Morgunblaðið - 23.11.2015, Síða 21

MORGUNBLAÐIÐ MÁNUDAGUR 23. NÓVEMBER 2015
Raðauglýsingar
Félagsstarf eldri borgara
Aflagrandi 40 Opin vinnustofa kl. 9, leikfimi kl. 10. Eftir hádegi er
félagsvist, útskurðarhópur 1 og frjáls tími í myndlist kl. 13. Sérstök
athygli er vakin á tölvufærninámskeiðinu sem byrjar einnig kl. 13.
Þar eru enn nokkur sæti laus og einstakt tækifæri til að bæta leikni
sína á hin ýmsu snjalltæki.
Boðinn Bingó og myndlist kl. 13.
Bólstaðarhlíð 43 Lesið og spjallað og prjónaklúbbur með Drífu
kl. 13.
Dalbraut 18-20 Myndlist og postulín kl. 9, brids kl. 13.
Dalbraut 27 Handavinnustofa kl. 8, upplestur á annarri hæð kl. 14.
Furugerði 1 Handavinna með leiðbeinanda frá kl. 8-16, harðangur
og klaustur, perlusaumur, kortagerð og almenn handavinna. Morgun-
matur kl. 8.10-9.10. Framhaldssaga kl. 10. Hádegismatur kl. 11.30-
12.30. Kaffi kl. 14.30-15.30. Kvöldmatur kl. 18-19. Nánari upplýsingar í
síma 411-2740.
Garðabær Vatnsleikfimi í Sjálandi kl. 8 og 15. stólaleikfimi fyrir konur
og karla í Sjálandi kl. 9.10. kvennaleikfimi í Sjálandi kl. 10 og í Ásgarði
kl. 11. Karlaleikfimi kl. 11.40. Botsía kl. 12.20.
Gerðuberg Útskurður með leiðbeinanda kl. 9-16. Handavinnustofa
kl. 9-16. Línudans kl. 13. Kóræfing Gerðubergsskórs kl. 14.30, nýir
söngfuglar velkomnir.
Gjábakki Handavinna kl. 9, botsía kl. 9.10, gler- og postulínsmálun kl.
9.30, lomber kl. 13, kanasta kl. 13.15, kóræfing kl. 16.30, skapandi skrif
kl. 20.
Gullsmári Postulínshópur kl. 9, ganga kl. 10, brids kl. 13, handavinna
kl. 13, félagsvist kl. 20.
Hvassaleiti 56-58 Félagsmiðstöðin er opin kl. 8-16, morgunkaffi og
spjall til kl. 10.30, blöðin og púsl liggja frammi, léttar aerobic æfingar
kl. 9, morgunleikfimi kl. 9.45, matur kl. 11.30, baðþjónusta fyrir hádegi.
Spilað brids kl. 13, kaffi kl. 14.30, fótaaðgerðir.
Hæðagarður 31 Við Hringborðið kl. 8.50. Glerlist kl. 9. Leikfimi á
RÚV kl. 9.45. Ganga kl. 10. Hádegismatur kl. 11.30. Myndlistarnám-
skeið hjá Margréti Zóphaníasd. kl. 12.30. Félagsvist kl. 13.15. Handa-
vinnuhornið kl. 13. Síðdegiskaffi kl. 14.30. Skapandi skrif kl. 16.
Íþróttafélagið Glóð Ringó kl. 13.30 í Smáranum. Uppl. í síma 564-
1490 og á www.glod.is
Korpúlfar Ganga kl. 10 frá Borgum, frá Grafarvogskikju og inni í
Egilshöll. Skartgripagerð með Sesselju kl. 13 í Borgum, athugið auka-
tími en allir velkomnir, félagsvist frá kl. 13 í Borgum, tréútskurður á
Korpúlfsstöðum frá kl. 13, tölvufærninámskeið í samvinnu við Rima-
skóla kl. 14, kóræfing Korpusystkin kl. 16 í Borgum og styrktarleikfimi
með Nils kl. 17 í Borgum í dag.
