Ljóðormur - 01.10.1985, Page 27

JÓN ÚR VÖR:
Hef ég þá enn átt dag
Hef ég þá enn átt dag
einn sólskinsdag eftir draumlausa nótt?
Skýin eru hvít ritningabrauð,
stórhundruð smárra fiska hundruð hundraða
synda í sólglitrandi torfum yfir jörðinni,
renna í elfum milli barkaðra brauðanna,
og munu lenda á vötnum og grænum túnum,
líkt og fuglar komnir frá suðrænum biblíulöndum
með orð guðs.
Hver hefur þá opnað myrkar dýflissur þúsund dægra
og gefið sjúku hjarta þessa dýrð?
Þakklátum huga mettast ég af orði brauðsins
og fiskanna.
Fagnandi syng ég: Ó, eina bjarta stund.
25