru háannatími prestanna okkar og sá tími sem flestir
íslendingar sækja messu. Feykir sendi séra Sigurói Grétari
Siguróssyni á Hvammstanga tölvupóst og forvitnaóist aóeins um
helgihald á Hvammstanga svo og honum sjálfum.
ánægöur meó
Hvað er nú helst að frétta úr Húnaþingi vestra?
- Úr Húnaþingi vestra er allt gott að frétta. Hér er gott að
búa. Atvinnuástand almennt gott. Nokkrir að byggja sér
hús. Menningarlíf í miklum blóma. Safnaðarstarf hefur
gengið vel.
Er búið að skreyta bæ og byggðir í tilefni jólanna?
-Já. Á Hvammstanga eru miklar Ijósaskreytingar.
Ljósastauramir fara íjólabúning, mörg hús eru fagurlega
skreytt, margir sveitabæir eru einnig vel skreyttir.
En af þér sjálfum?
- Þakka þér, allt gott. Það hefur reyndar verið svolítil
flensa upp á síðkastið á heimilinu, en hún ergengin yfir.
Bömin hlakka mikið til jólanna og auðvitað við hjónin
líka. Það er í mörg hom að líta eins og gerist og gengur
á stórum heimilum.
Ertu kominn í jólaskap?
- Já það er ég. Á námsárunum fór ég alltaf í jólaskap
þegar próftaflan var hengd upp en nú kemst ég yfirleitt
í jólaskap við upphaf aðventu, einkum og sér í lagi á
aðventuhátíðinni í Hvammstangakirkju þar sem við
setjum okkur í rétta gírinn með formlegum hætti ef svo
má að orði komast. Það er alltaf á fyrsta sunnudegi í
aðventu og þá er mikil tónlistarveisla. Einleikarar,
bamakór, organistinn og kirkjukórinn sem brilleraði
algjöriega á hátíðinni.
Ertu mikið jólabarn?
- Já, ég held ég geti sagt það. Ég á mjög fallegar og
dýrmætar æskuminningar af jólahaldi og er frekar
fastheldinn á hefðir þó ég hafi góða aðlögunarhæfni.
Það er dýrmætt að heyra bömin tala um eitthvað sem
hefur e.t.v. verið tvisvar eins og um áralanga hefð sé að
ræða. Það er mikilvægt fyrir fjölskyldur að skapa sér
fallegar og innihaldsnkar hefðir því þær lifa svo lengi
með okkur.
Hvernig eru hefðbundin jól hjá sóknarprestinum?
- Ég verð nú að nefna Þoriáksmessuskötuna sem ég hef
aðeins einu sinni smakkað og geri ekki aftur. Hún minnti
mig á hár sem maður hreinsar úr sturtubotninum eftir
nokkurra vikna notkun. Hins vegar förum við fjölskyldan
alltaf til yndislegra vinahjóna okkar hér á Hvammstanga
í Þoriáksmessuskötu. Þar er yfirkokkur hin geðþekki
mannvinur Gunnar Leifsson bólstrari og leggur hann allan
sinn metnað í verkið. Leitt að kunna ekki að samgleðjast
honum betur. Hins vegar nýtur kona mín máltíðarinnar út
í ystu æsar. Ég snæði bara pizzu með krökkunum. Síðan
þegar heim er komið fara öll fötin beint í þvottavélina svo
"ilmurinn” blandist ekki jólunum að óþörfu. Jólin sjálf
em yndislegur tími. Við förum öll í aftansöng kl. 18.00
í Hvammstangakirkju enda er ég presturinn og leiði
messuna. Það eru yndislegar samverur og vel sóttar.
