Skólavarðan - 01.04.2005, Blaðsíða 15

15
VIÐTAL
SKÓLAVARÐAN 3.TBL. 5. ÁRG. 2005
Finnbogi Sigurðsson hefur látið af
formennsku í Félagi grunnskólakennara
og hverfur nú til annarra starfa eftir
að hafa helgað sig málefnum stéttar
sinnar í mörg ár. Hann hefur um árabil
verið í forystusveit grunnskólakennara
og hefur á þeim tíma aflað sér mikillar
þekkingar á flóknu regluverki samninga-
og réttindamála kennarastéttarinnar. Á
hana reynir þegar félagsmenn þurfa að
leita til formanns síns vegna hvers konar
álitamála sem leysa þarf úr.
Finnbogi lauk prófi frá Kennaraháskóla
Íslands 1972 og hóf síðan kennslu við Fella-
skóla í Reykjavík. Hann hefur lengst af síðan
verið virkur í stéttarfélagsmálum kennara.
Átti lengi sæti í stjórn Kennara-félags
Reykjavíkur og var formaður þess 1996 til
2002 jafnframt því að vera varaformaður
Félags grunnskólakennara frá stofnun
þess. Finnbogi var kjörinn formaður FG á 2.
aðalfundi félagsins árið 2002.
Skólavarðan hitti Finnboga að máli þegar
hann var nýkominn af æskuslóðum sínum
norður á Melrakkasléttu þar sem hann
hafði verið síðustu tíu dagana að dytta að
húsum og sinna öðrum verkum á óðali sínu
sem reyndar er í eyði og nýtist nú aðeins
sem sumardvalarstaður fjölskyldunnar. „Ég
nýt þess að bregða mér norður en þar sem
málefni kennara hafa verið númer eitt hjá
mér mörg undanfarin ár hafa ýmsir hlutir
setið á hakanum sem nú gefst tækifæri til
að sinna.“
Mjög mæddi á formanni FG í síðustu
samningagerð og löngu verkfalli grunn-
skólakennara síðastliðið haust en þessari
baráttu stýrði Finnbogi sem formaður
félagsins. Hvernig lítur hann á niðurstöður
þessara samninga?
„Þetta var óneitanlega mjög erfið
samningagerð og það reyndi á í verkfallinu.
Við sömdum að lokum í algerri nauðvörn
eftir að lög höfðu verið sett. Okkur tókst
að ná fram ýmsum þeim markmiðum sem
við höfðum sett okkur, svo sem um stytt-
ingu kennsluskyldunnar, en við hefðum
auðvitað gjarnan viljað gefa spilin öðru
vísi. Ég vona að þessi samningur geti orðið
góður grunnur að enn frekari kjarabótum
grunnskólakennara. Þeir mega alls ekki líta
svo á að þeir hafi beðið ósigur. Í verkfallinu
sýndu kennarar mikinn samtakamátt og
einarðan vilja til að bæta kjör sín. Með
því hafa þeir styrkt eigin stöðu og um leið
ímynd sína í samfélaginu.“
Finnbogi hefur tekið virkan þátt í stofnun
og mótun Kennarasambands Íslands. En
hvernig finnst honum hafa tekist til? „Ég var
í hópi þeirra sem höfðu vissar efasemdir um
að rétt væri að stíga þetta skref. Auðvitað er
ekki komin full reynsla á Kennarasambandið.
Mér sýnist þó að þetta hafi tekist nokkuð
vel, en auðvitað hljóta áherslur félaga að
vera eitthvað mismunandi. Ég tel að alla
vega hafi verið rétt að reyna þetta og sjá
hvort allir þessir hópar gætu unnið saman í
sátt og samlyndi.“
Hvað tekur nú við hjá þér? „Ja, það
er ekki gott að segja. Það er óráðið enn.
Mér er alveg ljóst að það er líka líf utan
Kennarahússins og ætla að gefa mér næstu
vikurnar til að hugsa minn gang og njóta
þess að vera til.“
Hvaða óskir átt þú til kennarastéttarinnar
þegar þú hverfur úr þeim þjónustustörfum
sem þú hefur unnið fyrir hana í mörg ár?
- „Ég óska henni velfarnaðar í hvívetna. Að
lokum vil ég koma á framfæri þakklæti til
allra þeirra fjölmörgu sem hafa sent mér
kveðjur undanfarnar vikur, bæði í tölvupósti
og eftir öðrum leiðum.“
Helgi E. Helgason
Góður grunnur að frekari kjarabótum
Finnbogi Sigurðsson
Simennt.khi.is
Athugið námskeiðaröð í september, október og nóvember 2005
Upplýsingar og innritun – http://simennt.khi.is, simennt@khi.is eða í
símum 5633800 - 5633980 - 5633861 - 5634884.
Námskeið í boði í maí og júní 2005
Maí
Tölvur í almennu skólastarfi
Umsjón: Kristín Helga Guðmundsdóttir. 4., 5., 9., 10. maí. Kl. 15:00-19:00. Kest.
20. Verð 22.000.
Menningarlegur margbreytileiki í skólastarfi
Umsjón: Hanna Ragnarsdóttir. 6., 13. maí. Kl. 9:00-16:00. Kest. 20. Verð
22.000.
Staða manneldismála, nýjustu rannsóknir á því sviði og ráðleggingar.
Umsjón: Stefanía Valdís Stefánsdóttir. Námskeið I. 11. maí 14:00. Kest. 4. Verð
4.400 og námskeið II. 12. maí 14:00. Kest. 2-5. Verð 5.500.
Sértæk málþroskaröskun. Hvað er til ráða?
Umsjón: Hólmfríður Árnadóttir. 19. maí. Kl. 09:00. Kest. 6. Verð 6.600.
Við viljum læra íslensku.
Umsjón: Anna Guðrún Júlíusdóttir og Sigríður Ólafsdóttir. 20. maí og 27. maí. Kl.
9:00-16:00. Kest. 7. Verð 8.000.
Tölvur í leik og starfi. Tölvunámskeið fyrir leikskólakennara
Umsjón: Kristín Helga Guðmundsdóttir og Anna Magnea Hreinsdóttir. 23.-26. maí.
Kl. 09:15-16:00. Kest. 30. Verð 33.000.
Námskeið í skyndihjálp
Umsjón: Hafþór B. Guðmundsson. 27., 28. maí. Kl. 17.00-21.00 og 9.00-18.00.
Kest. 15. Verð 7.500.
Júní
Við viljum læra íslensku.
Umsjón: Anna Guðrún Júlíusdóttir og Sigríður Ólafsdóttir. 3. júní og 10. júní. Kl.
9:00-16:00. Kest. 7. Verð 8.000.
Silfursmíði í grunnskóla
Umsjón: Gísli Þorsteinsson. 06.6.-10.6.2005.Kl.9:00-16:00. Kest 40.
Verð 44.000 kr. Fjöldi 10 til 12. KHÍ, Listgreinahús, Skipholti 37
Tölvur í leik og starfi með börnum
Umsjón: Anna Magnea Hreinsdóttir. 7.6., 9.6.2005. Kl. 13:00-16:00.
Kest 8. Verð 12.000 kr. Fjöldi:15. Einnig í samráði við skóla.
Efnisþættir í stærðfræði
Umsjón: Meyvant Þórólfsson. Fyrri hluti 20-22. júní.
Seinni hluti 8-9. ágúst. Kest. 40. Verð 44.000.