Morgunblaðið - 14.03.2016, Síða 2

2 FRÉTTIRInnlent
MORGUNBLAÐIÐ MÁNUDAGUR 14. MARS 2016
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Íslandsmót Sleðahundaklúbbsins fór fram á Mý-
vatni um helgina en um 60 keppendur á aldurs-
bilinu 8-65 ára öttu þar kappi með sleðahunda
sína sem var hægt að áætla vel yfir hundrað.
Mótið tókst vel þrátt fyrir vont veður og voru
bæði hundar og eigendur skælbrosandi eftir
verðlaunaafhendingu. Mývatnssveitin skartaði
sínu fegursta þótt vindur hafi blásið af miklum
móð. Brautin var góð og aðstæður allar eins og
best verður á kosið. Þá voru móttökur heima-
manna til eftirbreytni samkvæmt upplýsingum
frá Sleðahundaklúbbnum. benedikt@mbl.is
Íslandsmót Sleðahundaklúbbsins fór fram á Mývatni
Ljósmynd/Auðunn Níelsson
Stuð hjá slefandi sleðahundum á ís
Benedikt Bóas
Kristján Johannessen
„Þetta eru tvö sambærileg tilfelli á tiltölulega
stuttum tíma. Þessi atvik hljóta að fá okkur til að
hugsa um hvernig skotvopnaleyfum er úthlutað al-
mennt og hvernig eftirliti er háttað,“ segir Helgi
Gunnlaugsson, afbrotafræðingur og prófessor við
Háskóla Íslands, en andlega veikur maður skaut
hið minnsta fjórum skotum úr haglabyssu á Akur-
eyri í fyrrinótt.
Í desember 2013 var andlega veikur maður
skotinn til bana af sérsveit lögreglunnar eftir að
hafa skotið úr haglabyssu í Hraunbæ í Reykjavík.
Helgi segir að líkindin milli þessara tveggja
manna séu töluverð þótt hann hafi ekki kynnt sér
Akureyrarmálið til hlítar, einungis það sem komið
hefur fram í fjölmiðlum.
Í íbúðinni sem skotið var á býr 25 ára kona
ásamt tveggja ára dóttur sinni og voru þær einar
heima þegar atvikið átti sér stað. Ekki hefur verið
hægt að yfirheyra byssumanninn.
Byssumaðurinn á Akureyri var með leyfi fyrir
tveimur skotvopnum að sögn lögreglunnar þar.
Enginn slasaðist í skotárásinni og ekki er talið að
atlagan hafi beinst gegn neinum ákveðnum ein-
staklingi, en skotin hæfðu mannlausa bifreið og
gler við útihurð á nærliggjandi íbúð auk fatnaðar
barns og ungrar konu.
„Líkindin virðast töluverð á milli málsins á Ak-
ureyri og Hraunbæ 2013. Þetta fór betur en í
Hraunbænum en málið er skelfilegt í miðju íbúð-
arhverfi. Maður veltir því fyrir sér hverjir eru með
skotvopnaleyfi en skotvopnaeign er algeng á Ís-
landi. Ég held að menn hljóti að velta því fyrir sér
núna, þegar svona skammt er liðið frá Hraunbæj-
armálinu, að kortleggja betur hvar skotvopnin eru
og hvar leyfin liggja og kanna málið af fullri al-
vöru. Það eru byssur víða í íbúðarhverfum og að-
gát er nauðsynleg,“ segir Helgi.
Umsátursástand á Akureyri
 Andlega veikur maður skaut fjórum skotum úr haglabyssu á Akureyri  25 ára kona
og tveggja ára barn heima þegar árásin átti sér stað  Byssur víða í íbúðarhverfum
Morgunblaðið/Skapti
Árás Skotið var meðal annars í gegnum rúðu í
forstofu íbúðar á Akureyri í fyrrinótt.
