Morgunblaðið - 28.10.2015, Síða 19

19
MORGUNBLAÐIÐ MIÐVIKUDAGUR 28. OKTÓBER 2015
Bangsadagurinn Börnin á leikskólanum Furuskógi voru ánægð með bangsadaginn sem haldinn var víðsvegar í skólum landsins í gær og mættu þau öll með uppáhalds bangsann með sér í skól-
ann. Þessi dagur, 27. október, var valinn alþjóðlegur bangsadagur og er ástæðan sú að dagurinn er fæðingardagur Theodore Roosevelts Bandaríkjaforseta sem var gjarnan kallaður Teddy.
Eva Björk
Fundir stjórnmála-
flokka eru misjafnir.
Flestir skipta litlu og
þjóna ekki öðrum til-
gangi en að gefa sam-
herjum tækifæri til að
koma saman, sitja
undir ræðum, jánka,
kinka kolli og fá sér
kaffi. Sumir fundir
gára hið pólitíska
vatn í nokkra daga en
svo færist lognmollan aftur yfir og
allt verður eins og áður. En svo
eru haldnir einstaka fundir sem
marka tímamót – setja spor í sög-
una sem fennir ekki yfir og verða
einskonar hreyfiafl breytinga og
hugmyndafræðilegrar sóknar.
Landsfundur Sjálfstæðisflokks-
ins um liðna helgi var ekki aðeins
líflegur heldur bendir flest til að
þar hafi orðið þáttaskil í starfi
flokksins. Ungt fólk lét til sín taka
með skipulegum hætti og hafði
veruleg áhrif á stefnuna sem var
mótuð og samþykkt. Framganga
þess var til fyrirmyndar. Ungliðar
mættu til leiks með mótaðar hug-
myndir og tillögur, fylgdu þeim
eftir af festu og náðu árangri.
Mér er til efst að Sjálfstæðis-
flokkurinn hafi nokkru sinni átt
jafn fjölmenna sveit ungs fólks á
landsfundi sem hefur hæfileika og
vilja til að fylgja hugsjónum sínum
eftir. Áslaug Arna Sigurbjörns-
dóttir, Ragnhildur Alda María Vil-
hjálmsdóttir, Elín Káradóttir, Pa-
wel Bartoszek, Laufey Rún
Ketilsdóttir og Albert Guðmunds-
son eru hluti af öflugu liði ungs
fólks sem er tilbúið að
taka þátt í pólitísku
starfi til að hafa áhrif
á samfélagið. Undir
gunnfána frelsis vill
ungt fólk varða veg-
inn, gefa ein-
staklingnum aukið
svigrúm, hverfa frá
forsjárhyggju og
koma böndum á rík-
isvaldið. Fordómum
er hent út í hafsauga,
staðalímyndum hvers-
konar er hafnað, for-
réttindum vísað á bug en þess
krafist að hver og einn fái að vera
hann sjálfur – að allir séu jafnir
fyrir lögum og njóti jafnra tæki-
færa í lífinu.
En það voru ekki bara þeir
yngri sem létu að sér kveða á
landsfundinum. Samtök eldri sjálf-
stæðismanna [SES], undir forystu
Halldórs Blöndals tóku virkan þátt
í stefnumótun á fundinum eins og
m.a. má sjá glöggt í ályktun um
velferðarmál. Eldri sjálfstæðis-
menn mættu vel nestaðir á fund-
inn samkvæmt venju enda SES
öflug og virk í pólitísku starfi. Ég
hef áður haldið því fram að viku-
legir fundir SES séu með þeim
skemmtilegustu enda er þar rædd
pólitík án tæpitungu.
Verkefnalisti
Með einföldum hætti er hægt að
segja að með ályktunum hafi
landsfundarfulltrúar útbúið verk-
efnalista fyrir þingmenn, ráðherra
og sveitarstjórnarmenn Sjálfstæð-
isflokksins. Auðvitað eru ekki allir
sammála öllu sem samþykkt var.
Kjörnir fulltrúar flokksins, sem
ekki hreyfðu andmælum eða vöktu
sérstaka athygli á að þeir væru
andvígir því sem samþykkt var,
hljóta að gera allt sem í þeirra
valdi stendur til að tryggja fram-
gang þeirra verkefna sem lands-
fundur telur nauðsynleg.
