Morgunblaðið - 05.03.2016, Qupperneq 27

27
MORGUNBLAÐIÐ LAUGARDAGUR 5. MARS 2016
Tónlistarmenn heiðraðir Íslensku tónlistarverðlaunin 2015 voru afhent í Silfurbergi í Hörpu í gærkvöldi. Á meðal verðlaunahafanna var hljómsveitin Of Monsters and Men, sem var valin
tónlistarflytjandi ársins í popp- og rokktónlist og lag hennar, Crystals, var valið besta popplag ársins. Kristinn Sigmundsson óperusöngvari fékk heiðursverðlaunin að þessu sinni.
Árni Sæberg
Nú liggur fyrir Alþingi þings-
ályktunartillaga um að fela mennta-
og menningarmálaráðherra í sam-
vinnu við bæjaryfirvöld í Mosfellsbæ
og stjórn Gljúfrasteins að hefja upp-
byggingu Laxnessseturs að Gljúfra-
steini í Mosfellsdal. Bæjaryfirvöld í
Mosfellsbæ fagna mjög þeirri tillögu
enda er safnið að Gljúfrasteini og
ævistarf nóbelsverðlaunahafans
Halldórs Laxness dýrmætur þjóð-
ararfur. Safnið býr í dag við ansi
þröngan kost og mikilvægt er að úr
því verði bætt hið fyrsta.
Nóbelsverðlaunahafinn
Halldór Laxness
Halldór Laxness er eini Íslend-
ingurinn sem hlotið hefur þann heið-
ur að vera tilnefndur til Nób-
elsverðlauna. Þau fékk hann árið
1955 fyrir „litríkan skáldskap sem
endurnýjað hefur íslenska frásagn-
arlist“ eins og sagði í tilkynningu
sænsku akademíunnar á sínum tíma.
Mikilvægt er að varðveita þann
menningararf sem Halldór skildi
eftir sig. Heimili Halldórs og konu
hans Auðar var gert að safni árið
2004 eftir höfðinglega gjöf fjölskyld-
unnar sem gaf ís-
lenska ríkinu húsið og
innbú þess. Safnið
sem ber heitið
Gljúfrasteinn – hús
skáldsins hefur tekið á
móti hátt í 100.000
gestum á þessum
tíma. Safnið heldur úti
fróðlegri heimasíðu
www.gljufrasteinn.is
um Halldór sjálfan og
afrek hans, eiginkonu
hans Auði, húsið og
safnið sjálft. Auk þess
hefur safnið staðið að áhugaverðum
sýningum um lífsferil þeirra hjóna
og lagt sitt af mörkum við að við-
halda þekkingu ungra Íslendinga á
Nóbelsverðlaunahafanum.
Menningartengd ferðaþjónusta
Húsið sjálft að Gljúfrasteini tak-
markar mjög þann fjölda sem getur
heimsótt safnið, starfsmenn eiga
erfitt með að taka á móti stórum
hópum og aðgengi og aðkoma stærri
bíla að safninu er erfið. Þessa dag-
ana er unnið að viðhaldi á Gljúfra-
steini sem veldur því að safninu er
lokað frá janúar og út mars. Bæj-
aryfirvöld í Mosfellsbæ hafa ætíð
sýnt mikinn áhuga á því að ráðist
verði í frekari uppbyggingu að
Gljúfrasteini. Landsvæði hefur verið
tryggt í námunda við Gljúfrastein og
lagðar hafa verið fram frumtillögur
að hönnun mannvirkis sem aukið
gæti afkastagetu safnsins til muna
auk þess sem þar myndast tækifæri
til að byggja upp alhliða menning-
arsetur með áherslu á bókmenntir,
rannsóknir, fræðslu og miðlun.
Fjöldi ferðamanna sem sækir Ís-
land heim vex á hverju ári og marg-
ir þeirra vilja fræðast um listir og
menningarlíf Íslendinga. Þar skipar
Halldór Laxness og verk hans stór-
an og mikilvægan sess. Bæjarráð
Mosfellsbæjar veitti framkominni
þingsályktunartillögu jákvæða um-
sögn og tekur fagnandi hug-
myndum um uppbyggingu á alhliða
menningarsetri að Gljúfrasteini
með áherslu á bókmenntir og rann-
sóknir.
»Heimili Halldórs
og konu hans Auðar
var gert að safni árið
2004 eftir höfðinglega
gjöf fjölskyldunnar
sem gaf íslenska ríkinu
húsið og innbú þess.
Bryndís Haraldsdóttir
Höfundur eru bæjarstjóri
Mosfellsbæjar og formaður
bæjarráðs Mosfellsbæjar.
