Ægir - 01.06.2016, Side 17

17
Lægra hlutfall af heild hjá 10 stærstu verstöðvunum
Líkt og með útgerðarfyrirtækin eru litlar sveiflur á lista heimahafna
en sem fyrr skera þrjár hafnir sig verulega úr. Mest fer til skipa með
heimahöfn í Reykjavík eða 12,1% af heildinni samanborið við 12,4%
í fyrra. Næstmest til Grindavíkur, eða 10,6% af heildinni og það er
samdráttur um 0,8 prósentustig frá fyrra ári. Skip með heimahöfn í
Vestmannaeyjum ráða yfir 9,9% heimildanna, líkt og í fyrra.
Fiskistofa bendir í samantekt sinni á að hlutfall sem fer til skipa
hjá hverri höfn fyrir sig breytist í flestum tilvikum eitthvað og má
rekja það til breytinga á þorskígildisstuðlum sem og tilfærslu afla-
hlutdeilda á milli skipa með ólíka heimahöfn.
Þegar listi 10 kvótahæstu verstöðanna er skoðaður og borinn
saman milli ára sést að í heild hefur hlutfall þessara hafna af
heildinni lækkað um 1,25 prósentustig, þ.e. úr 61,5% í 60,25%. Tvær
breytingar eru á röðinni, þ.e. að Hornafjörður og Rif hafa sætaskipti,
sem og Dalvík og Garður.
Listi 10 kvótahæstu verstöðvanna fiskveiðiárið 2016/2017 er
þannig:
Samtals ÞÍG kg Hlutfall
Reykjavík 44.996.494 41.225.698 11,14%
Grindavík 42.455.527 39.344.208 10,64%
Vestmannaeyjar 51.088.029 36.668.758 9,91%
Akureyri 28.431.050 21.741.217 5,88%
Akranes 23.032.323 18.653.836 5,04%
Hornafjörður 24.585.146 15.936.434 4,31%
Rif 14.384.883 13.975.204 3,78%
Sauðárkrókur 11.691.752 12.290.268 3,32%
Dalvík 10.432.557 11.581.379 3,13%
Garður 12.326.885 11.474.003 3,10%
Guðmundur í Nesi með mest í þorskígildum
Líkt og áður segir er togarinn Guðmundur í Nesi RE er það skip sem
er með mestar veiðiheimildir, í þorskígildum talið, rúm 8.300 þorsk-
ígildistonn. Á þessum lista hafa þeir sætaskipti í tveimur efstu sæt-
um, Guðmundur í Nesi og Kaldbakur EA. Gullberg VE er í þriðja sæti
en var ekki á þessum lista á síðasta ári. Sömuleiðis er Vigri RE kom-
inn á þennan lista nú en í stað þessara tveggja skipa hafa Arnar HU
og Sturlaugur H Böðvarsson AK horfið af listanum.
ÞÍG kg
Guðmundur í Nesi RE 13, Reykjavík 8.324.297
Kaldbakur EA 1, Akureyri 8.086.046
Gullberg VE 292, Vestmannaeyjar 7.493.792
Júlíus Geirmundsson ÍS 270, Ísafjörður 7.121.951
Málmey SK 1, Sauðárkrókur 6.847.904
Vigri RE 71, Reykjavík 6.813.571
Björgvin EA 311, Dalvík 6.693.818
Ottó N Þorláksson RE 203, Reykjavík 6.569.100
Höfrungur III AK 250, Akranes 6.476.761
Helga María AK 16, Akranes 5.489.555
Norðlensku togararnir stórir í þorskinum
Um árabil hefur Akureyrartogarinn Kaldbakur EA verið skráður með
mestar aflaheimildir í þorski og á því er engin breyting nú. Kalbakur
er með skráð rúmlega 7 þúsund tonn í heimildum í þorski og bætir
við sig, líkt og önnur skip á þessum lista, í samræmi við aukningu út-
hlutaðra þorskveiðiheimilda. Efstu fjögur sæti þessa lista eru óbreytt
milli fiskveiðiára. Síðan færist Júlíus Geirmundsson ÍS upp listann
milli ára og nýtt nafn er togarinn Sirrý ÍS sem kemur inn fyrir línu-
skipið Þorlák ÍS, í eigu sömu útgerðar. Gullberg VE er nýtt nafn á
þessum lista en af honum hefur Tjaldur SH horfið þess í stað.
Vagnhöfða 12 | 110 Reykjavík | Sími 567 2800 | mdvelar@mdvelar.is | www.mdvelar.is
REYNSLA – ÞEKKING – RÁÐGJÖF
Viðhalds- og varahlutaþjónusta
Sérhæft viðgerðaverkstæði
... í þjónustu við útgerðina