Sum verkefnin eru einföld og
auðvelt að leysa. Sjálfstæð ráðu-
neyti dómsmála og heilbrigðismála
eru dæmi. Enn einfaldara er að
framfylgja stefnu Sjálfstæðis-
flokksins um lækkun kosningaald-
urs í 16 ár. Þar þarf í raun ekki
annað en breyta einum staf í kosn-
ingalögum. Með breytingunni vilja
sjálfstæðismenn að kosningaaldur
miðist við upphaf sjálfstæðrar
skattlagningar eða eins og segir í
ályktun:
„Skattgreiðendur í lýðræðisríki
hafa þann rétt að kjósa hvernig
skattfé skuli ráðstafað og er því
ótækt að skattgreiðendum sé mis-
munað á grundvelli aldurs.“
Önnur verkefni eru flóknari og
krefjast nokkurs undirbúnings. Í
ályktun fjárlaganefndar sem
landsfundur samþykkti segir:
„Sjálfstæðisflokkurinn telur að
selja eigi ákveðnar ríkiseignir s.s.
eignarhlut ríkisins í fjármálafyr-
irtækjum, rekstur flugstöðvar
Leifs Eiríkssonar og annan versl-
unarrekstur Isavia sem og RÚV.
Ráðast þarf í úttekt á hagkvæmni
húsnæðis ríkisstofnana og ríkið
selji í framhaldinu allar þær eignir
sem ekki eru nauðsynlegar.“
Fátt ætti að koma í veg fyrir að
þessari stefnu sé hrint í fram-
kvæmd þegar á næsta ári.
Gegn forræðishyggju
og afturhaldi
Í menntamálum samþykkti
landsfundur meðal annars:
„Tryggja ber að óskert fjár-
framlag fylgi hverjum nemanda á
öllum skólastigum t.d. í formi ávís-
anakerfis. Með því er stuðlað að
fjölbreyttara rekstrarformi skóla
og tekið tillit til ólíkra þarfa nem-
enda til þess að vekja áhuga og
þroska hæfileika þeirra sem best.“
Þessi stefnumörkun er í anda
þess sem Sjálfstæðisflokkurinn
hefur lengi barist fyrir en til að
tryggja framkvæmd hennar verð-
ur menntamálaráðherra að hafa
sveitarstjórnarmenn heilshugar í
liði sínu.
Lækkun áfengiskaupaaldurs í 18
ár mun örugglega valda deilum og
skiptir engu þótt bent sé á hversu
öfugsnúið það sé að banna lögráða
og fjárráða einstaklingum að
kaupa löglegar neysluvörur. Á Al-
þingi eru fulltrúar forræðishyggj-
unnar en hlutverk þingmanna
Sjálfstæðisflokksins er að takast á
við þá og forðast ekki átökin.
„Líta þarf á fíkn sem heilbrigð-
isvanda en ekki löggæsluvanda,“
segir í ályktun um velferðarmál.
Með þessu vill Sjálfstæðisflokk-
urinn hverfa frá refsistefnu sem
einkennt hefur baráttuna við fíkni-
efnadjöfulinn. Í stað refsingar
komi hjálp og aðstoð til að verða
virkir borgarar. Fátt er í meira
samræmi við grunnstef sjálfstæð-
isstefnunnar um að aðstoða ein-
staklinga í vanda til sjálfsbjargar.
Gegn þessari stefnu munu for-
ræðishyggjan og afturhaldið berj-
ast. Þá reynir á þingmenn Sjálf-
stæðisflokksins.
Suðupottur hugsjóna
Hér eru aðeins nefnd nokkur
þeirra verkefna sem landsfundur
fól kjörnum fulltrúum að vinna að.
Ónefnd eru önnur mikilvæg s.s. í
peningamálum, bygging Landspít-
ala, einkarekstur í heilbrigðisþjón-
ustu, varðstaða um Reykjavík-
urflugvöll, fjárhagslegt sjálfstæði
eldri borgara og uppbygging sér-
eignastefnunnar.
Landsfundur Sjálfstæðisflokks-
ins var suðupottur hugmynda og
hugsjóna – það kraumaði undir og
oft tekist á. Þannig eiga lands-
fundir að vera. Ánægjulegast var
að skynja hvernig sjálfstæðismenn
hafa endurheimt pólitískt sjálfs-
traust, sem er forsenda pólitískra
landvinninga.
Bjarni Benediktsson formaður
og Ólöf Nordal varaformaður fara
því vel nestuð af landsfundi. Við
hlið þeirra stendur ung og glæsi-
leg kona – Áslaug Arna Sig-
urbjörnsdóttir, ritari Sjálfstæð-
isflokksins. Öll fengu þau
óvenjulega myndarlega kosningu í
embætti og óskorað umboð til að
leiða flokkinn til nýrra tíma.
Eftir Óla Björn
Kárason » Ánægjulegast
var að skynja
hvernig sjálfstæðis-
menn hafa endurheimt
pólitískt sjálfstraust,
sem er forsenda póli-
tískra landvinninga.
Óli Björn Kárason
Höfundur er varaþingmaður
Sjálfstæðisflokksins.
Fundir sem skipta máli og þeir sem engu skipta