Fréttablaðið - 27.09.2016, Page 6

Eldhúsdagsumræður fóru fram á
Alþingi í gær í síðasta skipti fyrir
kosningarnar þann 29. október næst-
komandi og tókust menn á um for-
gangsröðun sitjandi stjórnvalda.
Bæði formaður Samfylkingarinnar
og formaður þingflokks VG héldu til
haga í þessum umræðum í gær ástæðu
þess að gengið væri til kosninga nú í
haust. „Í apríl voru forystumenn ríkis-
stjórnarflokkanna staðnir að því að
hafa átt peninga í skattaskjólum,“ sagði
Svandís Svavarsdóttir. „Þess vegna er
eldhúsdagurinn núna í september,
vegna þess að þjóðinni ofbauð þegar
spillingin vall fram yfir samfélagið allt.
Þess vegna á að fara að kjósa.“ Málefni
aldraðra, heilbrigðismál, flóttamanna-
verkefnið og menntamál voru ofarlega
á baugi ræðumanna í gær.
Bjarni Benediktsson, formaður Sjálf-
stæðisflokksins, fór yfir stöðu íslensks
samfélags nú í lok þessa kjörtímabils.
Sagði hann þessa ríkisstjórn hafa náð
markverðum árangri í ríkisfjármálum
sem og í því að lækka skuldir heimil-
anna. Milljarðaálögur á bæði fyrirtæki
og einstaklinga hafi verið lækkaðar til
hagsbóta fyrir alla en á sama tíma hafi
verðbólga verið lítil, hagvaxtarskeiðið
langt og samfelldur stöðugleiki aldrei
verið lengri. Einnig benti Bjarni á
mikinn samhljóm allra flokka í því að
nú væri lag að auka við fjármagn í heil-
brigðiskerfið og í almannatryggingar.
Oddný G. Harðardóttir, formaður
Samfylkingar, sagði traustið hafa
rofnað með tilkomu Panamaskjalanna
svokölluðu, sem afhjúpuðu eignir Sig-
mundar Davíðs Gunnlaugssonar í
skattaskjóli.
Hvorki formaður né varaformaður
Framsóknarflokksins tóku til máls í
gærkveldi í eldhúsdagsumræðunum.
Nú, fimm vikum fyrir kosningar, sætir
það tíðindum að Sigurður Ingi og Sig-
mundur Davíð, sem gegnt hafa stöðu
forsætisráðherra á þessu kjörtímabili,
hafi ekki talað til landsmanna um það
sem gert hefur verið á kjörtímabilinu.
Katrín Jakobsdóttir, formaður VG,
sagði mikilvægt að allir áttuðu sig á
því að hér á landi varð ekki allt frá-
bært þegar sitjandi ríkisstjórn kom til
valda. Ríkisstjórnin hafi tekið við góðu
búi vinstriflokkanna eftir hrunárin.
Einnig sagði hún núverandi ríkisstjórn
hafa átt Evrópumet í fjölda ráðherra í
Panamaskjölunum. Spurði hún af því
tilefni hvort þetta væri rétta fólkið til
að takast á við skattaskjólin.
Lilja Alfreðsdóttir, utanríkisráðherra
utan þings, hélt framsöguræðu fyrir
Framsóknarflokkinn, en hvorki for-
maður né varaformaður flokksins tóku
til máls nú. Lilja sagði það mjög mikil-
vægt að við stýri þjóðarskútunnar væri
reyndur skipstjóri.
sveinn@frettabladid.is
Tekist á um
framtíð þjóðar
Eldhúsdagsumræður á Alþingi voru haldnar í gær. Þrír þingmenn
allra flokka sem sæti eiga á þingi ræddu stöðu lands og þjóðarbús
þegar tæpar fimm vikur eru til kosninga.
Spánn Réttarhöld eru hafin á
Spáni yfir 65 bankamönnum, þar
á meðal Rodrigo Rato sem var yfir-
maður Alþjóðagjaldeyrissjóðsins
á árunum 2004-2007. Hann var
einnig um hríð fjármálaráðherra
Spánar fyrir Lýðflokkinn, helsta
hægri flokk landsins.
Mennirnir eru sakaðir um að
hafa misnotað aðstöðu sína hjá
bankanum Bankia, sem  bjarga
þurfti með fé úr ríkissjóði árið
2012, og dregið sér samtals um 12
milljarða evra, en sú fjárhæð sam-
svarar um það bil 1.500 milljörðum
króna.
Þeir eru sagðir hafa notað „óop-
