Skólavarðan - 01.09.2004, Qupperneq 24

24
SKÓLAVARÐAN 7.TBL. 4. ÁRG. 2004
eins og gefur að skilja. Víða koma upp
álitamál og nauðsynlegt að fylgst sé vel
með ákvörðunum af þessu tagi. En hvert
tilfelli er einstakt og Valdimar hafnar því
að um sparnað hafi verið að ræða í þessu
tilfelli. „Við settumst niður, ég og sveitar-
stjórinn, og fórum yfir lögfræðiálitið og
hröktum það að okkar mati. Ég get full-
yrt að þetta var ekki sparnaðarúrræði af
hálfu sveitarstjórnar því framlag sveitar-
sjóðs til reksturs deildarinnar tvöfaldaðist
næstum á þessum tveimur árum og á þeim
bæ hef ég mætt jákvæðni og skilningi á
starfinu og þýðingu þess. Reyndar þarf að
endurskoða húsnæðismál skólans og ég
er þess fullviss að það verður gert fyrr en
síðar.“
Seinna árið sem tónlistardeildin starfaði
fjölgaði nemendum upp í 55 með tilkomu
forskólanemenda og valgreinanemenda
í unglingadeild sem áður var getið. Í vor
sameinaðist deildin Tónlistarskóla Stöðvar-
fjarðar og nú fer í hönd fyrsta starfsár Tón-
listarskóla Austurbyggðar. Álitamálið um
yfirstjórn tónlistarskólans og rekstur hans
er því að baki í Austurbyggð þótt búast
megi við að sambærileg mál geti komið
upp annars staðar. Við nýja skólann starfa
tveir kennarar auk Valdimars, Garðar
Harðar er á Stöðvarfirði og Óðinn G. Þór-
arinsson með Valdimar á Fáskrúðsfirði, en
kenna þó allir á báðum stöðunum. „Það
eru ekki nema um 25 kílómetrar á milli
Fáskrúðsfjarðar og Stöðvarfjarðar,“ segir
Valdimar aðspurður hvort ekki sé erfitt
að stjórna skóla sem er á tveimur stöðum.
„Ég fer á milli tvisvar til þrisvar í viku, að
minnsta kosti á meðan starfið er í mótun.
Þetta er ekkert mál, enda hjálpast allir að
í þessu.“
Sveigjanleiki nauðsynlegur
Valdimar leggur áherslu á að í fámenn-
um byggðarlögum verði að sýna talsverð-
an sveigjanleika, byggja á þeim mannauði
sem fyrir hendi er og leysa málin eftir
því sem þau koma upp. Hann er til dæm-
is einsöngvari að mennt en getur ásamt
söngkennslu og kórstjórn tekið að sér að
kenna byrjendum á píanó. Hann kennir
líka tónfræðagreinar. Tónlistarskólinn
hefur vaxið svo mikið á tveimur árum að
flestir nemendur eru einmitt á fyrstu stig-
um tónlistarnámsins. Í vetur, eftir samein-
ingu skólanna, gerir Valdimar ráð fyrir að
nemendur verði um 90 talsins. Aðstaða til
tónlistarhalds er í félagsheimilinu Skrúð
og í kirkjum beggja byggðarlaganna.
Valdimar segir að mikill tónlistaráhugi sé í
samfélaginu en hafi fram að þessu byggst
meira á því að njóta en taka þátt. „Þetta
hefur komið svolítið niður á kórastarfi svo
dæmi sé tekið en við erum bjartsýn á að
það breytist með kynslóðinni sem nú er að
hefja tónlistarnám. Tónleikar eru oftast
vel sóttir og við reynum að halda tvenna
til þrenna gestatónleika á vetri auk tón-
leika á vegum heimamanna. Hér njóta all-
ir tónlistar,“ segir Valdimar að lokum.
keg

Af heimasíðu Tónlistarskóla
Austurbyggðar,
www.austurbyggd.is/tonlist
Mikilvægt er að nemendur búi við já-
kvætt viðhorf gagnvart tónlistarnám-
inu, aðstandendur þeirra sýni náminu
áhuga og fylgist með framvindu þess.
Árangursríkara er að æfa sig oftar og
skemur í senn en sjaldnar og lengur.
Tónlistarnám þarf að vera ánægjulegt
og ánægjan felst ekki síst í stolti yfir
eigin framförum og aukinni færni.
Eðlilegt er að áhugi nemenda sé mis-
jafn. Ef nemandi sýnir merki um upp-
gjöf er mikilvægt að kennari og að-
standendur leiti orsakanna. Stundum
er nóg að skipta um viðfangsefni til
að áhuginn glæðist á ný.
Hlustun er afar miklvægur þáttur í
öllu tónlistarnámi. Með því að hlusta
á vel flutta tónlist fá nemendur nauð-
synlegar fyrirmyndir. Aðstandendur
leggja sitt af mörkum með því að
hvetja nemendur til að hlusta á fjöl-
breytta tónlist, s.s. af hljómdiskum
eða tónleikum.
TÓNLISTARSKÓLI AUSTURBYGGÐAR