Laugarból Nýtt í Ármanni: Leikfimi fyrir 50+ og eldri borgara. Leik-
fimi kl. 11 mánudaga, þriðjudaga, miðvikudaga og fimmtudaga.
Fjölbreyttar æfingar. Allir velkomnir.
Seltjarnarnes Gler Valhúsaskóla kl. 9 og 13. Leir Skólabraut kl. 9.
Billjard Selinu kl. 10. Kaffispjall í króknum kl. 10.30. Jóga Skólabraut
kl. 11. Handavinna Skólabraut kl. 13. Í dag kl. 13.30. verður upplestur í
salnum á Skólabraut. Gunnhildur Hrólfsdóttir les upp úr bók sinni
,,Þær þráðinn spunnu". Allir hjartanlega velkomnir.
Stangarhylur 4, FEB Reykjavík Zumba gold námskeið kl. 10.30.
LeiðbeinandiTanya Dimitrova. Danskennsla kl. 17, nýtt námskeið,
kennari Lizý Steinsdóttir . Námskeið um Svíþjóð, land og þjóð hefst
30. nóvember. Umsjón með námskeiðinu hefur Guðrún Ágústsdóttir
sem bjóð um árabil í Svíþjóð. Skráning í s. 588-2111/ feb@feb.is
Vesturgata 7 Tréútskurður kl. 9.15, Lúðvík.
Vitatorg Leirmótun og postulínsmálun kl. 9, upplestur framhalds-
sögu kl. 12.30, frjáls spilamennska, stóladans og bókband kl. 13.
Smáauglýsingar
Sumarhús
Sumarhús – Gestahús –
Breytingar
Framleiðum stórglæsileg sumarhús
í ýmsum stærðum.
Tökum að okkur stækkun og
breytingar á eldri húsum.
Smíðum gestahús – margar
útfærslur.
Sjáum um almennt viðhald á
sumarhúsum og sólpöllum.
Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Iðnaðarmenn
FASTEIGNA-
VIÐHALD
Við þjónustum þig með
lítil sem stór verk.
Tímavinna eða tilboð.
johann@jaidnadarmenn.is
S. 544-4444/777-3600
www.jáiðnaðarmenn.is
Óska eftir
Staðgreiðum gull, demanta og úr
Hringar, hálsmen, armbönd, Rolex,
Cartier, Patek Philippe o.fl.
Hringdu núna og fáðu tilboð þér að
kostnaðarlausu!
www.kaupumgull.is
Opið alla daga 11–18.
Kringlan – 3. hæð
(Hagkaupsmegin)
Upplýsingar í síma 661 7000.
Bókhald
BÓKHALD
Vanur bókari getur tekið að sér
bókhald, VSK, uppgjör, launabók-
hald, skattskýrslur og stofnun FT.
Sanngjarnt verð og góð þjónusta.
bokhaldarinn@vortex.is
Ýmislegt
Bílaþjónusta
GÆÐABÓN
Ármúla 17a
Opið mán.-fös. 8-18. S. 568 4310
Það besta fyrir bílinn þinn
Alþrif, djúphreinsun, mössun, teflon,
blettun, bryngljái, leðurhreinsun.
Ökukennsla
Vönduð, vel búin kennslubifreið
Subaru XV 4WD .
Akstursmat og endurtökupróf.
Gylfi Guðjónsson,
sími 6960042,
Húsviðhald
Húsaviðhald
og fleira
Uppl. í síma 847 8704
manninn@hotmail.com
GRÍPTU TÆKIFÆRIÐ!
MOGGINN Í
IPADINN
WWW.MBL.IS/MOGGINN/IPAD
✝ Ólafía Rut B.Friðriksdóttir
fæddist í Reykjavík
20. nóvember 1956.
Hún lést á heimili
sínu í Sønderborg í
Danmörku 9. októ-
ber 2015.
Rut var elst af
þremur börnum
þeirra Kristínar
Ingibjargar Frið-
riksdóttur, f. 1929,
og Friðriks Aðalsteins Guðna-
sonar, f. 1931, d. 1988. Systkini
Rutar eru Arnar Gylfi B. Frið-
riksson, f. 1958, og Íris Elfa B.
