Víkurfréttir - 10.04.1986, Síða 11

10 Fimmtudagur 10. apríl 1986
VÍKUR-fréttir
VÍKUR-fréttir
Fimmtudagur 10. apríl 1986 11
Rut Jónsdóttir
Halldóra Magnúsdóttir
er 19 ára, fædd 19. júní 1966.
Hún er Keflvíkingur í húö og
hár og stundar nú nám í
Fósturskóla íslands. Halldóra
hefur mikinn áhuga á upp-
eldismálum og vill gjarnan
starfa á því sviöi í framtíðinni.
Áhugamál önnur en sem
tengjast náminu eru íþróttir.
Hún leikur körfuknattleik
meö 1 .deildarliöi UMFN en
stundar einnig likamsrækt og
sund.
Foreldrar Halldóru eru Einhild-
ur Pálmadóttir og Magnús
Jónsson.
Halldóra er 171 cm á hæð.
Sigríður Sigurðardóttir
er tvítug, fædd l.desember
1965. Hún er Keflvíkingur og
starfar hjá Samvinnutrygg-
ingum í Keflavík. Sigríður
segist kunna ágætlega við
starfið en hafi þó áhuga á að
reyna eitthvað annað.
(frítíma sinum tekur Sirrý oft
upp lóðin og styrkirkroppinn
í likamsrækt. Henni finnst
líka gaman að ferðast en gef-
ur sér einnig tíma til að
sauma ýmislegt sér til
ánægju.
Foreldrar Sigríðar eru Ágúst-
ína Albertsdóttir og Sigurður
Arason.
Sigríður er 169 cm á hæð.
Gróa Björk
Hjörieifsdóttir
er 19 ára, fædd í Fteykjavík 12.
desember 1966 en býr nú í
Keflavík. Hún starfarsem einka
ritari hjá Varnarliðinu á Kefla-
víkurflugvelli. Gróa á sér mörg
áhugamál s.s. Ijósmyndun,
ferðalög, tungumál og líkams-
rækt. Næsta haust stefnir hún
að því að Ijúka verslunarprófi i
Fjölbrautaskóla Suðurnesja.
Foreldrar Gróu eru Guðbjög
Guðmundsdóttir og Hjörleifur
Magnússon.
Gróa er 171 cm á hæð.
Hlin Hólm
er 19 ára, fædd 10. október
1966. Hún er borin og barn-
fædd í Keflavík. Hlín er nem-
andi í Fjölbrautaskóla Suður-
nesja og stefnir á stúdentspróf
á tveimur brautum; eölisfræði-
og náttúrufræðibraut. Hún er
óráðin með framtiðina en seg-
ist geta hugsað sér að fara í
nám á erlendri grund. Hlín hef-
ur alltaf haft mikinn áhuga á
íþróttum og æfir körfuknatt-
leik með 1. deildarliði (BK.
Annar frítími hennar fer meðal
annars í lestur góðra bóka.
Foreldrar Hlínar eru Brynja
Árnadóttir og Helgi Hólm.
Hlín er 171 cm á hæð.
er 17 ára, fædd 3. ágúst 1968.
Hun er Njarðvíkingur. Rut er
nemi í hárgreiðslu og sem
stendur vinnur hún á hár-
greiðslustofunni Desiree i
Reykjavík en hluti af náminu er
að starfa á stofu og læra hand-
bragð meistara í faginu. Hún á
eitt ár eftir í sveinspróf og
stefnir svo að því að starfa við
iðn sína í framtíðinni. Iþróttir
hvers konar eru áhugamál
hennar. Hún fer oft á skíði í
Bláfjöllin en stundar einnig
sund, skokk og líkamsrækt.
Foreldrar Rutar eru Jóna B.
Georgsdóttir og Jóhann Ólafs-
son.
Rut er 166 cm á hæð.
Kolbrún Jenný
Gunnarsdóttir
er 21 árs, fædd 30. desember
1964. Hún er Keflvíkingur.
Kolbrún starfar nú við af-
greiðslu í Apoteki Keflavikur
en stefnir að þvi að Ijúka stúd-
entsprófi. Hún getur einnig vel
hugsað sér að fara í frönsku-
nám eða nám tengdu ferða-
málum. Kolbrún er mikil
íþróttamanneskja og stundar
likamsrækt og skokk og hefur
einnig áhuga á fatasaum.
Foreldrar Kolbrúnar eru
Hrefna M. Sigurðardóttir og
Gunnar Jónsson.
Kolbrún er 171 cm á hæð.
í LJÓSUM í PERLUNNI
Stúlkurnar hafa fengið sér fallegan lit á kroppinn i Sólbaðsstofunni
Perlunni, Hafnargötu 32, Keflavík.
