Morgunblaðið - 23.11.2015, Blaðsíða 32

MÁNUDAGUR 23. NÓVEMBER 327. DAGUR ÁRSINS 2015
 Styrktartónleikar Hollvinasamtaka
Reykjalundar verða haldnir í Grafar-
vogskirkju annað kvöld kl. 20 í tilefni
af 70 ára afmæli samtakanna.
Kynnir kvöldsins er Þorsteinn Guð-
mundsson leikari. Á tónleikunum
koma m.a. fram Ragnar Bjarnason,
Valgerður Guðnadóttir, Þór Breið-
fjörð, Karlakór Reykjavíkur, Þórunn
Lárusardóttir, Páll Óskar og Monika
Abendroth, Gunnar Þórðarson, Bubbi
Morthens, Egill Ólafsson og Sigrún
Hjálmtýsdóttir.
Morgunblaðið/Styrmir Kári
Styrktartónleikar í
Grafarvogskirkju
Erindi um konkret-
ljóð og dadaisma
 Tvö erindi um framúrstefnuljóð,
prenttilraunir og bókverk á 20. öld
verða flutt í fyrirlestrasal Þjóðar-
bókhlöðu á morgun, þriðjudag, kl.
12.05 í tengslum við sýninguna
„dadadieterdúr – samruni orðlistar
og myndlistar“. Úlfhildur Dagsdóttir
verður með erindi um konkretljóð
Óskars Árna Óskarssonar og Sjón en
Ólafur Engilbertsson fjallar um dada-
isma og útgáfur Medúsu og Smekk-
leysu. Efnt er til fyrirlestranna í sam-
vinnu við Rannsóknastofu um
framúrstefnu við HÍ.
Dadaisminn spratt fram í Sviss ár-
ið 1915. „Dada var sprenging í mynd-
list, bókmenntum og fleiri list-
greinum. Fyrri heimsstyrjöldin var í
algleymingi og öllum
viðteknum hefðum
var ögrað, handa-
hófskenndur texti
varð að ljóði, úr-
klippur og rusl að
list,“ segir m.a. í
kynningarefni
um sýninguna.
Eftir tvo jafnteflisleiki í röð
tókst botnliði Olís-deildar
karla í handknattleik, Vík-
ingum, að vinna FH-inga á
heimavelli sínum í gær-
kvöldi á sannfærandi hátt,
30:27. Víkingar reka þó
áfram lestina í deildinni en
heldur virðist vera að síga á
ógæfuhliðina hjá FH-ingum.
Valur komst á sigurbraut á
ný með sigri á Gróttu,
25:24, á Seltjarnarnesi. »4
Botnliðið lagði
FH-inga
„Við fögnuðum vel og lengi og vorum
í raun að fagna árangri tímabilsins í
heild,“ sagði Guðbjörg Gunnars-
dóttir, landsliðsmarkvörður í knatt-
spyrnu, sem varð bikarmeistari með
Lilleström í Noregi um helgina en lið-
ið varð fyrir nokkru einnig norskur
meistari. Guðbjörg
hefur ákveðið að
róa á önnur mið
fyrir næsta
keppnis-
tímabil. »1
Guðbjörg kvaddi með
sigri í bikarkeppninni
„Það er frábært að hafa náð að landa
bikarmeistaratitlinum og vinna tvö-
falt. Það er ekki hægt að biðja um
miklu meira. Við erum reyndar búnir
að klúðra okkar málum í Evrópudeild-
inni, en ég held að uppskera tímabils-
ins sé vel viðunandi,“ sagði Hólmar
Örn Eyjólfsson en hann og Matthías
Vilhjálmsson urðu norskir bikar-
meistarar með Rosenborg í gær. »1
Það er ekki hægt að
biðja um mikið meira
Laufey Rún Ketilsdóttir
laufey@mbl.is
„Það verður rosalega gaman að
spila með Sinfóníuhljómsveitinni.
Ég er mjög spenntur og það er
gaman að koma heim,“ segir Bald-
vin Oddsson trompetleikari, sem
hefur gert garðinn frægan bæði
innan og utan landsteinanna fyrir
hæfileika sína með trompetinn.
Baldvin spilar einleik með Sinfón-
íuhljómsveit Íslands 3. desember
nk. en það er ekki í fyrsta sinn sem
hann stígur á svið með hljómsveit-
inni.
Þrátt fyrir ungan aldur hélt Bald-
vin einn á vit ævintýranna í Banda-
ríkjunum fyrir sex árum, þá 15 ára
gamall. Þar lagði hann stund á
framhaldsnám, fyrst við Interlochen
Arts Academy í Michigan, síðan við
San Francisco Conservatory of Mu-
sic í samnefndri borg og loks hjá
Stephen Burns í Chicago. Nú er
hann á lokaári sínu við Manhattan
School of Music í New York.
