Morgunblaðið - Sunnudagur - 21.08.2016, Síða 8

Í PRÓFÍL
8 MORGUNBLAÐIÐ SUNNUDAGUR 21.8. 2016
FJÖLSKYLDAN Lisa Kudrow hefur
verið gift manni sínum, hinum
franska Michel Stern, í rúm tuttugu
ár. Hann vinnur í auglýsingabrans-
anum. Þau höfðu þekkst í sex ár áð-
ur en þau byrjuðu saman en hann
var þá í sambandi. Sagt er að hún
hafi beðið eftir honum því hún fann
strax að hann væri sá eini rétti. Hún
var 31 árs þegar þau giftust og
komst sú saga á kreik að hún hefði
verið hrein mey fram að giftingu.
Jay Leno, spjallkóngurinn mikli, átti
sinn þátt í að sú saga varð lífseig en
grínast var með það í þætti hans.
Kudrow sagði síðar að sagan hefði
ekki verið sönn. Kudrow og Stern
eiga einn son, Julian Murray Stern,
sem fæddur er árið 1998. Ólétta
hennar var eftirminnilega skrifuð
inn í seríuna þegar Phoebe gekk
með þríbura fyrir bróður sinn. Lisa Kudrow á einn son, Julian Murray Stern, sem er í dag 18 ára.
AFP
Hrein mey?
LISA KUDROW er heimsþekkt leikkona en eins og flest mannsbörn í hinum
vestræna heimi vita lék hún Phoebe Buffay, einn af vinunum í hinum geysi-
vinsæla sjónvarpsþætti Friends.
Lisa Valerie Kudrow er fædd þann 30. júlí árið 1963 í Los Angeles í Kali-
forníu. Móðir hennar, Nedra Stern, vann á ferðaskrifstofu sem sölumaður og
faðir hennar, Lee N. Kudrow, er læknir sem sérhæfir sig í meðferð höfuð-
verkja. Hún er yngst af þremur systkinum og er alin upp í Tarzana í Kali-
forníu.
Eftir menntaskóla fetaði Kudrow í fótspor föður síns og lagði stund á vís-
indi en hún útskrifaðist frá Vassar College með gráðu í líffræði. Hún vann
með föður sínum í átta ár en á sama tíma reyndi hún fyrir sér í leiklistinni.
Á sínum yngri árum var hún vinkona grínistans Jon Lovitz sem hvatti
hana til að reyna fyrir sér í gríninu. Hún gekk til liðs við grínhópinn The
Groundlings þar sem hún var eina konan.
Fyrsta hlutverk hennar í sjónvarpsþætti var í Mad About You, þar sem
persóna hennar hét Ursula Buffay. Sú persóna lifnaði við í Friends sem hin
illgjarna systir Phoebe, persónan sem öll heimsbyggðin þekkir sem eina af
vinunum sex. Það var árið 1994 að hún landaði hlutverki Phoebe Buffay og
lék hún hana næstu tíu árin. Hún var margoft tilnefnd til Emmy-verðlauna
og hlaut þau árið 1998 sem besta leikkona í grínþætti.
Eftir að Friends-ævintýrinu lauk hefur hún leikið í bæði sjónvarpsþáttum
og mörgum kvikmyndum; þær þekktustu eru Romy and Michelle’s High
School Reunion, Analyze This og framhaldsmyndin, Analyze That.
Kudrow lék með Courteney Cox í einum þætti af Cougar Town en það var í
þættinum Web Therapy, sem kom henni aftur á kortið en hún bæði skrifaði
þáttinn og lék í honum. Árið 2005 lék hún Valerie Cherish í sjónvarpsseríu
sem nefnist The Comeback og fjallar um grínleikkonu sem reynir að „meika“
það á ný. Hún skrifaði og framleiddi þáttinn auk þess að leika aðalhlutverkið.
Þátturinn lifði aðeins af eina seríu en fékk svo framhaldslíf árið 2015. Ku-
drow var tilnefnd til tvennra Emmy-verðlauna sem aðalleikkona í grínþætti
fyrir þáttinn.
Frægðarsól hennar hefur aldrei skinið jafnt skært og þegar hún lék í
Friends. Kudrow heldur áfram að leika í sjónvarpi og kvikmyndum. Hún sit-
ur ekki auðum höndum þótt hlutverkin séu ekkert endilega aðalhlutverk. Á
þessu ári og næsta verða sýndar margar myndir sem hún hefur leikið í eins
og Boss Baby (2017), þar sem hún leikur móðurina (rödd), Table 19 (2016),
Neighbors 2: Sorority Rising (2016), The Girl on the Train (2016) og Un-
breakable Kimmy Schmidt (2016).
FRÆGÐIN Friends fór í loftið árið
1994 og var í loftinu næstu tíu árin.
Hann er einn vinsælasti grínþáttur
allra tíma en í öllum tíu seríum
komst hann inn á topp tíu lista. Í átt-
undu seríu náði þátturinn toppsæt-
inu. Síðasti þátturinn af Friends, sem
sýndur var 6. maí árið 2004, dró að
sér 52,5 milljónir áhorfenda í Banda-
ríkjunum og varð hann þar með sá
þáttur sem mest áhorf hafði á ní-
unda áratug síðustu aldar.
Leikararnir sex, Jennifer Aniston,
Courteney Cox, Lisa Kudrow, Matt
LeBlanc, Matthew Perry og David
Schwimmer áttu öll sinn þátt í vin-
sældum þáttarins ásamt frábæru
handriti þeirra Davids Crane og
Mörtu Kauffman.
Vinir í áratug
Leikararnir í Friends koma hér saman á mynd á Emmy-verðlaunahátíðinni
árið 2002 þegar þátturinn var valinn besti gamanþátturinn.
AFP
SMELLURINN Persóna Kudrow,
Phoebe Buffay, átti það til að taka
upp gítarinn og skemmta gestum
og gangandi með frumsömdu efni.
Eftirminnilegasta lag seríunnar er
án efa lagið um illa lyktandi kött.
Lagið Smelly Cat er orðið ódauð-
legt. Hér má sjá textann að viðlag-
inu en lagið sjálft er mun lengra.
Smelly cat, smelly cat
What are they feeding you?
Smelly cat, smelly cat
It’s not your fault
They won’t take you to the vet
You’re obviously not their favorite pet
You may not be a bed of roses
And you’re no friend of those with noses
Smelly cat, smelly cat
What are they feeding you?
Smelly cat, smelly cat
It’s not your fault!
Getty Images/AFP
Smelly Cat
Hvað varð um
Lisu Kudrow?
AFP
Kudrow giftist hinum franska Michel Stern fyrir 21 ári.
Getty Images/AFP
’Fyrstahlutverkhennar í sjón-varpsþætti
var í Mad
About You,
þar sem per-
sóna hennar
hét Ursula
Buffay. Sú
persóna
lifnaði
við í
Friends
sem hin
illgjarna
systir
Phoebe,
persónan
sem öll
heims-
byggðin
þekkir
sem eina
af vin-
unum sex.
Tannlæknastofa Sifjar Matthíasdóttur
er flutt á Tannlæknastofuna Tannlind.
Bæjarlind 12, 2. hæð Kópavogi.
Tímapantanir í síma 564-1122