STÚDÍÓMYNDIR í NÝMYND
Andlitsmyndir af stúlkunum tók Sólveig Þórðardóttir í NÝMYND,
Hafnargötu 26, Keflavik. Hér sjáum við hana munda vélina á Sig-
ríði Sigurðardóttur. - Allar aðrar myndir af stúlkunum hefur Ijós-
myndari Víkur-frétta, Páll Ketilsson, tekið.
HEILBRIGÐI OG FEGURÐ
Heilbrigð sál í hraustum líkama, segir máltækið. Við tökum undir
það og bætum við að heilbrigði og fegurð fara saman. A myndinni er
hluti stúlknanna í leikfimi hjá Birnu Magnúsdóttur.
ÞÁTTTAKENDUR í UNGFRÚ SUÐURNES
Næst komandi laugardagskvöld verður fulltrúi Suður-
nesja í Fegurðarsamkeppni Islands valinn en keppni
þessi verður á Veitingahúsinu Glóðinni í Keflavík.
Þátttakendur eru sjö. Þær eru Halldóra Magnúsdóttir,
Sigríður Sigurðardóttir, Gróa Björk Hjörleifsdóttir,
Hlín Hólm, Rut Jónsdóttir, Guðný Ingadóttir og Kol-
brún Jenný Gunnarsdóttir. Stutt kynning á stúlkunum
fylgir myndunum hér í opnunni.
Sérstök dómnefnd hefur verið skipuð fyrir keppnina. í
henni eru þrír fulltrúar frá Veitingahúsinu Broadway
og tveir frá Suðurnesjum.
Verðlaunin sem „Ungfrú Suðurnes 1986“ hlýtur að
launum eru glæsileg. Peningaverðlaun og ferð til Italíu
sem ferðaskrifstofan Terra gefur, og fleira. Annað og
þriðja sætið hljóta einnig vegleg verðlaun og allar
stúlkurnar fá viðurkenningarvott fyrir þátttökuna.
Stúlkurnar hafa æft sig af kostgæfni fyrir keppnina
undanfarnar vikur, m.a. framkomu, undir leiðsögn
Sóleyjar Jóhannsdóttur, stundað líkamsrækt og Ieik-
fími undir handleiðslu Birnu Magnúsdóttur, farið í
Ijósaböð og fleira. Allt auðvitað til að líta vel út. Heil-
brigði og fegurð fara vel saman.
Umsjónamaður keppninnar er Agústa Jónsdóttir og
hún hefur ásamt Oskari Arsælssyni og fleirum lagt til
mikla undirbúningsvinnu svo keppnin geti farið fram.
Auk þess sem getið er mun Hársnyrtistofan Edilon í
Keflavík sjá um hárgreiðslu sem hún og gerði fyrir
myndatökurnar og Snyrtistofan Dana sá um förðun
fyrir myndatökur og mun einnig gera fyrir lokakvöldið.
Kynnir kvöldsins verður Kjartan Már Kjartansson og
mun hann kynna stúlkurnar þegar þær koma fram.
Það verður því miður að tilkynnast að nú þegar er upp-
selt á keppnina. Þegar þetta komst á skotspóna að
keppin væri í undirbúningi tók fólk við sér og tryggði
sér miða í tíma. En svona meiri háttar viðburður verð-
ur að sjálfsögu festur á myndband sem Suðurnesja-
menn geta síðan leigt út. Agóðinn af þeirri leigu mun
renna óskertur til Þroskahjálpar á Suðurnesjum.
Mikil vinna liggur að baki keppni þessari og allt hefur
verið gert til að heppnast megi sem best.
Matreiðslumeistari kvöldsins er Gunnar Friðriksson.
Hann mun ásamt fólki sínu framreiða dýrindis
veitingar, mat og drykk gestum til handa.
En þið lesendur góðir hafið hér þátttakendur í keppn-
inni um titilinn „Ungfrú Suðurnes 1986“. Ein þessara
stúlkna verður útnefnd næsta laugardagskvöld. - pket.
Guðný Ingadóttir
er 18 ára, fædd 14. júlí 1967.
Hún er Keflvíkingur og stundar
nám á málabraut I Menntaskól-
anum í Reykjavík. Guðný
stefnir á stúdentspróf en hygg-
ur siðan jafnvel á nám erlendis.
Þess á milli sem Guðnýstund-
ar nám sitt af kappi gefur hún
sér tíma fyrir áhugamál sín sem
tengjast flest íþróttum að nám-
inu undanskildu, en það er
skokk, leikfimi og aerobic.
Foreldrar Guðnýjar eru Krist-
rún Pétursdóttir og Ingi Hjör-
leifsson.
Guðný er 168 cm á hæð.