Morgunblaðið - 27.10.2015, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 27. OKTÓBER 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Gestir á þingi Norðurlandaráðs í Reykjavík
ræddu viðbrögð Norðurlandanna og Evrópu-
þjóða við stórauknum straumi flóttamanna til
álfunnar í Kaldalónssal Hörpu síðdegis í gær.
Fyrirlesarar voru sérfræðingarnir Jean-
Christopher Durmont frá OECD og Roderick
Parkes frá stofnun Evrópusambandsins um
rannsóknir í öryggismálum. Í kjölfarið fóru svo
fram umræður um málefnið.
Ræddu um viðbrögð við flóttamannastraumi
Morgunblaðið/Árni Sæberg
Gestir á þingi Norðurlandaráðs héldu fyrirlestra í Hörpu
Agnes Bragadóttir
agnes@mbl.is
Þingmenn stjórnarflokkanna,
Sjálfstæðisflokks og Framsóknar-
flokks, fengu þau boð frá forystu
flokkanna snemma í gærmorgun,
að vera viðbúnir því að vera kall-
aðir á þingflokksfundi fyrirvaralít-
ið, eða fyrirvaralaust, til þess að
fjalla um lagafrumvörp um afnám
hafta.
Samkvæmt upplýsingum Morg-
unblaðsins, er staða málsins sú, að
ríkisstjórnin bíður umsagnar
Seðlabankans, um beiðni slita-
stjórnar Glitnis um að stór hluti
stöðugleikaframlags búsins verði
fólginn í því að íslenska ríkið eign-
ist Íslandsbanka að fullu. Vinna
við mat á beiðninni mun hafa dreg-
ist í Seðlabankanum, en búist var
við að Bjarni Benediktsson, efna-
hags- og fjármálaráðherra, fengi
umsögn bankans í hendur fyrir
helgi, en af því varð ekki.
Samkvæmt frásögnum stjórnar-
þingmanna voru einhverjir óvissu-
þættir, sem stóðu út af borðinu í
gær og því var búist við funda-
höldum í Seðlabankanum og fjár-
málaráðuneytinu í allan gærdag.
Jafnframt var reiknað með því í
gær, að ef Seðlabankinn næði að
klára umsögn sína í gær mundi
ríkisstjórnin fjalla um málið ár-
degis í dag og í framhaldi þess
yrðu þingflokkar stjórnarflokk-
anna kallaðir saman til fundar.
Síðdegis varð hins vegar ljóst, að
Seðlabankinn myndi ekki ná að
ljúka umfjöllun sinni í gær.
Þingmenn í viðbragðsstöðu
 Þingmenn stjórnarflokkanna kallaðir á fund um afnám haftanna þegar umsögn
Seðlabanka lítur dagsins ljós  Óvissuþættir töfðu afgreiðslu málsins í gær
Morgunblaðið/Eggert
Beðið Þingmenn stjórnarflokkanna eru í viðbragðsstöðu vegna haftamál-
anna. Aðrir þingmenn bíða væntanlega einnig úrslitanna spenntir.
„Mér fannst þessi siður vera orðinn
úreltur, enda er þetta samfélag gjör-
breytt frá því sem var. Í bæinn hefur
flutt fólk sem veit kannski engin
deili á hinum látna og túristar voru
hissa. Töldu kannski að þjóðhöfðingi
væri látinn,“ segir Hjálmar Bogi
Hafliðason, bæjarfulltrúi í Norð-
urþingi.
Bæjarstjórnin þar samþykkti í síð-
ustu viku tillögu Hjálmars Boga að
hætt yrði að flagga íslenska fán-
anum við stjórnsýsluhúsið í Húsavík
í hálfa stöng við andlát í bæjarfélag-
inu. Slíkt hefur tíðkast í áraraðir.
Hefur reglan náð til fólks með heim-
ilisfesti í bænum, einstaklinga sem
legið hafa á sjúkrahúsinu í bænum
og þeirra sem búið hafa fyrr á tíð í
kaupstaðnum en eru fluttir á brott.
„Stutt er síðan flaggað var í hálfa
stöng vegna einstaklings sem bjó
hér en var fluttur héðan fyrir tæp-
um aldarfjórðungi, Mér fannst þetta
orðið frekar langsótt, með fullri
virðingu fyrir hinum látna,“ segir
Hjálmar Bogi, sem er ánægður með
að tillaga þessi var samþykkt í
bæjarstjórn. Þar voru sex henni
fylgjandi en þrír á móti. Í umræðum
um málið tóku allir bæjarfulltrúar til
máls.
