Morgunblaðið - 12.08.2016, Page 4

4 FRÉTTIRInnlent
MORGUNBLAÐIÐ FÖSTUDAGUR 12. ÁGÚST 2016
Njóttu hálendisins
Jón Birgir Eiríksson
jbe@mbl.is
Umfangsmikil einkarekin heilbrigð-
isstarfsemi á borð við áformað
einkasjúkrahús í Mosfellsbæ, verður
í beinni samkeppni um heilbrigð-
isstarfsfólk og getur grafið undan
heilbrigðisþjónustu á Íslandi.
Þetta kom fram í máli fulltrúa
Landlæknis á fundi velferð-
arnefndar Alþingis í gær, þar sem
þeir voru gestir ásamt fulltrúum vel-
ferðarráðuneytisins.
Þeir fyrrnefndu fjölluðu um þau
áhrif sem sjúkrahúsið myndi hafa á
þá heilbrigðisþjónustu sem fyrir er.
Að sögn Sigríðar Ingibjargar Inga-
dóttur, þingmanns Samfylkingar og
formanns velferðarnefndar, var af-
staða Landlæknis afdráttarlaus.
Erfitt að banna sjúkrahúsið
Sigríður Ingibjörg, segir ráðu-
neytið nú vinna að úttekt á lagaum-
hverfi einkasjúkrahúsa.
„Ráðuneytið er að rýna þetta og
fara yfir þessi mál. Það er auðvitað
þannig, þegar þú ert að setja skorð-
ur við ákveðinni tegund af starfsemi,
þá þarftu að hafa málefnalegan
grundvöll til að standa á,“ segir hún.
„Það lítur út fyrir að lagaum-
hverfið sé þannig að það sé erfitt að
koma í veg fyrir það að hér verði tvö-
falt heilbrigðiskerfi. Alþingi hefur
skyldur gagnvart þeim sem eru
sjúkratryggðir á Íslandi og að
tryggja þeim bestu heilbrigðisþjón-
ustu sem tök eru á að veita. Ef við
teljum að þeim markmiðum sé ógn-
að, þá verðum við auðvitað að grípa
inn í,“ segir Sigríður Ingibjörg.
„Óháð þessari framkvæmd, þá
hafa komið upp svona hugmyndir
áður og svipuð áform. Við þurfum að
tryggja að lög komi í veg fyrir slíkt,“
segir hún. Telur hún að víðtæk sátt
sé í þinginu um núverandi kerfi.
„Ég held það sé nokkuð þver-
pólitísk samstaða um að búa ekki til
tvöfalt heilbrigðiskerfi á Íslandi þótt
einhverjum frjálshyggjumönnum á
ysta jaðri kunni að hugnast þessar
hugmyndir, þá held ég að almennt sé
ekki pólitískur vilji fyrir þessu
kerfi,“ segir hún.
Sigríður Ingibjörg telur brýnt að
heilbrigðisráðherra leggi fram
þingsályktunartillögu um stefnu í
heilbrigðisþjónustu.
„Við þurfum að hafa skýra stefnu í
heilbrigðismálum og hvernig hún
eigi að þróast. Á grundvelli þeirrar
stefnu getum við sett lög sem tak-
marka heimildir til að reka starfsemi
sem er ekki í samræmi við stefnu
stjórnvalda,“ segir hún.
Unnur Brá Konráðsdóttir, þing-
maður Sjálfstæðisflokks og nefnd-
armaður, vildi ekki tjá sig um um-
mæli gestanna vegna trúnaðar um
nefndarfundi Alþingis. Kvaðst hún
þó ánægð með vinnu ráðuneytisins.
„Sú vinna er í gangi og niðurstaða
nefndarinnar var að fylgjast með
hvernig það gengi. Það kemur nátt-
úrlega skýrt fram og það vita allir að
það er atvinnufrelsi í landinu, en
auðvitað vill maður vita hvaða þjón-
usta er í boði í landinu í þessum
geira,“ segir hún.
Einkasjúkrahúsið grafi
undan núverandi kerfi
Morgunblaðið/Golli
Landlæknir Birgir Jakobsson landlæknir bíður eftir fundi sínum með vel-
ferðarnefnd. Hann var afdráttarlaus í afstöðu sinni til einkasjúkrahússins.
 Ráðuneytið rýnir í lagaumhverfi heilbrigðisþjónustunnar
Björn Már Ólafsson
Kristján H. Johannessen
„Við kynntum það að við hygðumst
boða til kosninga þannig að þær færu
fram í lok október, þ.e. 29. En til að
það geti gerst þá þarf að fresta sam-
komudegi þingsins. Og svo mun þing-
ið starfa eins lengi og þörf krefur til
að ljúka þeim málum sem liggja fyrir
nú þegar og taka á þeim nýju sem við
hyggjumst koma með.“
Þetta segir Bjarni Benediktsson,
fjármála- og efnahagsráðherra, og
vísar til þess að ríkisstjórnin átti í
gær upplýsingafund með formönnum
stjórnarandstöðuflokkanna þar sem
kynnt voru áform um þingkosningar.