Friðriksdóttir, f. 1960.
Rut ólst upp á Laugaveg-
inum í Reykjavík með for-
eldrum sínum og síðar á
Kleppsveginum. Hún lauk
gagnfræðaskólaprófi árið 1971
og námi við einkaritaraskólann
stuttu síðar.
Eftirlifandi eiginmaður Rut-
ar er Guðmundur Bjarni Guð-
mundsson, f. 1958. Börn þeirra
eru: 1) Bjarni Geir,
f. 1977, kona hans
er Joanne Vivian
Rinta, f. 1974. Börn
þeirra eru Victor
Máni, f. 2009, og
Kristín Lilja, f.
2013. 2) Viðar Örn,
f. 1979. Börn hans
eru Aron Ingi, f.
2004, og Nökkvi
Þór, f. 2010. 3) Atli
Ívar, f. 1983,
kvæntur Hrafnhildi Haldorsen,
f. 1985. Þau eiga soninn Fáfni
Frey, f. 2015. 4) Sindri Már, f.
1991.
Rut vann lengi við skrifstofu-
störf og ýmis verslunarstörf,
meðfram því að sinna heimili
og börnum. Síðar, eftir flutning
þeirra hjóna til Danmerkur ár-
ið 2003, lauk hún sjúkraliða-
prófi og sinnti umönn-
unarstörfum á meðan hún gat.
Útför Rutar fór fram frá Sct.
Marie Kirke í Sønderborg, Dan-
mörku, 15. október 2015.
Rut var kona sem tekið var
eftir hvar sem hún kom, svo
glæsileg og brosmild, með þægi-
lega nærveru. Hún sinnti hlut-
verki sínu sem eiginkona og
móðir af einstakri natni og hlýju.
Hlutverki sem var hornsteinninn
í hennar lífi. Hún var jákvæð í
eðli sínu og vönduð manneskja.
Hún hafði ríka réttlætiskennd og
var mikill dýravinur. Rut var
fagurkeri og mikil smekkmann-
eskja. Bar hún og heimili hennar
þess glögg merki. Rut var ein-
stök hannyrða- og handverks-
kona, handlagin og útsjónarsöm.
Hún var aldrei með neitt hálfkák
í því sem hún tók sér fyrir hend-
ur. Hún hafði mjög glöggt auga
fyrir litum og formi og nýtti
þann hæfileika í öllu því sem hún
gerði.
Það lá djúpt í eðli hennar að
hlúa að og byggja upp allt í
kringum sig. Heimilið, fjölskyld-
an, vinirnir, vinnan og vinnu-
félagarnir; allir í kringum hana
nutu þess í ríkum mæli.
Hún var dul um sínar innstu
tilfinningar en sannur vinur vina
sinna.
Að eiga hana að sem vin var
ánægjulegt, gefandi og upp-
byggjandi. Eftir að hún greindist
með þann sjúkdóm er dró hana
til dauða, svo alltof snemma,
sýndi hún hve sterk og einstök
hún var. Hún tók þessum veik-
indum með þvílíkum styrk og yf-
irvegun sem ég hef aldrei áður
kynnst. Hún undirbjó sig og
okkur öll undir það sem koma
skyldi. Hún útskýrði svo vel fyr-
ir mér hvernig hún leit á lífið og
dauðann. Gerði það á þann hátt
að ég efast ekki um að hún hafði
rétt um framhaldið. Hún var svo
dugleg í þessum miklu veikind-
um. Kvart og kvein var ekki
hennar háttur. Fegurð hennar
og útgeislun magnaðist.
Eðlisþættir hennar komu svo
sterkir fram á síðustu dögum
hennar. Umhyggjan fyrir fjöl-
skyldunni sinni. Ákveðin í að
nota hvern dag, sjá fegurðina í
lífinu. Vera sínum styrkur. Að
láta okkur vita og finna, hve mik-
ið hún elskaði okkur öll.