Aflífa þurfti hestinn Júpíter eftir að hann fótbrotnaði
illa. Júpíter og annar hestur í Mývatnssveit trylltust
þegar leikmynd úr kvikmyndinni Fast and Furious fauk
inn í girðingu þeirra með þeim afleiðingum að þeir hlupu
stjórnlaust út í Búrfellshraun. Þar fótbrotnaði Júpíter
svo illa að aflífa þurfti hann á staðnum. Hinn hesturinn
er slasaður. Leikmyndin sem fældi hestana var eftir-
mynd af ísjaka. Gríðarlega hvasst var í Mývatnssveit um
helgina og fuku leikmyndir kvikmyndarinnar víða um
sveit. Lá við stórhættu í sleðahundakeppni þegar leik-
mynd fauk nálægt hundum og farartækjum.
Júpíter birtist á síðum Morgunblaðsins síðasta sumar
þegar greint var frá ferð Diljár Héðinsdóttur á hestinum
í smalamennsku. Diljá er dóttir Héðins Sverrissonar,
sem átti hestinn. Áætlað er að taka Fast and Furious-
myndina upp í átta vikur á Mývatni. benedikt@mbl.is
Kvikmyndaísjaki fældi
hesta úr girðingunni
 Aflífa þurfti eitt hross
Morgunblaðið/Eggert
Leirljós Erna og Diljá birtust í Morgunblaðinu fyrir ári.
Diljá situr á Júpíter sem er til hægri, leirljós að lit.
Fasteignasalan Eignamiðlun aug-
lýsti á dögunum til sölu einbýlishús
á 190 milljónir króna. Húsið er um
450 fermetrar að stærð og stendur
við sjávarsíðuna í Skerjafirði, en
það var byggt árið 1983.
„Það hafa verið að seljast eignir
á þessu bili þótt þær séu ekki marg-
ar. Þetta eru tölur sem við höfum
séð áður fyrir eign af þessari stærð
og á þessum stað. Það er alltaf viss
markaður fyrir þessar eignir,“ seg-
ir Kjartan Hallgeirsson, fasteigna-
sali hjá Eignamiðlun.
Aðspurður hvort markaður sé að
opnast frekar fyrir eignir á þessu
verðbili segir hann að svo þurfi
ekki að vera.
„Menn eru kannski aðeins sýni-
legri í að auglýsa eignirnar, alveg
frá hruni hafa verið að seljast eign-
ir á þessu verðbili þótt þeim sé ekki
slegið upp í blöðunum. Það er ljóst
að það er kaupendahópur þarna úti
sem er að kaupa eignir á hátt í 200
milljónir,“ segir hann. jbe@mbl.is
Einbýlishús í Skerja-
firði til sölu á 190
milljónir króna
Á Reykjavíkurskákmótinu, sem
enn er í fullum gangi, er indverski
stórmeistarinn Abhijeet Gupta
efstur ásamt Sergei Movesian frá
Armeníu en þeir eru með sex
vinninga hvor eftir sjö umferðir.
Efstir Íslendinga eru stórmeist-
arinn Hjörvar Steinn Grétarsson,
Stefán Kristjánsson og alþjóðlegi
meistarinn Bragi Þorfinnsson með
fimm vinninga. Áttunda umferð
mótsins hefst í Hörpu kl. 15 í dag.
Í tengslum við Reykjavíkurskák-
mótið var í gær hraðskákmót ung-
menna eða Barna-Blitz, sem fór
fram í höfuðstöðvum GAMMA. Þar
tefldu saman átta ungmenni, 13
ára og yngri, hraðskákir eftir út-
sláttarfyrirkomulagi. Keppend-
urnir unnu sér inn þátttökurétt í
mótinu í gegnum fjórar undan-
keppnir.
Óskar Víkingur Davíðsson, ný-
krýndur Norðurlandameistari í
flokki 11 ára og yngri, varð hlut-
skarpastur en hann vann allar sín-
ar viðureignir 2-0. Í öðru sæti
varð Stephan Briem og Alexander
Oliver í því þriðja.
Ungir skáksnillingar
öttu kappi í GAMMA
Framtíðin Óskar Víkingur Davíðsson, fyrir
miðju, tefldi af mikilli snilli og sigraði.