Skólavarðan - 01.04.2005, Page 18
18
SKÓLAHEIMSÓKN
SKÓLAVARÐAN 3.TBL. 5. ÁRG. 2005
Í síðustu Skólavörðu var sagt frá
skógaskólanum Álfheimum á Selfossi
þar sem leikskólabörn læra að njóta
lífsins úti í náttúrunni, úti um mó og
inni í skógi. Skólavarðan heimsótti núna
leikskólann Fögrubrekku í Kópavogi.
Tilgangur heimsóknanna í leikskóla er að
gefa lesendum Skólavörðunnar innsýn
í þær aðferðir sem leikskólakennarar
nota við að mennta börnin og hvernig
þau læra gegnum leiki. Sólveig Björg
Aðalsteinsdóttir leikskólastjóri og
Jenný Gunnarsdóttir leikskólakennari
sögðu frá starfi nu í Fögrubrekku.
Frá einræði til lýðræðis
Í Fögrubrekku fer fram markviss vinna
með listgreinar í anda hugmyndafræði
sem kennd er við borgina Reggio-Emilia á
Ítalíu. Skömmu eftir seinni heimsstyrjöldina
bundust foreldrar þar samtökum og vildu
komast eins langt frá Mússolíni og hægt
væri, þ.e. frá einræði yfi r í lýðræði. Þau
völdu að byrja á því að innræta börnunum
lýðræði og síðan þá hefur nafn staðarins
öðlast leiðtogasess í leikskólafræðum. Nú
eru haldin eftirsótt námskeið og ráðstfnur
um Reggio-leikskóla og margir leikskólar í
Evrópu vinna í anda þeirra.
Jenný var í tónlistarnámi frá unga aldri.
Hún lærði á blokkfl autu og þverfl autu
og stundaði einnig söngnám. Hún fór til
Bandaríkjanna til frekara náms í söng og
kynnti sér tónlistarkennslu leikskólabarna.
Hún hefur alla tíð verið áhugasöm um
tónlist og þegar hún kynntist Reggio-
hugmyndafræðinni sá hún tækifæri
til að yfi rfæra tónlistarkunnáttu sína í
leikskólakennsluna. Hún hefur nú þróað
kennsluaðferð sem er afar áhugaverð
og skilar ágætum árangri í góðu sam-
starfi þeirra sem vinna í Fögrubrekku.
Fagrabrekka fékk styrk úr þróunarsjóði
leikskóla árið 2001 til að þróa og útfæra
hugmyndir sínar. Skýrsla um starfi ð er í
burðarliðnum og kemur út í maí.
Barnið vill sigrast á þrautum
og fá hrós fyrir
Sólveig sagði að hinar lýðræðislegu
hugmyndir sem Reggio boðaði birtust á
margan hátt en virðingin fyrir barninu,
getu þess og hæfi leikum, væri alltaf sá
grunnur sem samskiptin byggðust á. „Við
eigum að leyfa barninu að sigrast á þeirri
þraut að klifra upp og komast í róluna.
Þeir fullorðnu eru oft fl jótir að grípa inn
í og lyfta barninu upp í róluna. Með því
móti tefjum við barnið í að læra. Hver
tilraun við róluna er mikilvæg æfi ng.“ Hér
greip Jenný inn í: „Barnið biður sjaldnast
um hjálp. Það vill sigrast á þrautinni sjálft
og fá hrós fyrir.“
Sólveig sagði að börnunum væri skipað
niður í tíu manna hópa um leið og þau
byrjuðu í Fögrubrekku og þau væru í sama
hópi alla sína tíð þar. „Veran í hópnum
hefur þau áhrif að börnin kynnast mjög
vel, verða nánir vinir, læra að þola hvert
annað og meta að verðleikum. Þetta skilar
sér á margvíslegan hátt í starfi okkar. Ef
eitthvert barnið sýnir hæfi leika til gera
vissa hluti vel, til dæmis syngja, þá nýtur
það viðurkenningar fyrir og veit það. Sú
vitneskja örvar barnið til að takast á við
ýmislegt sem ekki liggur eins vel fyrir
því. Með þessu er rennt stoðum undir þá
hugsun að allir geti eitthvað vel og fái að
njóta sín í því sem verið er að gera hverju
Iðkun lista er undirstaða
allrar menntunar Skólavarðan heimsækir listaleikskólann Fögrubrekku í
Kópavogi
Jenný Gunnarsdóttir og Sólveig Björg Aðalsteinsdóttir.