Skólavarðan - 01.04.2005, Page 12

12
SKÓLAVARÐAN 3.TBL. 5. ÁRG. 2005
Þriðja þing Kennarasambands Íslands
var haldið á Grand hóteli í Reykjavík
14. og 15. mars sl. Þema þingsins var Er
skólinn á ábyrgð okkar allra? Um 200
fulltrúar sátu þingið auk gesta. Einn
erlendur gestur, Jóhannes Eli Iversen
formaður Kennarafélags Færeyja, sat
þingið.
Eiríkur Jónsson formaður KÍ setti þingið.
Í setningarræðu sinni kom hann víða við
og nefndi m.a. erfiða kjarasamningagerð
kennara og tók sem dæmi verkfall Félags
grunnskólakennara síðastliðið haust. Hann
gagnrýndi menntamálaráðherra fyrir að
daufheyrast við efasemdum kennara um
styttingu námstíma til stúdentsprófs en
bætti við að yfirlýsing ráðherra um að
fimm ára börn yrðu áfram í leikskóla væri
af hinu góða sem og yfirlýsing um leng-
ingu kennaranáms.
Halldóra Friðjónsdóttir formaður BMH
og Ögmundur Jónasson formaður BSRB
tóku til máls við þingsetninguna. Stein-
grímur Sigurgeirsson aðstoðarmaður
menntamálaráðherra ávarpaði þingið í
fjarveru Þorgerðar K. Gunnarsdóttur og
sönghópurinn Raddbandafélagið flutti
tvö lög undir stjórn Sigrúnar Grendal
formanns FT við frábærar undirtektir við-
staddra.
Forgangsmál að kennarastéttin sjálf efli
og styrki kennara sem fagmenn
Þorsteinn Gunnarsson rektor Háskólans á
Akureyri flutti ávarp og fjallaði um þema
þingsins. Hann vitnaði í menntunarfröm-
uðinn John Dewey en eftir honum voru
þessi orð höfð: „Það sem bestu og vitr-
ustu foreldrar vilja barni sínu til handa
hlýtur samfélagið að vilja fyrir öll börn."
Þorsteinn gerði orð Deweys að einkunn-
arorðum erindis síns. Hann greindi m.a.
í hverju ábyrgð allra á skólanum lægi og
brýndi kennara og forystu þeirra til að
taka upp breyttar áherslur í stefnumótun
Er skólinn á ábyrgð okkar allra?
fyrir skólastarf þar sem fagmennska væri
sett í fyrirrúm. Þorsteinn ritar gestaskrif
Skólavörðunnar í þetta sinn og má þar
lesa þá gagnrýni sem hann setti fram í
erindi sínu auk þess sem erindi hans í heild
er birt á heimasíðu KÍ, www.ki.is.
Hver ber ábyrgð á skólanum og hver
eru forgangsmálin í menntakerfinu?
Að loknu erindi Þorsteins hófust hefð-
bundin þingstörf þar sem Eiríkur Jónsson
Fulltrúar á 3. þingi KÍ 2005.
Á seinni degi þingsins héldu gestir stutt framsöguerindi.