Kirkjuklukkurnar hringja inn jólin. Síðan hef ég komið við
á sjúkrahúsinu á leiðinni heim og óskað heimilisfólki þar
gleðilegra jóla. Ég tek gjama eitthvað af bömunum með
en frúin fer beint heim að klára sósuna. Síðan borðum
við hamborgarhrygg og svið. Já, ég sagði svið. Það er
siður sem Lísa konan mín ólst upp við hjá ömmu sinni og
afa hér í Víðidal. Á fyrstu jólunum okkar saman þar sem
sáttaleiðin fólst í tveimur aðalréttum á aðfangadagskvöld
sá ég ástæðu til að taka myndir af borðinu til að mín
sunnlenska og hefðbundna fjölskylda myndi yfir höfuð
trúa mér þegar ég lýsti matseðlinum. Konan mín býr
síðan til Ijúffenga súpu í forrétt en ég hef áður búið til
hefðbundinn jólaís skv. uppskriftfrá ömmu minni heitinni.
Á miðnætti annast ég hátíðarmessu í Kirkjuhvammskirkju
hér rétt ofan við bæinn. Það er einstök stund í látleysi
þeirrar kirkju. Þær stundir eru afar vel sóttar og skapa
einstakt andrúmsloft. Við hjónin lítum síðan yfir jólakort
þegar heim er komið en höllum okkur svo. Á jóladag
messa ég á sjúkrahúsinu kl. 11.00 og síðan í einni af
sveitakirkjunum sem ég þjóna kl. 14.00. í ár verður
það í Vesturhópshólakirkju þar sem þeir fóstbræður og
hagleiksmenn HalldórJón Pálssonsóknamefndarformaður
og Valdimar Eggertsson sóknarnefndarmaður hafa
undirbúið þessa gömlu og merku kirkju. Þeir eru enda
hvers manns hugljúfi og skemmtilegir í þokkabót ef vel
er að þeim farið. í öllum þessum messum fylgir mér
Pálína Fanney Skúladóttir organisti sem er einstaklega
Ijúf og fær kona ásamt félögum úr hinum öfluga kirkjukór
Hvammstanga. Við fjölskyldan höfum svo reynt að fara
suður eitthvað til að rækta þær rætur fjölskyldunnar sem
þarliggja.
Hvað langar þig svo mest að fá í jólagjöf, þá er ég að
tala um af veraldlegum hlutum ?
-Þessari spumingu er erfitt að svara. Ætli ég yrði ekki
sériega glaður með Legó. Ég og yngsti sonur minn höfum
verið að byggja svo mikið úr legó upp á síðkastið að ég er
að upplifa hvert “flashbackið” á fætur öðru.
Nú eru margir sem eiga um sárt að binda um jól og
áramót, hafa misst ástvin eða lent í erfiðleikum á
árinu, er eitthvað sem þú getur sagt við þetta fólk?
- Þetta er rétt hjá þér. Jólin eru einmitt sá tími sem slík
sorg verður hvað erfiðust. Þegar allt þarf helst að vera
eins og það var en verður allt í einu öðruvísi og aldrei
aftur eins. Ég hvet viðkomandi til að halda áfram, gefast
ekki upp, leyfa fögrum minningum að flæða um þó að
tár fari að renna. Vera óhrædd að opna hjarta sitt fyrir
einhverjum sem þau treysta s.s. presti eða öðmm, muna
að við emm aldrei ein í sorg okkar og sársauka. í trúnni
fáum við styrk og samfylgd Guðs sjálfs. Stundum þurfum
við að búa til alveg nýjar hefðir, hafa hlutina allt öðm vísi
en áður var. Það er ekki óyfirstíganlegt en það er engu að
sfður nýr kafli, nýtttímabil ílífinu. Ég hvet fólk til aðsækja
helgihald og muna orðin úr sálminum “Hvert fátækt hreysi
höll nú er því Guð er sjálfur gestur hér".
>
>
OSKUM OLLUM GLEÐILEGRA JOLA
OG FARSÆLDAR Á KOMANDI ÁRI
—CTew£»!t eh}3—
RAFVERKTAKAR : AÐALGÖTU 24 ©453 5519
TÖLVUDEILD : BORGARFLÖT 27 © 455 7900