Morgunblaðið - 04.08.2015, Side 16

16 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 4. ÁGÚST 2015
Hlaupakettir
og talíur
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Skaft- og keðjutalíur úr áli og stáli
- lyftigeta allt að 9000 kg.
Rafdrifnar keðjutalíur
- lyftigeta allt að 4000 kg.
VIÐTAL
Ásgeir Ingvarsson
ai@mbl.is
Gárungarnir myndu segja að opnun
nýrrar Bang & Olufsen verslunar á
Íslandi hljóti að marka formlegan
endi á kreppunni. Valur Kristófers-
son tekur ekki svo djúpt í árinni en
segir að markaðsaðstæður ættu að
vera ágætar fyrir þessi eftirsóttu
dönsku raftæki. Hann bendir á að
Bang & Olufsen hafi breytt hjá sér
áherslunum svo að vörurnar höfði til
breiðari hóps og um leið bæti það
horfurnar á íslenska markaðinum að
vörugjöld af raftækjum hafi verið
afnumin um síðustu áramót, sem
skili 20% lægra verði til neytenda.
Valur er sölustjóri Bang & Oluf-
sen á Íslandi.
Byrjaði með símtali
Nýja verslunin er á vegum Orms-
son og verður til húsa í 200 fm rými
á jarðhæð í Lágmúla 8. Þar hafa
smiðir unnið hörðum höndum við að
útbúa fullkomið rými í samræmi við
ýtrustu kröfur Bang & Olufsen. Er
um nýja hönnun að ræða og segir
Valur að íslenska verslunin verði í
hópi þeirra tíu fyrstu í heiminum
sem skarti nýja útlitinu. Formleg
opnun verður laugardaginn 8. ágúst.
Valur segir að samstarfið við
Bang & Olufsen hafi einfaldlega
byrjað með símtali til Danmerkur í
desember sl. þar sem stjórnendur
Ormsson kynntu fyrirtækið og lýstu
yfir áhuga á að gera vörunni góð
skil. Í mars var undirritaður samn-
ingur í Danmörku um opnun nýrrar
Bang & Olufsen-verslunar á Íslandi.
Fjármálakreppan hafði áhrif á
heimsvísu og segir Valur að Bang &
Olufsen hafi ekki farið varhluta af
niðursveiflunni, rétt eins og aðrir
framleiðendur lúxusvöru.
Markaðurinn virðist núna vera að
ná jafnvægi á ný en það hjálpi líka
til að aukin áhersla hafi verið lögð á
Beo Play-línuna. „Beo Play er stíluð
á yngri kaupendahópinn með tækj-
um á borð við heyrnartól og blueto-
oth-hátalara og hefur fengið mjög
góðar viðtökur um allan heim.“
En á sama tíma hefur enginn af-
sláttur verið gefinn af tækninýjung-
um og áhersla lögð á góð mynd- og
hljómgæði ásamt einstakri hönnun.
Nefnir Valur nýja Beovision Avant
-sjónvarpstækið sem dæmi um
þróunina, en tækið hefur notið mik-
illa vinsælda.
Dugar bara eitt tæki?
Um horfurnar á markaðnum hef-
ur Valur líka það að segja að verð-
munur milli Bang & Olufsen og
topptækjanna frá öðrum framleið-
endum sé mun minni nú en áður
var.
Segir Valur líka að með tækjum
eins og Beovision Avant megi greina
breytingar á áherslum neytenda
sem láti jafnvel duga að eiga eitt
gott sjónvarpstæki og sleppi því að
fjárfesta í hljómtækum. „Í vaxandi
mæli streymir fólk bæði kvikmynd-
um og tónlist yfir netið, og notar til
þess sjónvarpið. Myndir og músík
eru í einu tæki með átta innbyggða
60W hátalara sem gefa fullkominn
hljómburð. Ef fólk vill eru tengi fyr-
ir allt að 18 aukahátalara en flestir
geta vel við unað bara með sjón-
varpstækið í stofunni.“
Nýjar áherslur hjá B&O
 Bang & Olufsen opnar í húsi Ormsson  Danski raftækjaframleiðandinn brást
við kreppunni með aukinni áherslu á Beo Play sem á að höfða til yngri neytenda
Ljósmynd/Þórður Arnar Þórðarson
Hönnun Valur Kristófersson segir Bang & Olufsen ekki hafa farið varhluta af efnahagskreppunni. Nú virðist
markaðurinn hafa náð jafnvægi á ný og nýjustu tækin hafa fengið góðar móttökur hjá neytendum um allan heim.
Hlutabréf á gríska markaðinum
hríðféllu í verði á mánudag. Hafði
hlutabréfamarkaðurinn verið lok-
aður í fimm vikur af ótta við að
Grikklandi yrði sparkað úr evru-
svæðinu. Lækkaði ATG-hlutabréfa-
vísitalan um nærri 23% strax við
opnun en styrktist svo ögn og end-
aði daginn 16,2% lægri.
Reuters greinir frá því að hluta-
bréf í grísku bönkunum hafi lækk-
að um 30% áður en sjálfvirkar lok-
anir stöðvuðu frekari viðskipti.
Hefur önnur eins lækkun á grískum
hlutabréfum ekki átt sér stað eins
langt aftur og mælingar ná.
Grísku bankarnir mynda um 20%
af grísku hlutabréfavísitölunni og
hafði lækkun þeirra því mikil áhrif
á heildarútkomu dagsins. Lækkun-
in kom ekki á óvart og var nokkurn
veginn í samræmi við væntingar
fjárfesta. Hefur Reuters eftir
ónafngreindum sjóðstjóra að hann
meti það sem svo að hlutir í bönkum
muni lækka enn frekar á þriðjudag
áður en kaupendur fari að sýna lit.
ai@mbl.is
AFP
Rautt Vegfarandi myndar markaðs-
tölurnar í kauphöllinni í Aþenu.
Hrun á
grískum
hlutabréfa-
markaði
Dómstóll í Lundúnum dæmdi Tom
Hayes á mánudag til 14 ára
fangelsisvistar. Hann var fundinn
sekur um að hafa tekið þátt í að hafa
óeðlileg áhrif á þróun Libor-viðmið-
unarvaxta. Réttarhöldin spönnuðu
níu vikur og var Hayes fundinn sek-
ur um alla átta ákæruliði. Hayes er í
dag 35 ára gamall, en hann starfaði
á sínum tíma hjá Citigroup og UBS.
Alls hefur 21 maður verið kærður
fyrir meinta aðild að Libor-svindlinu
og hafa fjármálafyrirtæki sem hlut
áttu að málinu þurft að greiða um
níu milljarða dala í sektir.
Hayes segir gjörðir sínar hafa
verið innan marka þess leyfilega og
að hann hefði ekki skilið eftir sig
slóð tölvupósta og spjallskilaboða ef
hann hefði talið sig vera að brjóta
lögin.
ai@mbl.is
AFP
Samráð Tom Hayes er einn af rösklega tuttugu sem hafa verið ákærðir
vegna Libor-svindlsins. Hann starfaði bæði hjá UBS og Citigroup.
Dæmdur í 14 ára fang-
elsi fyrir Libor-svindl