„Þetta er mikil vinna og maður
má aldrei gefast upp,“ segir Baldvin
um góðan árangur sinn.
„Það stoppar mig ekkert“
Það hafa margir komið að tónlist-
armenntun Baldvins í gegnum tíð-
ina og allir lagt sitt af mörkum.
Faðir Baldvins, Oddur Björnsson,
hefur verið honum vel innan handar
í tónlistarnáminu frá upphafi.
„Pabbi passaði upp á að við æfðum
okkur alltaf. Svo kom áhuginn
seinna meir og svo verður hljóð-
færaleikurinn partur af manni,“
segir Baldvin en spilamennskan sé
ákveðið sport á sama tíma og þetta
sé tónlist.
Baldvin fékk inngöngu í tónlistar-
skóla í San Francisco þegar hann
var nýorðinn 17 ára og varð þannig
yngsti nemandi skólans í 150 ára
sögu hans. Nú stefnir hann á að
vinna sér stöðu í sinfóníuhljómsveit
og hefur þegar hafið prufuspil fyrir
ýmsar hljómsveitir. „Flestir fá ekki
stöðu fyrr en 24-25 ára en það
stoppar mig ekkert,“ segir Baldvin,
spenntur fyrir framhaldinu.
Skapar sinn eigin persónuleika
„Ég tek sitt lítið frá hverjum sem
hentar mér og þannig verð ég að
persónuleika,“ segir Baldvin en
hann hafi verið heppinn með kenn-
ara í gegnum tíðina. Hver og einn
hafi fært honum eitthvað sem bæti
hann sem tónlistarmann.
Baldvin hefur sjálfur tekið að sér
að kenna nemendum í Bandaríkjun-
um. „Ég rukka fólk ekki fyrir það,
ég er bara að gefa til baka. Það hafa
margir verið mjög góðir við mig.“
„Maður má aldrei gefast upp“
 Baldvin Odds-
son trompetleikari
spilar með Sinfó
Einleikari Baldvin Oddsson kemur fram með Sinfóníuhljómsveit Íslands á
tónleikum í Hörpu 3. desember nk. Hann hefur áður leikið með sveitinni.
Baldvin er fjórði ættliður málm-
blásara í beinan karllegg. Fyrir
eru faðir hans, Oddur Björnsson
básúnuleikari við Sinfóníu-
hljómsveit Íslands síðastliðin
30 ár, og afi hans, Björn R. Ein-
arsson hljómsveitarstjóri og
básúnuleikari. Hann var einn af
stofnendum sinfóníuhljóm-
sveitarinnar og lék með henni í
45 ár.
Þá var langafi hans, Einar
Jórmann Jónsson, söngmaður
og básúnuleikari.
Baldvin er að eigin sögn
„flugfreyjubarn“ og hefur nýtt
flugþjónustu flugfélagsins Ice-
landair óspart í gegnum tíðina
en móðir hans er Ásta Kristín
Gunnarsdóttir, flugfreyja og
hjúkrunarfræðingur.
„Ég hefði ekki getað gert allt
sem ég geri án Icelandair,“ seg-
ir hann og bætir við að flugvél-
arnar séu í raun eins og heimili
hans í skýjunum.
Fjórði ætt-
liður málm-
blásara
TÓNLISTARÁHUGI
LANGT AFTUR Í ÆTTIR
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 488 ÁSKRIFT 5295 HELGARÁSKRIFT 3307 PDF Á MBL.IS 4696 I-PAD ÁSKRIFT 4696
1.Snérist Abdeslam hugur?
2. Vill láta reka Bigga löggu
3.Fórnarlambið reyndist …
4. Fjórar stúlkur sprengdu sig …
»MEST LESIÐ Á mbl.is
FÓLK Í FRÉTTUM
Á þriðjudag Norðvestan 13-20 m/s norðaustantil en annars 8-13
m/s. Él um landið norðanvert en bjartviðri syðra. Frost 0 til 8 stig,
kaldast til landsins. Á miðvikudag Fremur hæg breytileg átt.
SPÁ KL. 12.00 Í DAG Suðvestan og vestan 15-23 m/s og víða
skúrir og síðar él, hvassast syðst en hægari og bjart með köflum
fyrir austan. Kólnandi veður fyrst norðvestantil.
VEÐURÍÞRÓTTIR | 8 SÍÐUR
Skannaðu
kóðann með
símanum þínum
og fylgstu með
veðrinu á