Morgunblaðið - 05.03.2016, Page 13

tvær, heldur standi fólki einnig til
boða til dæmis að kaupa sérútgáfu af
disknum aukalega þar sem bassa-
línan sé á sér rásum, þannig að hægt
sé að spila lögin án þess að vera með
bassaundirleikinn. „Fólk getur þá
spilað sjálft með disknum,“ segir Jó-
hann.
Er það vinsæll kostur? „Það eru
margir sem vilja æfa sig með tónlist
og þeir læra heilmikið á því að spila
með lögum. Ef það er enginn bassi,
þá er enginn að þvælast fyrir þeim,“
segir Jóhann og bætir við að hann
sendi þá bassarásina sér, þannig að
viðkomandi geti hlustað á bassa-
ganginn og lært þannig. „Þetta er
kjörið æfingatæki,“ segir Jóhann,
sem býður einnig upp á sérstaka
kennslutíma í bassaleik, annað hvort
í eigin persónu eða í gegnum Skype-
netsímaþjónustuna. Þannig geti hver
sem er í heiminum fengið að njóta
kennslustundarinnar.
Tónlist snýst um samspilið
Þó að platan sé „sóló“-plata er
það ekki svo að Jóhann geri allt sjálf-
ur á henni, heldur hyggst hann fá til
liðs sig tónlistarmenn úr ýmsum átt-
um sem hann hefur kynnst á löngum
tónlistarferli sínum. „Fyrir mér
Með bassann Jóhann hefur mund-
að bassann frá unga aldri.
Mezzoforte Hljómsveitin Mezzoforte á tónleikum árið 1980. Hún fagnar fertugsafmæli sínu á næsta ári. Frá
vinstri: Eyþór Gunnarsson, Gunnlaugur Briem, Jóhann Ásmundsson, Friðrik Karlsson og Björn Thorarensen.
snýst músík um að spila með öðrum,
að vera í samspili,“ segir Jóhann.
„Ég reiði mig algjörlega á að vera
með aðra meðspilara og það er ekki
verra þegar það eru vinir manns,
sem maður hefur kynnst í gegnum
Mezzoforte-tíðina,“ bætir hann við.
Lögin á plötunni eru öll samin af
Jóhanni nema eitt. Hann segir tón-
listarstílinn vera blöndu af jazzi,
rokki, bræðingi eða fusion, og að öll
lögin séu „instrumental“, það er, án
söngs, og svipar þeim því til sama
stíls og þann sem Mezzoforte hefur
gert garðinn frægan með. „Þetta er
bara mín tónlist, ég er ekki að ýta
mér á annan vettvang heldur bara að
halda í það sem stendur mér næst,“
segir Jóhann. Platan ætti því að geta
gefið aðdáendum Mezzoforte eitt-
hvað fyrir sinn snúð.
Fertugsafmælið á næsta leyti
En aðdáendur hljómsveitar-
innar fá fleiri tækifæri til þess að
gleðjast á næstunni, því að á næsta
ári verða liðin fjörutíu ár frá því að
Mezzoforte kom fyrst fram undir því
nafni.
„Þetta var þannig að Eyþór
Gunnarsson og Friðrik Karlsson
voru saman í Vörðuskóla og ég og
Gulli Briem vorum saman í Réttar-
holtsskóla,“ segir Jóhann og bætir
við að þeir hafi byrjað að spila saman
árið 1976 „Við kynntumst þegar
maður var að rölta í hljóðfæraversl-
anir og við höfðum þetta sameigin-
lega áhugamál sem var þessi bræð-
ingstónlist sem var mjög vinsæl þá.
Við fórum að hittast að reyna að spila
þessa tónlist.“
Ári síðar hafi mál þróast þannig
að hljómsveitin hafi verið beðin um
að koma fram á jazzkvöldi, og þá hafi
vantað nafn til þess að auglýsa við-
burðinn. „Við höfðum mörg vitleysis-
nöfn fyrir þann tíma, en svo kom
Mezzoforte og það festist við okkur.“
Jóhann segir nafngiftina hafa verið
happadrjúga, þar sem mezzoforte sé
alþjóðlegt tónlistarnafn og mikið not-
að.
Eftir þetta fyrsta kvöld varð
ekki aftur snúið og fyrsta hljómplata
sveitarinnar kom út á vínýl árið 1979.
Síðan þá hefur sveitin gefið út fimm-
tán plötur og fimm safnplötur. „Við
höfum spilað saman síðan 1976, og á
næsta ári ætlum við að halda mikla
afmælishátíð í Hörpunni,“ segir Jó-
hann. Ráðgert sé að hún verði haldin
í september á næsta ári. „Það verða
alveg örugglega margir góðir gestir
þar og við reynum að sýna okkar
bestu hliðar,“ segir Jóhann að lokum.
Verkefni Jóhanns má nálgast á
heimasíðu Karolina Fund: karol-
inafund.com/project/view/1235
Stúdíó Paradís Hljóðverið er vel útbúið til tónlistarmyndunar.
Jóhann rekur ásamt syni sínum hljóðverið Stúdíó Paradís sem hóf störf
árið 2012. Jóhann segist alltaf hafa haft áhuga á þessari hlið tónlistar-
innar eftir að hafa unnið mikið í hljóðverum um ævina, en að hann hefði
aldrei hugsað sér að hefja svona rekstur.
„Svo kom þetta óvænta tækifæri í lok árs 2011 að félagi minn sem
byggði stúdíóið bauð mér það til sölu. Ég tók skyndiákvörðun í samráði
við fjölskylduna og þetta er eiginlega fjölskyldufyrirtækið okkar,“ segir
Jóhann.
Ásmundur, sonur Jóhanns, sér um hljóðverið með honum. „Þetta er
hans stóra áhugamál líka, hann spilar á trommur og er upptökumaður
og er mjög fær í því,“ segir Jóhann, sem nýtur krafta Ásmundar á sóló-
plötunni. Jóhann segir það mikinn kost að þeir feðgar séu báðir tónlist-
armenn, því það geri þeim kleift að bjóða fólki undirspil ef það vill.
Fékk óvænt tækifæri
STÚDÍÓ PARADÍS
DAGLEGT LÍF 13
MORGUNBLAÐIÐ LAUGARDAGUR 5. MARS 2016
Styrkur, þol, jafnvægi og samhæfing
4 vikna námskeið fyrir 60 ára og eldri hefstmánudaginn 7.mars
Skemmtilegir tímar sniðnir fyrir fullorðið fólk. Áhersla á persónulega aðstoð,
styrk, þol, jafnvægi og samhæfingu til þess að auka lífsgæði.
Verð: 26.900 kr.
Innifalið:Aðgangur að Spa, handklæði við komu, herðanudd í heitum pottum.
Tímar kl. 13.00 alla dagana
Mánudaga,miðvikudaga og föstudaga: Hóptími
Þriðjudaga og fimmtudaga: Prógram hjá þjálfara í sal - frjálsmæting
15.mars verður fyrirlestur umnæringu fyrir fólk 60 ára og eldri.
Hilton Reykjavik Spa – Suðurlandsbraut 2, 108 Reykjavík
Skráning og nánari upplýsingar á spa@hiltonreykjavikspa.is og í síma 444 5090.
60PLÚS
Þjálfarar: Agnes Þóra Árnadóttir, Patrick Chiarolanzio og Guðbjartur Ólafsson