Skólavarðan - 15.10.2002, Síða 25

Námsgögn
26
Komið þið sæl, kæru kennarar, leið-
beinendur og annað starfsfólk í menntun-
argeira mannheima!
Elli heiti ég af eldflugu-
ætt og er kominn til Ís-
lands á eigin vegum til að
rífa upp stemninguna í
umferðarfræðslumálum.
Það vildi þannig til að ég
fékk fregnir af því að slysa-
tíðni íslenskra barna væri
úr hófi há og ákvað því að
gera eitthvað í málunum.
Það þýðir lítið að stinga
höfði undir væng! Ég hef
sett saman pakka af náms-
efni fyrir 3. bekk grunn-
skóla sem er hannað á eins
gagnvirkan hátt og hægt er
og framsett bæði í rafrænu
og prentuðu formi. Í
námsefninu er bæklingur
sem öll börn í 3. bekk fá í hendur, átta
verkefnapakkar sem hver um sig inniheldur
visst þema, þrautir og leikir á netinu sem
leysa þarf til að geta haldið vinnunni áfram
og að lokum er svo stórt hópverkefni þar
sem vegleg verðlaun eru í boði.Ó, já, þau
eru ekki af verri endanum; fullkomin tölva
með stafrænni myndavél og ýmsum auka-
búnaði. Bekkurinn hlýtur tölvuna til eign-
ar og mun hún fylgja honum upp námsárin
og verða að lokum eign skólans. Það eina
sem þú þarft að gera er að skrá bekkinn
þinn til leiks og vera með! Hljómar einfalt,
er einfalt og afskaplega gaman og fræðandi.
Nú, ef ég renni hratt yfir sögu þá hef ég
nú þegar sent öllum skólastjórum landsins
póst og kynnt verkefnið. Ég hef komið mér
upp heimasíðunni www.eldflugan.is og
kem til með að setja námsefnispakkana þar
inn með reglulegu millibili, en þeir fjalla
um skólabílinn, leiðina í skólann, umferð-
ina og árstíðirnar, starf lögreglu, endur-
skinsmerkin, umferðarljósin, barnið í bíln-
um og aðkomu að slysi.
Þegar ég hef fengið tilkynningu um þátt-
töku skólanna fara hjólin að snúast svo að
nú er bara að spenna beltin og gefa í (var-
lega!). Bæklingurinn sem börnin fá í hend-
ur er ekkert slor því að hann er jafnframt
umferðargetraun. Þrír heppnir og umferð-
arfróðir nemendur verða dregnir út næsta
vor og hljóta leikjatölvur í verðlaun. Að
sjálfsögðu verður einnig hægt að taka þátt í
þessari getraun á heimasíðu minni!
Ég hef notið góðrar aðstoðar frá íþrótta-
sambandi lögreglumanna og Íslenska lög-
regluforlaginu en auk þess hefur Kári
Gunnarsson teiknari aðstoðað mig við
ímyndasköpun, Unnur María Sólmundar-
dóttir kennari lagt línurnar í skrifuðu máli
og frábærir menn frá auglýsingastofunni
Hér og nú séð um hugmyndavinnu og
uppsetningu. Ýmsir fagaðilar hafa jafn-
framt komið að gerð efnisins með ýmsum
hætti.
Nú er um að gera að slá tvær flugur í
einu höggi (hmmm?), stuðla að umferðar-
öryggi og velferð íslenskra barna og næla
sér í góðan tækjakost fyrir bekkjarstofuna.
Hlakka til að heyra frá þér!
Ta, ta, Elli eldfluga.
Íþróttasamband lögreglumanna og
Íslenska lögregluforlagið hafa hleypt
af stokkunum nýju átaki í umferðar-
fræðslu fyrir nemendur í fyrstu bekkj-
um grunnskólans, sem felst í gagn-
virku námsefni. Námsefnið heitir Eld-
flugan sem vísar til þess að eldflugur
lýsa í myrkri eins og endurskins-
merki. Skólavarðan fékk aðalmanninn
að baki námsefninsins, Ella eldflugu,
til þess að segja frá námsefninu.
Elli eldfluga rífur upp
stemninguna í umferðarfræðslu
www.eldflugan.is
Verkefnið „Eldflugan“ fær heimasíðu sem heitir www.eldflugan.is, og þar
verða verkefnin birt eitt af öðru. Stefnt er að því að birta fyrsta verkefnapakkann
um mánaðarmótin október og nóvember n.k.
Verkefnið er hópvinna og verðlaunin fylgja þeim bekk sem vinnur þangað til
grunnskólanámi lýkur. Þá eignast skólinn tölvuna og það sem henni fylgir.
Það er von Íþróttasambands lögreglumanna að kennarar taki þátt í þessu átaki
með okkur með því að láta börnin vinna verkefnin. Nákvæmar leiðbeiningar
verður að finna á heimasíðunni, bæði fyrir kennara og nemendur.
Verkefnið verður árlegur viðburður og hönnuðir munu halda áfram að þróa
það og fullkomna.
Íslenska lögregluforlagið sér um alla framkvæmd verkefnisins og svarar öllum
fyrirspurnum varðandi þátttöku, vinnslu, birtingatíma o. fl.
Þáttaka tilkynnist til ilf@binet.is eða eftir að síðan hans Ella opnar
eldflugan@eldflugan.is