Viðbrögð verið sterk
Þrátt fyrir að hætt verði að flagga
í hálfa stöng við stjórnsýsluhúsið
þegar andlát ber að, verður slíkt þó
áfram gert við útfarir. Á Húsavík
hafa jarðarfarir oft verið 15 til 18 á
ári – og sé flaggað í hálfa stöng bæði
á útfarar- og andlátsdegi gerir það
36 tilvik á ári. Með öðru tilfallandi
voru fánadagarnir stundum í kring-
um 40 á ári.
„Þetta var ansi mikið og miðað við
að kynslóðir koma og fara og fólki
hér í bænum er að fjölga þá varð að
breyta þesssu. Svona mál kalla þó
jafnan á sterk viðbrögð, sem hafa
verið heilmikil en yfirleitt jákvæð,“
segir Hjálmar Bogi Hafliðason.
sbs@mbl.is
Hætt að flagga í hálfa stöng
Morgunblaðið/Sigurður Bogi
Hluttekning Sá siður að flagga í
hálfa stöng við andlát er að breytast.
 Aðeins flaggað við
útför  Túristar á
Húsavík voru hissa
Þriggja daga
þing Norður-
landaráðs hefst í
dag. Meginþema
þingsins er nor-
ræn framtíðarsýn
og alþjóðamál.
Fulltrúar á
þinginu verða for-
sætisráðherrar,
aðrir ráðherrar
og þingmenn frá öllum norrænu ríkj-
unum, samtals um 1.000 manns. Þó
að formleg dagskrá hefjist í dag var í
gær rætt um flóttamenn og viðbrögð
Norðurlandaþjóða og annarra Evr-
ópuþjóða á fundi Hörpu.
Samhliða þingi Norðurlandaráðs
mun fundur forsætisráðherra Norð-
urlandanna, Eystrasaltsríkanna og
Bretlands hefjast á morgun.
Leiðtogarnir munu taka þátt í
sameiginlegu málþingi þjóðanna,
Northern Future Forum, þar sem
rætt verður um vöxt og viðgang
skapandi greina og nýsköpun í op-
inberum rekstri í þeim tilgangi að
auka gæði opinberrar þjónustu.
Mesta athygli vekur koma Davids
Camerons, forsætisráðherra Bret-
lands. Fram kom á vef breska dag-
blaðsins The Guardian í gær að
Cameron hyggist nota ferð sína til
Íslands síðar í vikunni meðal annars
til þess að lýsa því yfir að hann voni
að Bretar verði áfram innan Evrópu-
sambandsins og að fyrirkomulag
eins og Norðmenn hafi við sam-
bandið henti ekki breskum hags-
munum. Ásamt níu forsætis-
ráðherrum munu ríflega 80
sérfræðingar frá Íslandi, Danmörku,
Finnlandi, Eistlandi, Lettlandi,
Litháen, Noregi, Svíþjóð og Bret-
landi taka þátt í umræðum.
Norður-
landaráðs-
þing hefst
David Cameron
 Níu forsætisráð-
herrar á Íslandi
Nafn stúlkunnar sem lést í slysi við
sveitabæ í Biskupstungum á laugar-
dag er Jenný Lilja Gunnarsdóttir.
Hún var þriggja ára, til heimilis í
Ásakór 5 í Kópavogi. Foreldrar
hennar eru Rebekka Ingadóttir og
Gunnar Lúðvík Gunnarsson.
Systur Jennýjar Lilju eru Júlía
Klara og Dagmar Lilja.
Nafn stúlk-
unnar sem
lést í slysi
Thi Thuy Nguyen fékk dvalarleyfi á
Íslandi í gær en Útlendingastofnun
hafði áður talið að hjónaband henn-
ar og eiginmanns hennar, Van Hao
Do, væri aðeins til málamynda og
hafði henni því verið synjað um
dvalarleyfi áður. Víetnömsku hjónin
kærðu í gær til Persónuverndar
leka á upplýsingum frá Landspít-
alanum til Útlendingastofnunar.
Í gögnum máls þeirra hjá Út-
lendingastofnun kemur fram að
upplýsingar hafi borist í símtali frá
Landspítalanum um háttalag
hjónanna. Björg Valgeirsdóttir, lög-
maður hjónanna, segir það vera
brot á friðhelgi einkalífsins og
óheimila miðlun upplýsinga um
skjólstæðinga
hennar. Fjallað
var um málið í
kvöldfréttum
Stöðvar 2.
„Þetta er far-
sæll endir á dval-
arleyfismálinu,
en þau eru stað-
ráðin í að leita
réttar síns á lek-
anum sem er
mjög alvarlegur,“ sagði Björg í
samtali við mbl.is í gær. Hún sagði
það hafa verið þungbært fyrir um-
bjóðendur sína að vera hafðir fyrir
þessari sök sem byggir á „ólöglega
miðuðum gögnum eða ágiskunum“.
Kærðu vegna
upplýsingaleka
Björg
Valgeirsdóttir
 Víetnömsku hjónin kæra Landspítala