Aðspurður segist Bjarni ekki sjá
neitt því til fyrirstöðu að halda kosn-
ingar umræddan dag. „Nema það
verði algert uppnám og ósætti í
þinginu þannig að engin mál fáist af-
greidd. En ég ætla ekkert að ganga
út frá því,“ segir hann.
„Náttúrlega bara fyrirheit“
Birgitta Jónsdóttir, þingmaður Pí-
rata, segir það mikilvægt fyrir stöð-
ugleika í landinu að fram sé komin
dagsetning. „En þetta er náttúrlega
bara fyrirheit um dagsetningu því við
hana eru tengd alls konar skilyrði.
Það þýðir að þeir sem setja dagsetn-
inguna geta, ef svo ber undir, breytt
henni,“ segir hún.
Birgitta bendir á að ríkisstjórnin
vilji nú koma mörgum umdeildum
málum í gegnum þingið áður en
gengið verður til kosninga.
„Það er m.a. verið að tala um
breytingar á stjórnarskrá. Og stjórn-
arskrárnefnd var svo sannarlega
ekki í neinni samstöðu um þetta mál,“
segir hún.
Oddný G. Harðardóttir, formaður
Samfylkingarinnar, segir fundinn
með ríkisstjórninni hafa verið góðan.
„Ég hef í raun beðið eftir þessu
samtali lengi og almenningur í land-
inu líka held ég. Það er gott að fá að
vita hvenær á að kjósa,“ segir hún og
bætir við að enn eigi hins vegar eftir
að ná fram samkomulagi um starfs-
áætlun og hvenær ljúka eigi þing-
störfum. „Annars lít ég nú bara
bjartsýn fram á veginn.“
Dagsetning einfaldar hlutina
Óttarr Proppé, formaður Bjartrar
framtíðar, tekur í svipaðan streng og
segir fundinn hafa verið ágætan.
„Við höfum ekki litið svo á að það
sé verið að semja við okkur í stjórn-
arandstöðunni um dagsetningu. Við
kröfðumst þess í vor að það yrði kosið
strax, en við skulum segja sem svo að
það gerir öllum einfaldara fyrir að
einbeita sér að málefnunum og starf-
inu á þinginu ef við höfum ekki óvissu
um dagsetningar hangandi yfir okk-
ur, segir hann.
Spurður út í þau mál sem fram-
undan eru í þinginu í haust svarar
Óttarr: Það er fullt af málum þarna
inni sem ég held að mikil samstaða
geti myndast um og sem ég er sáttur
með. Síðan eru önnur mál sem ég
óska út í hafsauga sem fyrst. Það er
hlutverk þingsins að vinna að þessum
málum og taka afstöðu til þeirra eða
salta þau.“
Þing starfar þar til málum lýkur
 Uppnám og ósætti þarf í þinginu til að fresta kosningum, segir fjármálaráðherra  Beðið eftir þessu
samtali lengi, segir formaður Samfylkingar  Mikilvægt fyrir stöðugleika, segir þingmaður Pírata
Morgunblaðið/Golli
Stjórnarráð Ríkisstjórnin átti fund með forystumönnum stjórnarandstöðunnar þar sem rætt var um kosningar.
Jón Gunnarsson, þingmaður Sjálf-
stæðisflokks og formaður atvinnu-
veganefndar Alþingis, segir við-
brögð Bjartar framtíðar við
breytingartillögum að nýjum bú-
vörusamningi hafa komið sér á
óvart, en Björt framtíð er eini flokk-
urinn sem hefur sett sig upp á móti
tillögunum sem voru kynntar
Bændasamtökunum á fundi atvinnu-
veganefndar í gær.
Að sögn Jóns vann nefndin að því í
sumar að ná sem víðtækastri sátt.
Hann segir Bjarta framtíð ekki hafa
lagt mikið til málanna.
„Þau hafa ekki komið fram með
neinar tillögur um það sem betur
mætti fara. Ég lít þannig á að þegar
verkefni fara í málsmeðferð í þinginu
sé það verkefni þingnefndanna að
sætta sjónarmið og vinna með málið,
ekki hlaupast undan verkum sínum,“
segir hann, sátt sé meðal hinna
stjórnmálaflokkanna um tillögurnar.
Jón segir að enn eigi eftir að
kynna tillögurnar fyrir öðrum hags-
munaaðilum, vinnan í sumar snúist
að miklu leyti um atriði sem gagn-
rýnd hafi verið við fyrstu kynningu
samninganna, t.d. styttingu fyrsta
fasa samningsins úr tíu árum í þrjú
ár og breyttu innflutningsumhverfi
tiltekinna osta. Sú kynning fari fram
á næstu dögum.
Sátt meðal allra
flokka nema eins
 Björt framtíð hafi ekki lagt neitt til