Það er einstök gæfa sem
fylgir mér um ókomna tíð að
hafa átt vináttu Rutar. Vináttu-
bönd sem ristu djúpt, því þegar
þú býrð fjarri fósturjörðinni, þá
er vægi góðra vina ómetanlegt.
Guðrún S. Þorleifsdóttir.
Hvað er það sem þú vilt
spyrja um, Atli minn? Pabbi þinn
sagði mér að þú þyrftir að spyrja
mig að einhverju. Það er ekkert,
mamma, var mitt svar. Mamma
horfði á mig hugsi stundarkorn
en virti svo svarið, því hún vissi
hver spurningin var og ég vissi
hvert svarið yrði. Þannig þekkt-
um við hvort annað. Í staðinn tók
ég utan um höndina á henni og
sagði það sem ég segi aldrei við
neinn: „Mamma, ég elska þig.“
Mamma sagði það sama við mig
og svo sátum við í hljóði, hönd í
hönd, þar til ég stóð upp og
kyssti hana á kinnina og kvaddi.
Mamma sagði svo á leið minni út
að nú ætlaði hún að safna kröft-
um og að við myndum sjást fljót-
lega. Við vissum þó bæði að
þetta væri síðasta skiptið sem
við myndum tala og vera saman.
Svona var hún mamma mín
hlý og góð manneskja, alltaf að
hugsa um hvernig öllum öðrum
liði. Jafnvel á þessum tíma, þeg-
ar allir vissu í hvað stefndi,
reyndi hún að senda mig
áhyggjulausan heim. En ég hafði
áhyggjur; var ég að fara of
snemma til Íslands? Fjórum
dögum seinna deyr mamma og
mér þykir ákaflega leitt að hafa
ekki verið hjá henni á lokastund-
inni. En í hvert skipti sem ég
hugsa um hana sé ég hana fyrir
mér glaða og brosandi og ég veit
að núna líður henni vel. Eitt sinn
hélt ég að allir yrðu hræddir rétt
fyrir dauðann, en mamma var
það ekki. Hún sagðist vita ná-
kvæmlega hvert hún væri að
fara. Hún reyndi að útskýra það
fyrir mér, en ég þarf lengri tíma
til að skilja það. Á meðan hugsa
ég um allar góðu stundirnar sem
við áttum saman.
Mamma hafði oft á orði
hversu meðfærilegur ég hafi ver-
ið sem barn og nýtti hún sér það
óspart og dró mig með sér í allar
saumabúðir bæjarins. Þar eyddi
ég ófáum tímunum og beið með-
an mamma skoðaði allt sem hana
langaði í. „Hvort á ég að taka
þennan lit eða kannski passar
þessi betur.“ Þessum spurning-
um svaraði ég og endaði sá litur
sem ég valdi iðurlega í körfunni.
Í dag þegar ég sé saumaskapinn
hennar mömmu hellast yfir mig
þessar minningar sem eru mér
ákaflega kærar.
Mér þykir sérstaklega vænt
um ferðina sem við fórum til
Þýskalands árið 2010. Þá ætluð-
um við Hrafnhildur að keyra til
Suður-Þýskalands og enda ferð-
ina á U2-tónleikum. Mamma og
pabbi slógust í för með okkur og
var sú ferð alveg einstaklega
skemmtileg. Ég man enn hversu
glöð mamma var á tónleikunum,
brosandi út að eyrum.
Vænst þykir mér þó um að
mamma hafi náð að hitta Fáfni
Frey áður en hún kvaddi. Þó að
hún hafi verið orðin veikburða
gat hún haldið á honum, kysst
hann og sagt mér að hann væri
fullkominn. Það er mér mikil
huggun. Þetta ár er búið að vera
ljúfsárt; gleðin og stoltið sem
sonur minn, frumburðurinn, fyll-
ir mig hvern dag og svo sorgin
og söknuðurinn sem fylgir frá-
falli mömmu.
