Víkurfréttir - 21.11.1985, Blaðsíða 6

6 Fimmtudagur 21. nóvember 1985
VÍKUR-fréttir
íþróttahús Keflavíkur 5 ára:
„Einn stærsti þáttur í æsku-
lýðsstarfsemi bæjarins“
- segir Jón Jóhannsson, forstöðumaður hússins
8. nóvember sl. var íþróttahús Keilavíkur 5 ára. Óhætt er að segja að með tilkomu
hússins hafi orðið bylting í íþróttalífi Keflvíkinga, sem fram að þessu höfðu aðeins
haft litla íþróttahúsið við Myliubakkaskóla til íþróttaiðkunar.
Það var snemma árs 1976 sem fyrstu framkvæmdir við Iþróttahús Keflavíkur hóf-
ust. Ári seinna var salurinn reistur, sem tók skamman tíma þar sem hér var um að
ræða svokallað einingahús. Árið 1980, nánar tiltekið 8. nóv., var húsiðsvo formlega
tekið í notkun.
í tilefni af þessum tímamótum fengum við Jón Jóhannsson, forstöðumann húss-
ins, í viðtal.
Stór þáttur í
æskulýðsstarfseminni
„Mikill fjöldi unglinga
sækir húsið geysilega vel,
og má segja að þetta sé einn
stærsti þáttur í æskulýðs-
starfseminni í Keflavík“,
sagði Jón, aðspurðiir um
aðsóknina í húsið. „Égheld
að fólk geri sér ekki grein
fyrir því hvað forystumenn
deildanna vinna mikið
æskulýðsstarf. Enda hefur
það komið fram, að ungl-
ingar sem stunda íþróttir
lenda síður í vandræðum“.
Og húsið er í notkun frá
morgni til síðla kvölds?
„Já, allt frá því kl. 8.15 til
23.40 alla daga vikunnar.
Skólarnir eru hér virka
daga til kl. 17, og þá taka
æfingar við. Um helgar eru
svo bæði æfingar og keppn-
ir".
Finnst þér árangur hjá
ÍBK í innanhússíþrótta-
greinum hafa batnað með
tilkomu hússins?
„Árangurinn hefur orðið
meiri í mörgum greinum og
er mjög góður víða. Málið
er bara það, að flokkarnir
fá ekki nógu margar æfing-
ar, þar sem þeir eru svo
margir. Sjálfur er ég hlynnt-
ur því að hafa sem flesta
iðkendur í húsinu, heldur
en láta eina og eina grein ná
yfirtökum, eins og sums
staðar hefur gerst. Þá nefni
ég sem dæmi Hafnarfjörð.
Þar hefur megin áhersla
verið lögð á handknattleik,
enda hafa þeir verið stór-
veldi á því sviði í mörg ár.
Það er erfitt að ná góðum
árangri í mörgum greinum.
Við höfum verið stórveldi í
knattspyrnu, sem enn virð-
ist vera vinsælasta greinin
hér í Keflavík. Ástundun
þar í yngstu flokkunum í
húsinu er ótrúlega mikil.
Allt upp í 60 drengir hafa
mætt á knattspyrnuæfingu
hérna og áhuginn er mikill.
Körfuknattleikur hefur
einnig verið í mikilli sókn
og er orðin vinsæl íþrótt hér
í Keflavík“.
Hvaða greinar eru niest
stundaðar?
„Þetta eru fimm höfuð-
greinar: knattspyrna.hand-
knattleikur, körfuknatt-
leikur, frjálsar íþróttir og
badminton".
Ástundun almennings
ekki nógu mikii
Hvað með hinn almenna
borgara - er hann duglegur
við ástundun íþrótta?
„Ég er ekki nógu ánægð-
ur með þátttöku almenn-
ings. Fjórir hópar stunda
hér knattspyrnu innanhúss.
Auk þess hafa verið hér
blak-æfingar sem er tilvalið
fyrir hinn almenna borg-
ara sem ekki er í mikilli
þjálfun. Ástundun var góð
til að byrja með, en hefur
dottið niður. Ég vil endi-
lega hvetja fólk sem vinnur
skrifstofustörf og því um
líkt, að koma og kynna sér
hvað húsið hefur upp á að
bjóða. I því sambandi má
nefna að nú í haust byrjaði
Guðmundur Sigurðsson,
íþróttakennari, með lík-
amsrækt fyrir karlmenn.
