Morgunblaðið - 28.10.2015, Síða 4

4 FRÉTTIRInnlent
MORGUNBLAÐIÐ MIÐVIKUDAGUR 28. OKTÓBER 2015
Baldur Arnarson
baldura@mbl.is
Anna Hulda Ólafsdóttir, doktorsnemi í iðn-
aðarverkfræði við Háskóla Íslands, hefur
fengið alþjóðleg verðlaun fyrir rannsóknir á
verkefna- og gæðastjórnun sem hún hefur
nálgast með kvikum kerfislíkönum.
Alþjóða verkefnastjórnunarfélagið (IPMA)
veitti Önnu Huldu viðurkenninguna vísinda-
maður ársins í flokki ungra vísindamanna fyrir
árið 2015. Hún veitir viðurkenningunni viðtöku
í bænum Stellenbosch, skammt frá Höfðaborg
í Suður-Afríku, í lok nóvember. Undir IPMA
heyra 60 félagasamtök iðnaðarverkfræðinga
um allan heim.
Hefur rannsakað verkefnastjórnun
Anna Hulda segist aðspurð munu verja
doktorsritgerð sína í iðnaðarverkfræði við Há-
skóla Íslands í desember eða janúar.
Hún segir verðlaunin veitt fyrir verkefna-
stjórnun. Hún hafi rannsakað verkefna- og
gæðastjórnun í mannvirkjagerð með aðferða-
fræði kvikra kerfislíkana. Með því að beita
þessari aðferðafræði á flókin viðfangsefni sé
hægt að nálgast þau út frá víðara sjónarhorni.
„Ég fékk þessi verðlaun fyrir bróðurpartinn
af doktorsverkefninu mínu. Þeir auglýstu eftir
umsóknum og einn af prófessorunum mínum
hvatti mig til að sækja um. Ég sótti um og
þetta var niðurstaðan. Hún kom mér mjög á
óvart,“ segir Anna Hulda af hógværð.
„Ég hef rannsakað gæðastjórnun í mann-
virkjagerð og beiti þar þeirri aðferðafræði sem
ég hef sérhæft mig í, kvikum kerfislíkönum.
Gæðastjórnun er nátengd verkefnastjórnun,
sérstaklega í iðnaði eins og mannvirkjagerð,
sem er mjög verkefnamiðuð. Þetta helst því í
hendur og þarf að skoða samhliða.“
Til mikils að vinna við mannvirkjagerð
Spurð um hagnýtingu rannsóknanna segir
Anna Hulda að margir eigi hagsmuna að gæta
við mannvirkjagerð og því sé til mikils að vinna
að spara tíma, draga úr kostnaði og auka gæði.
Við greininguna hafi hún hagnýtt sér svo-
nefnda hóplíkanagerð og haldið þó nokkrar
vinnusmiðjur með helstu hagsmunaaðilum í
mannvirkjagerð á Íslandi. Með því fáist víðara
sjónarhorn á verkefni, enda takist að draga
fram sjónarmið allra sem komi að málum.
Fjármagnið nýtist betur
Með því að nota virka gæðastjórnun starfi
fyrirtæki betur, auk þess sem fjármagn nýtist
betur hjá fyrirtækjum og viðskiptavinum
þeirra. Því geti góð gæðastjórnun lækkað
kostnað við mannvirkjagerð. „Þetta lækkar
meðal annars kostnaðinn við að endurvinna
verk í mannvirkjagerð. Slíkt getur lengt bygg-
ingartímann og því er mikilvægt að draga úr
því. Með fyrirbyggjandi aðgerðum er hægt að
lækka heildarkostnaðinn,“ segir Anna Hulda,
sem er vön verðlaunum.
Hún hefur 34 sinnum sett Íslandsmet í
ólympískum lyftingum og meðal annars orðið
Norðurlandameistari í -58 kílóa flokki árið
2014
Fær alþjóðleg verðlaun í verkfræði
 Anna Hulda Ólafsdóttir, doktorsnemi við Háskóla Íslands, er ungur vísindamaður ársins hjá IPMA
 Rannsakar aðferðir sem gætu lækkað kostnað í mannvirkjagerð  Verðlaunin afhent í S-Afríku
Morgunblaðið/Rósa Braga
Verkfræðingur Anna Hulda er doktorsnemi í
iðnaðarverkfræði við Háskóla Íslands.
Þór Tulinius leikari brá sér í hlutverk Halldórs
Laxness á samkomu í Þjóðarbókhlöðunni í gær
þegar þess var minnst að liðin eru 60 ár frá því
að Halldór fékk Nóbelsverðlaunin í bókmennt-
um. Opnuð var sýning á skjölum og munum úr
fórum Halldórs í anddyri Bókhlöðunnar. Í tilefni
afmælisins hefur RÚV unnið að vef sem tileink-
aður er verðlaunaveitingunni og verður hann
aðgengilegur á snertiskjá á sýningunni.