inber“ kreditkort  til að greiða fyrir
lúxusvarning, ferðalög, hótelgist-
ingu, dýran fatnað og skemmtanir
af ýmsu tagi. Þetta eru þeir sagðir
hafa gert á árunum frá 2003 og allt
fram til 2012, sumir hverjir í það
minnsta.
Þegar bankanum var bjargað
árið 2012 urðu um 200 þús-
und  manns fyrir fjárhagstjóni
þegar hlutafé þeirra í bankanum
varð verðlaust.
Rato sagði af sér sem bankastjóri
Bankia árið 2012, stuttu áður en
hann fór næstum því á hausinn. – gb
Tugir bankamanna saksóttir á Spáni
Rodrigo Rato, vinstra megin við miðju myndarinnar, ásamt Miguel Blesa, fyrr-
verandi bankastjóra Caja Madrid, í réttarsal í gær. FRéttaBlaðið/EPa
Uppljóstranir
Panamaskjalanna
voru kornið sem fyllti
mælinn. Þegar í ljós kom
að þáverandi hæstvirtur
forsætisráðherra, hæst-
virtur fjármálaráðherra og
hæstvirtur innanríkisráð-
herra hefðu átt reikninga í
skattaskjólum var það í
hrópandi mótsögn við
samstöðu almennings til
að koma hlutum á réttan
kjöl eftir hrunið.
Óttarr
Proppé
Björt framtíð
Á þessu kjörtíma-
bili hefur afar
mörgu verið komið til
leiðar. Við settum í forgang
að bæta skuldastöðu
heimilanna sem voru í
sárum þegar síðast var
gengið til kosninga. Og við
höfum á því sviði náð
árangri sem vekur athygli
langt út fyrir landsteinana.
Við töluðum um að létta
sköttum af heimilunum og
sú stefna hefur tryggt að
heimilin halda
eftir meira af
sjálfsaflafé.
Bjarni
Benediktsson
Sjálfstæðisflokkur
Við lifum á
umbrotatímum
þar sem gríðarlega hraðar
umbreytingar eiga sér stað.
Við okkur blasir flókin og
ógnvænleg heimsmynd þar
sem öfgar og popúlismi
eru orðin yfirþyrmandi
veruleiki sem ógnar tilveru
okkar allra. Spillingin
flæðir upp á yfirborðið í
algerri síbylju og áreitið er
orðið svo mikið að lang-
tímahugsun og samkennd
á undir högg að sækja.
Birgitta
Jónsdóttir
Píratar
Þing er rofið og
við göngum til
kosninga vegna skorts á
trausti og trúnaði milli
þjóðarinnar og stjórn-
valda, og vegna atburða
þar sem spilling og skatta-
skjól voru í lykilhlutverki.
Almenningur fékk innsýn
inn í það hvernig auðmenn
fara að, hvar þeir geyma
peningana sína í skjóli
fyrir skattinum og hvernig
sumir þeirra láta aðra bera
sinn hlut í velferðarkerf-
inu.
Oddný
Harðardóttir
Samfylkingin
Einhvern tíma var
sagt að þegar öllu
væri á botninn hvolft væri
traust efnahagsstjórn
stærsta velferðarmálið. Það
reyndist rétt. Rúmu ári
seinna var Ísland nánast á
hausnum með skelfilegum
afleiðingum fyrir alla
okkar mikilvægu sam-
félagslegu innviði.
Katrín
Jakobsdóttir
Vinstri græn
Á kjörtímabilinu
hefur algjör
kúvending orðið á stöðu
heimilanna og fólksins í
landinu. Með skýrri sýn og
markvissri stefnu hefur
okkur tekist að leysa
flókin verkefni og búa í
haginn fyrir framtíðina.
Þess vegna er nú svigrúm
til að styrkja innviði
samfélagsins.
Lilja Dögg
Alfreðsdóttir
Framsóknar-
flokkur
2 7 . S e p t e m b e r 2 0 1 6 Þ r I Ð J U D A G U r6 f r é t t I r ∙ f r é t t A b L A Ð I Ð
2
7
-0
9
-2
0
1
6

0
4
:5
2
F
B
0
7
2
s
_
P
0
6
7
K
.p
1
.p
d
f
F
B
0
7
2
s
_
P
0
5
8
K
.p
1
.p
d
f
F
B
0
7
2
s
_
P
0
0
6
K
.p
1
.p
d
f
F
B
0
7
2
s
_
P
0
1
5
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
A
B
2
-A
B
F
4
1
A
B
2
-A
A
B
8
1
A
B
2
-A
9
7
C
1
A
B
2
-A
8
4
0
2
7
5
X
4
0
0
.0
0
1
5
B

F
B
0
7
2
s
_
2
6
_
9
_
2
0
1
6
C
M
Y
K