Og hér er líka stunduð
kvennaleikfimi og ýmislegt
annað. Á vorin koma hing-
að stangveiðimenn og æfa
fluguköst. Nú, og svo hefur
ýmislegt verið hér í húsinu,
s.s. tónleikar, karlakóra-
mót o.fl.
Handboltinn á
uppleið
„Þó svo að almenningur
sé kannski ekki nógu dug-
legur við ástundun æfinga,
er húsið mjög vel sótt af
áhorfendum þegar hér eru
kappleikir. Það eru mörg
sömu andlitin sem maður
sér á flestum kappleikjum
hér“.
Hvar er aðsóknin mest?
„Hún er mest í körfu-
boltanum. Það hafa komið
hingað á körfuboltaleik yfir
þúsund manns, sem er
mesta aðsókn í húsið frá
upphafi. Handboltinn er
nú á mikilli uppleið og að-
sókn á þá leiki eykst stöð-
ugt. Forystumenn hand-
boltans eru loks að sjá ár-
angur starfs síns á undan-
förnum árum og eru að ná
handboltanum upp á nýjan
leik eftir lægð, sem að miklu
leyti stafaði af aðstöðu-
leysi“.
En nú er byggingu húss-
ins ekki fulllokið. Hvað er
eftir?
„Við íþróttahúsið á eftir
að byggja viðbyggingar við
gaflana. I þeim verða minni
salir sem verða hentugir
fyrir borðtennis og júdó,
sem því miður hafa ekki
komist að hér í húsinu, og
með tilkomu þessara sala
mun aðstaða fyrir almenn-
ing einnig lagast mikið".
Og framundan eru miklar
framkvæmdir hér á íþrótta-
svæðinu með tilkomu sund-
miðstöðvar?
„Já, nú þegar er búið að
steypa sökkla fyrir kjallara
sundmiðstöðvarinnar, en
þar mun verða búningsað-
staða fyrir íþróttavellina
sem hingað til hefur verið í
íþróttavallarhúsinu. Það er
nú komið til ára sinna og er
löngu orðið of lítið. Ekki
hefur verið ákveðið hvað
verður gert við það, en upp
hefur komið sú hugmynd
að gera húsið að klúbbhúsi
fyrir ÍBK og finnst mér það
mjög góð hugmynd. Nú,
hvað aðrar framkvæmdir
varðar þá var lokið við alla
undirbúningsvinnu við nýj-
an malarvöll í Heiðarhverfi
sl. sumar, aðeins eftir að
setja topplagið á völlinn.
Þetta er fyrsta skrefið í
íþróttaframkvæmdum á
því útivistarsvæði“.
Börnin ganga vel
um húsið
Að lokum Jón, það hefur
vakið mikla athygli,sérstak-
lega aðkomumanna, hve
húsið er snyrtilegt. Erlendir
keppendur spurðu mig fyrr á
þessu ári hvort það væri nýtt,
sem lýsir best áliti þeirra á
því. Hvað viltu segja um
þetta?
„Ég vil nú beina þessu
hóli eiginlega beint til
krakkanna sem ganga um
húsið. Þau eiga stærstan
þátt í þessu. Þau passa
húsið vel og ganga mjög vel
um það. Frá byrjun hefur
ekkert áhald eða neitt í hús-
inu verið skemmt eða eyði-
lagt, sem segir sína sögu.
Auk þess passa krakkarnir
upp á það að utanbæjar-
menn sem hér eru við
keppni, fari ekki inn á
skónum. Svo má nú ekki
gleyma því að við höfum
verið einstaklega heppin
með starfsfólk, sem einnig
hefur lagt metnað sinn í að
hafa húsið sem snyrtileg-
ast“.
Þú er sem sagt ánægður
með húsið?
„Já, auk þess er það vel
hannað. Þetta hús hefur t.d.
fram yfir mörg önnur, að
það er stutt úr búningsklef-
um inn í sal. Lokaorð mín
vil ég eigna byggingarnefnd
íþróttahússins. Hún vann
sín störf vel og lét ganga
mjög vel frá öllu hér í hús-
inu“, sagði Jón Jóhanns-
son. - pket.