Ég hef alltaf verið stoltur af
þér, elsku mamma; betri móður
er ekki hægt að hugsa sér. Ég
gleymi því stundum að þú ert
ekki lengur hérna og stingurinn
er alltaf jafn sár þegar veruleik-
inn rennur upp fyrir mér. Allar
yndislegu minningarnar sem ég
á af þér og okkur saman eru mér
svo mikils virði og eiga eftir að
fylgja mér uns ég er sjálfur all-
ur.
Þinn sonur,
Atli Ívar.
Í örfáum orðum langar mig að
minnast systur minnar.
Margt rifjast upp þegar horft
er til baka. Æskuminningar í
bland við aðrar yngri minningar.
Á uppvaxtarárunum var hún
alltaf í forystu hjá okkur systk-
inum og alltaf til staðar ef eitt-
hvað bjátaði á. Við systkinin vor-
um náin í uppvextinum, mamma
vann vaktavinnu og pössuðum
við þá hvert upp á annað þegar
hún var í vinnu. Ýmis prakkara-
strik koma upp í hugann frá
þessum tíma þegar horft er til
baka.
Ung kynntist hún Guðmundi
Bjarna Guðmundssyni og flutti
að heiman. Þau reistu sér sitt
fyrsta heimili í Skipasundinu og
ekki leið á löngu þar til þau eign-
uðust frumburðinn, Bjarna Geir,
og tæpum tveim árum síðar Við-
ar Örn; nokkru síðar kom Atli
Ívar og síðastur Sindri Már. Þau
bjuggu framan af við Sundin en
fluttu síðan í Seljahverfið þar
sem drengirnir ólust að mestu
upp. Fyrir tólf árum ákváðu þau
Guðmundur að söðla um og
flytja til Sønderborgar í Dan-
mörku og líkaði þeim vel að búa
þar.
Rut var mikill fagurkeri og
bar allt heimili hennar þess
merki. Hún var alla tíð mjög
dugleg, ósérhlífin, mjög vinnu-
söm og ákveðin. Lífið var ekki
alltaf auðvelt hjá sjómannskon-
unni með fjóra gífurlega kröft-
uga gaura og nokkra hunda.
Engu að síður var hún alltaf til í
að aðstoða og vera til staðar fyr-
ir okkur hin.
Eitt það skemmtilegasta við
systur mína var hvað hún hafði
mikinn húmor fyrir sjálfri sér.
Það eru ófáar sögurnar sem hún
sagði okkur af sér og átti hún til
að skreyta þær sögur vel og gera
þær ansi líflegar og skemmtileg-
ar.
Fyrir tæplega tveimur árum
greindist hún með þann sjúkdóm
sem að lokum bar hana ofurliði.
Hún kvaddi þennan heim 9.
október á heimili sínu í Sønder-
borg. Hún tók baráttunni við
krabbameinið með sama æðru-
leysinu og henni einni var lagið
og gamansemin var aldrei langt
undan. Oftast sagði hún, það am-
ar ekkert að mér, ég hef það fínt,
þó önnur væri raunin.
Hún sagði mér á dánarbeð-
inum að ég skyldi ekkert óttast
um hana, hún vissi hvert hún
væri að fara og við myndum hitt-
ast síðar. Í allri hennar baráttu
við krabbann var hún sterkari en
allir hennar nánustu og var
meira að hughreysta en að fá
hughreystingu. Hennar er og
verður sárt saknað.
Við í fjölskyldu minni þökkum
allar yndislegu stundirnar sem
við áttum saman í gegnum tíðina
og biðjum góðan guð að styrkja
Guðmund, strákana og fjölskyld-
ur þeirra.
Mér tregt er um orð til að þakka þér,
hvað þú hefur alla tíð verið mér.
Í munann fram myndir streyma.
Hver einasta minning er björt og blíð,
og bros þitt mun fylgja mér alla tíð,
unz hittumst við aftur heima.
(Hugrún)
Nú hvílir þú, kæra systir, í fal-
legum litlum kirkjugarði í fjar-
lægri borg. Hvíl í friði.
Arnar Friðriksson.
Ólafía Rut Bærings
Friðriksdóttir