Sextíu ár frá því að Íslendingur hlaut Nóbelsverðlaunin
Morgunblaðið/Eggert
Skjöl og munir Halldórs Laxness á sýningu
Helgi Bjarnason
helgi@mbl.is
Mikil óánægja er meðal ljósmæðra
á Landspítalanum. Þær hafa ekki
fengið að fullu greidd laun fyrir
vinnu meðan á verkfalli þeirra stóð
sl. vetur. Óánægjan brýst fram
með ýmsum hætti. Ljósmæður
treysta sér ekki til að taka auka-
vaktir meðan á þessu stendur og
sumar hafa sagt sig úr styrktar-
félagi kvennadeildar og hætt að
kaupa mjólk sem seld er til styrkt-
ar spítalanum.
„Það er mikil óánægja núna á
spítalanum. Við vorum sannarlega
að vinna í verkfallinu og eigum að
fá greitt fyrir vinnu sem við leggj-
um fram,“ segir Guðrún I. Gunn-
laugsdóttir, ljósmóður á Landspít-
ala. Ljósmæður hafa krafist fullra
launa fyrir vinnu sína en ekki feng-
ið og meirihluti félagsdóms dæmdi
ríkinu í hag í máli sem BHM höfð-
aði vegna ljósmæðra.
„Margar ljósmæður hafa verið
hýrudregnar um tugi eða hundruð
þúsunda. Spítalinn skuldar mér til
dæmis 220 þúsund vegna launa
sem dregin voru af mér vegna
vinnu í verkfalli,“ segir Guðrún.
Undir öryggismörkum
Hún segir að enginn geti skyld-
að ljósmæður til að mæta til vinnu
fyrir utan sinn vinnutíma. Mikið
álag er á þeim tveimur deildum
spítalans þar sem ljósmæður eru í
vinnu. Þar er eðli málsins sam-
kvæmt misjafnt álag og stundum
þarf fleira starfsfólk til að sinna
verkunum. „Þessar tvær deildir
eru nánast óstarfhæfar vegna
sorgar ljósmæðra. Við getum ekki
lagt okkur fram þegar spítalinn
kemur svona fram við okkur,“ seg-
ir Guðrún. Hún nefnir að í fyrri-
nótt hafi ástandið verið alvarlegt
vegna þess að ekki tókst að fá
nógu margar ljósmæður til starfa
og starfsemin hafi verið komin
undir öryggismörk. „Það er ekki
gott fyrir almenning.“
Margar ljósmæður hafa verið í
Líf, styrktarfélagi kvennadeildar,
og lagt sitt af mörkum til að félag-
ið gæti stutt fjárhagslega ýmsar
endurbætur á kvennadeildinni.
Úrsagnir úr félaginu
Guðrún segir að þónokkrar ljós-
mæður hafi sagt sig úr félaginu.
„Líf hefur svo sannarlega styrkt
kvennadeildina. Mörgum finnst
ósanngjarnt að við skulum beina
spjótum okkar að styrktarfélaginu.
En staðan er þannig að á meðan
við fáum ekki launin okkar getum
við hvorki styrkt Líf né önnur góð-
gerðarfélög.“ Þær hafa einnig tal-
að sig saman um að kaupa ekki D-
vítamínbætta mjólk en MS veitir
ákveðna fjárhæð af hverri seldri
fernu til söfnunar fyrir beinþéttn-
imæli fyrir Landspítalann.
Getum ekki lagt okkur fram
 Ljósmæður mótmæla því að fá ekki laun fyrir vinnu sína í verkfalli  Taka ekki aukavaktir og telja
að deildirnar séu hálflamaðar vegna þess  Margar hætta í styrktarfélagi kvennadeildar
Morgunblaðið/Sverrir
Nýburi Ljósmæður hafa ekki fengið
greitt fyrir vinnu sína í verkfallinu.
Kópavogsbær
birti í gær fjár-
hagsáætlun
bæjarins. Í frétta-
tilkynningu kem-
ur m.a. fram að
gert sé ráð fyrir
að A-hluti bæjar-
sjóðs verði rekinn
með 85 milljóna
rekstrarafgangi á
næsta ári. Þá
verði samstæða Kópavogsbæjar rek-
in með 246 milljóna afgangi.
Jafnframt er gert ráð fyrir því að
skuldahlutfall muni lækka niður í
156,1% í árslok 2016. Um síðustu
áramót var skuldahlutfallið 175,2%
en áætlun þessa árs gerir ráð fyrir
skuldahlutfall verði 165,6% í árslok.
Í tilkynningunni segir að lögboðn-
ar skyldur sveitarfélagsins til að
lækka skuldir hafi áhrif á getu
sveitarfélagsins til framkvæmda á
næsta ári. Haft er eftir Ármanni Kr.
Ólafssyni að fasteignaskattur muni
lækka fjórða árið í röð. „Fjárhags-
áætlun bæjarins sýnir þá áherslu
sem við höfum lagt á skattalækkanir
annars vegar og niðurgreiðslu
skulda bæjarins hins vegar,“ segir
Ármann.
Kópavogur
lækkar fast-
eignaskatt
Ármann Kr.
Ólafsson
 Ná markmiði um
niðurgreiðslu skulda