Haraldur Sverrisson
Laxnesssetur að Gljúfrasteini
Eftir Harald Sverrisson
og Bryndísi Haraldsdóttur
Á dögunum voru
rituð ein athygl-
isverðustu pólitísku
orð þessa árs. Árni
Páll Árnason, for-
maður Samfylking-
arinnar, skrifaði bréf
til allra flokksmanna
sinna þar sem hann
rakti helstu mistök
sem flokkurinn hefði
gert á undanförnum
árum. Þau voru hvorki fá né smá.
En það merkilegasta í bréfi Árna
Páls voru orð hans um ESB-
umsóknina, um þá ákvörðun að Ís-
land sækti um aðild að Evrópu-
sambandinu, örskömmu eftir þing-
kosningarnar 2009 þar sem annar
stjórnarflokkurinn hafði einmitt
ítrekað lofað að slíkt yrði ekki
gert.
Hvað skrifaði
Árni Páll?
Í bréfi sínu skrifaði
Árni Páll: „Við byggðum
aðildarumsókn að ESB á
flóknu baktjalda-
samkomulagi, sem aldrei
hélt, í stað þess að fá
skýrt umboð frá þjóðinni
til að fara í aðild-
arviðræður, sem hefði
bundið alla flokka við
umsóknarferlið.“ Þetta
er mjög merkileg yf-
irlýsing, sem ekki er gerð að van-
hugsuðu máli heldur send út skrif-
lega til hvers einasta félagsmanns í
Samfylkingunni. En af einhverjum
stórfurðulegum ástæðum láta frétta-
menn eins og hér sé ekkert sérstakt
á ferðinni. Þeir krefjast ekki skýrra
svara frá Árna Páli og samráðherr-
um hans um þetta baktjalda-
samkomulag. Skyndilega hafa frétta-
menn engan áhuga þegar formaður
stjórnmálaflokks og fyrrverandi ráð-
herra segist hafa gert „flókið bak-
tjaldasamkomulag“ um afar umdeilt
mál. Nú talar enginn fréttamaður um
að almenningur eigi rétt á svörum.
Hver er ástæða áhugaleysisins?
Hvernig stendur á því að frétta-
menn fjalla ekki um þetta aftur og
aftur, þar til skýr svör fást við því
hverjir hafi gert þetta „baktjalda-
samkomulag“ og hvernig það hafi
hljóðað? Væru þeir svona áhugalaus-
ir ef aðrir flokkar ættu í hlut? Vinstri
grænir lofuðu því ítrekað í kosninga-
baráttunni 2009 að ekki yrði sótt um
aðild að ESB. Steingrímur J. Sigfús-
son margítrekaði það í síðasta um-
ræðuþætti baráttunnar, kvöldið fyrir
kosningar. Strax eftir kosningar var
svo mynduð ríkisstjórn um það að
sækja um aðild. Tveimur mánuðum
eftir kosningar var búið að senda
umsóknina til Brussel. Svo kemur
núna formaður annars stjórn-
arflokksins og segir frá því að gert
hafi verið „flókið baktjalda-
samkomulag“ um málið, en frétta-
menn krefjast þess ekki að það verði
skýrt í smáatriðum. Hvernig stendur
á því?
Einfaldar spurningar
sem kalla á svör
Landsmenn hljóta að krefjast þess
að aflað verði skýrra svara við mjög
einföldum spurningum. Hverjir
gerðu þetta flókna baktjalda-
samkomulag? Hvenær var það gert?
Hvernig hljómaði samkomulagið?
Hvers vegna fékk almenningur ekk-
ert að vita? Hvers vegna sögðu for-
ystumenn Samfylkingar og VG ekki
frá því að slíkt samkomulag hefði
verið gert? Jóhanna, Össur, Árni
Páll, Steingrímur J. og Katrín Jak-
obsdóttir. Fréttamenn hljóta að
finna sér tíma til að afla raunveru-
legra svara við þessum mikilvægu
spurningum, jafnvel þótt þeir verði
rétt á meðan að taka sér hlé frá sín-
um eftirlætisvangaveltum þessa dag-
ana: Hvaða ráðherra Jóhönnu-
stjórnarinnar er vænlegastur sem
næsti forseti Íslands? Því auðvitað
finnst vinstrimönnum sjálfsagt að
einhver úr ríkisstjórn Jóhönnu og
Steingríms, einhver sem þrisvar
sinnum greiddi atkvæði gegn því á
þingi að Íslendingar fengju að kjósa
um Icesave-samningana, verði næsti
þjóðhöfðingi.
Eftir Bergþór
Ólason »Hvernig hljómaði
baktjaldasam-
komulagið og hverjir
gerðu það og hvenær?
Hvers vegna fást ekki
svör við því?
Bergþór Ólason
Höfundur er framkvæmdastjóri.
Hverjir gerðu baktjaldasamkomulagið?