Ægir - 01.06.2016, Síða 6

6
Nýtt kvótaár er gengið í garð með tilheyrandi úthlutun aflaheimilda
næstu tólf mánaða. Úthlutuninni er að vanda gerð skil í þessari út-
gáfu Ægis og birtast hér í blaðinu bæði heildarlistar yfir einstök skip
og útgerðir, heimahafnir og yfirlit þeirra skipa og báta sem mestar
heimildir hafa. Lesendur Ægis geta því af þessum tölum glöggvað
sig á mynstrinu í útgerð eins og hún blasir við okkur þarna en vissu-
lega eru á þessu ákveðnir fyrirvarar, líkt og Fiskistofa jafnan gerir.
Úthlutunin til einstakra skipa er sem fyrr gerð á grunni ákvarð-
ana stjórnvalda um leyfilegan heildarafla fiskveiðiársins en við þá
ákvarðanatöku voru lagðar til grundvallar ráðleggingar Hafrann-
sóknastofnunar og mat hennar á stöðu fiskistofna. Um margra ára
skeið hafa stjórnvöld farið að ráðleggingum stofnunarinnar við
ákvörðun um heildarafla þannig að breyting varð ekki í ár hvað það
varðar.
Stóra atriðið er að sjálfsögðu aukning heimilda í þorski en líkt og
komið hefur fram er staða stofnsins á flestan hátt mjög sterk um
þessar mundir. Í kjölfar ráðlegginga Hafrannsóknastofninar um
heildarafla snemmsumars var efnt til samráðsfundar ráðherra og
helstu hagsmunaaðila í sjávarútvegi enda höfðu margir átt von á að
aukning heimilda í þorski yrði talsvert meiri en raun bar vitni. Um-
ræða um þetta atriði og önnur sem snúa að ákvörðun um heildar-
afla og ráðgjöf er af hinu góða, sem og sú áhersla sem ráðherra
sjávarútvegsmála lét frá sér fara í kjölfarið að stórauka þyrfti fjárveit-
ingar til haf- og fiskirannsókna. Margir málaflokkar í þjóðlífinu hafa
glímt við þröngar fjárheimildir um margra ára skeið en sagan sýnir
að aukin þekking á hafinu og fiskistofnunum leggur grunn að því
að hægt sé að standa þannig að fiskveiðum til lengri tíma að ekki sé
gengið um of á fiskistofnana og að niðursveiflur séu sem minnstar.
En á sama tíma þarf líka að gæta þess að nýta stofnana, þjóðfélag-
inu til hagsbóta.
Ef horft er yfir úthlutun aflaheimilda til einstakra skipa og þar
með fyrirtækja nokkur ár aftur í tímann sést mjög áþekk mynd. Við
höfum ekki séð stórvægilegar breytingar hvað stærstu útgerðirnar
varðar. Aftur á móti blasir ákveðin þróun við þegar kemur að fjölda
lögaðila eða fyrirtækja sem fá úthlutuðum heimildum. Þeim fækkar
og það segir að samþjöppun á sér stað í greininni þó hún sé ekki
sýnilegust í flokki stærstu útgerðarfyrirtækjanna.
Tölurnar endurspegla líka þróun í skipastólnum og hún er nokk-
uð hröð. Skipum sem úthlutað er aflamarki fækkar um 30 milli ára
og sú fækkun kemur fram í flestum útgerðarflokkum. Líkt og Fiski-
stofa vekur athygli á hefur skuttogurum til að mynda fækkað um 12
frá upphafi fiskveiðiársins 2013 og eru nú aðeins 43 í íslenska flot-
anum. Þetta segir hins vegar líka ákveðna sögu um að auðveldara
og þar með hagkvæmara er að sækja aflann en áður – til þess þarf
einfaldlega færri skip. Í skuttogaraflotanum eru líka mjög gömul
skip og sum þeirra munu hverfa úr rekstri á næstu misserum í stað
nýrra sem eru í smíðum. Þeim skipum fylgir ný tækni, ekki bara
hvað útgerðina snertir heldur og ekki síður hvað varðar aflameð-
ferð. Það eru þess vegna spennandi tímar í sjávarútvegi, líkt og jafn-
an áður. Margt jákvætt, ýmislegt neikvætt en ekkert öruggt. Þannig
er íslenskur sjávarútvegur og hefur verið lengi.
Jóhann Ólafur Halldórsson skrifar
Nýtt fiskveiðiár gengið í garð
R
itstjórn
a
rp
istilll
Vökvakerfislausnir
Vökvadælur, vökvamótorar
og stjórnbúnaður

Danfoss hf. Skútuvogi 6, 104 Reykjavík, Sími: 510 4100
www.danfoss.is
Stjórnbúnaður skipa. Tæknibúnaður sem ætlaður
er til notkunar á sjó mætir erfiðustu hugsanlegu
skilyrðum. Álag óblíðrar náttúru, miklar
hitabreytingar og stöðugur ágangur af söltum
sjó, eykur þörf viðskiptavina fyrir áreiðanlegan
og skilvirkan búnað.
Út gef andi:
Athygli ehf. ISSN 0001-9038
Rit stjórn:
Athygli ehf. Glerárgötu 24, Ak ur eyri.
Rit stjór i:
Jóhann Ólafur Hall dórs son (ábm.)
Sími 515-5220. GSM 899-9865.
Net fang: johann@athygli.is
Aug lýs ing ar:
Augljós miðlun. Sími 515-5206.
GSM 898-8022. Net fang: inga@athygli.is
Suðurlandsbraut 30. Reykjavík.
Hönnun & umbrot:
Athygli ehf.
Suðurlandsbraut 30. Reykjavík.
Sími 515-5200.
Á skrift:
Hálfsársáskrift að Ægi kostar 5900 kr.
Áskriftar símar 515-5200 & 515-5205
ÆG IR kem ur út 10-11 sinn um á ári.
Eft ir prent un og ívitn un er heim il,
sé heim ild ar get ið.