Morgunblaðið - 12.08.2016, Qupperneq 13

Ég hélt alltaf að ég væri virkilega
heimsk, bara með þeim heimskari.
Mér fannst gott að fá að vita hvað
væri að og að ég gæti með aðstoð
lækna og sálfræðinga brugðist við
þegar hausinn færi á undan mér. Ég
lít ekki á kvillann sem minn akkilles-
arhæl, ég er ekki hann og hann er
ekki ég,“ segir hún og hlær að öllu
saman. Eins og svo mörgu.
Meining í textanum
„Þótt ég hafi átt við þunglyndi
að stríða frá því ég var 14 ára, reyni
ég alltaf að vera glöð. Lífið er alltof
stutt og ekkert sniðugt að vera í fýlu.
Í grunninn er ég ofboðslega jákvæð
og finnst erfitt að hafa á stundum
enga stjórn á líðan minni; vera leið
þegar ég veit innst inni að engin
ástæða er til.“
Ekki verður þó um Söru sagt að
hún beri kvillana utan á sér. Á sviðinu
er hún sannkölluð díva og virðist
geisla af gleði og sjálfsöryggi þegar
hún syngur djass, rokk, blús og hvað-
eina fyrir fullum sal af fólki. Hún bæði
talar, hlær og syngur hátt og af mikilli
innlifun.
Þegar hér er komið sögu hefur
hún ekkert á móti því að taka upp létt-
ara spjall. Til dæmis um söngnámið,
sem hún loks dreif sig í árið 2012 og
sinnti af einurð og festu, dramatík,
nám í Skapandi tónlistarmiðlun í
Listaháskóla Íslands sem stendur
fyrir dyrum, tattú og gæludýr.
„Ég herti upp hugann, tók inn-
tökupróf í Tónlistarskóla FÍH og hélt
útskriftartónleika mína í vor. Yf-
irskriftin var Dauði og önnur drama-
tík með lögum frá ýmsum tímabilum
um morð og framhjáhöld. Mjög falleg
og áhugaverð,“ segir Sara kankvís á
svip.
Ertu dama sem er mikið fyrir
drama?
„Ég er rosalega mikil „show-
kona“. Helst vil ég syngja dramatísk
lög þar sem ég get verið með leikræna
tjáningu. Mér finnst miklu auðveldara
að vera einlæg í söngnum ef textinn
er góður og einhver meining í honum.
Annars hef ég gaman af allri tónlist
nema dauðarokki, hraði og gott tempó
eru mér að skapi. “
Hvernig myndirðu lýsa rödd-
inni?
„Mér skilst að hún sé fremur
stór, nái djúpt og hátt og raddsviðið
sé breitt, enda hef ég alltaf verið sögð
hávær, bæði í leik og starfi. Ég var
alin upp við að tala hátt og skýrt
þannig að allir heyri, halda vel utan
um orðin.“
Alvara og ævintýri
Samhliða söngnáminu kenndi
Sara í Tónsölum í Kópavogi, söng við
brúðkaup, jarðarfarir, í afmælum,
bauð upp á söngkennslu gegn vægu
gjaldi og hóf annað slagið upp raust
sína á skemmtistöðum svo fátt eitt sé
talið. Hún lét af hringlandahættinum,
fann sig aftur í söngnum og sér fram
á að hafa yfrið nóg að gera næstu
misserin.
„Ég er í miklu stuði þessa dag-
ana, geri bara það sem mér finnst
skemmtilegt,“ segir hún og hyggst
strax eftir Zetterlund-tónleikana í
Hörpu fara til Hveragerðis þar sem
hún syngur bakrödd á Amy Wine-
house-stórtónleikum Bryndísar Ás-
mundsdóttur í Skyrgerðinni.
Seinna í mánuðinum tekur svo
alvara lífsins við, eða ævintýri eins og
hún kýs að kalla næsta verkefni:
Nám í skapandi tónlistarmiðlun í
LHÍ. „Ég gerði í viðtölum grein fyrir
námsörðugleikum mínum og kvíða og
hvað þetta nú allt saman er sem háir
mér, og var þá sagt að tekið yrði fullt
tillit til mín að því leytinu. Ég er bæði
spennt og hlakka til að byrja, þótt ég
viti í rauninni ekkert hvað ég er að
fara út í. Vonandi tekst mér að halda
mér við efnið í þessi þrjú ár auk
tveggja ef ég tek kennsluréttindi,
sem ég gæti vel hugsað mér.“
Mörg járn í eldinum
Sara ætlar ekki aðeins að sinna
náminu í vetur, því hún er búin að
ráða sig sem kennara í ryþmadeild
Tónlistarskóla Hafnarfjarðar. Hún
hyggst halda áfram starfi sínu í lík-
amsræktarstöðinni Heilsuborg þar
sem hún hefur verið í móttökunni frá
því í sumar og gerir ráð fyrir að halda
fleiri Zetterlund-tónleika. Þá eru
ótalin áhugamálin, Boot Camp til að
mynda. „Ég hef reyndar ekki mátt
æfa undanfarið því ég var að fá mér
mín fyrstu tattú,“ upplýsir hún.
Af hverju og hvernig?
„Mig hafði lengi langað að fá
mér tattú, sitt á hvora ristina, annars
vegar f-lykilinn og hins vegar g-
lykilinn, sem væru eins og kettir í
laginu. Svo vildi ég gera Baldri,
hundinum mínum, og Megasi, kett-
inum mínum, sem þurfti að svæfa í
fyrra vegna krabbameins, hátt undir
höfði og létt flúra það þriðja á fram-
handlegginn, en það er hjarta utan
um labradorhund og kött. Tónlist og
dýr eru nefnilega mínar ær og kýr,“
segir söngkonan með stóru röddina.
rir drama
Húðflúr Baldur og Megas í hjarta
og f- og g-lykill í kattarlíki.
A Band on Stage F.v. Ármann Guðmundsson, Loftur S. Loftsson og Sara.
Leikræn tjáning Sara syngur af innlifun og stundum með öllu andlitinu.
„Mér finnst miklu auð-
veldara að vera einlæg í
söngnum ef textinn er
góður og einhver mein-
ing í honum.“
DAGLEGT LÍF 13
MORGUNBLAÐIÐ FÖSTUDAGUR 12. ÁGÚST 2016
Hlíðasmára 11 · 201 Kópavogur · Sími 534 9600 · heyrn.is
Aldrei hefur
verið
auðveldara
að heyra
GOLDEN
LOBE
AWARDS
2014
ASSOCIATION OF
INDEPENDENT
HEARING HEALTHCARE
PROFESSIONALS
Most Innovative
Concept 2014
presented to:
Resound - LiNX
made for iPhone
Enn er bætt um betur með nýju ReSound
heyrnartækjunum sem gefa eðlilega og
áreynslulausa heyrn.
Taktu þátt í framþróuninni og prófaðu
þessa hágæða tækni.