Morgunblaðið - 28.09.2016, Blaðsíða 11

FRÉTTIR 11Innlent
MORGUNBLAÐIÐ MIÐVIKUDAGUR 28. SEPTEMBER 2016
Vertu upplýstur!
blattafram.is
VANDINN LIGGUR
OFT HJÁ OKKUR
SJÁLFUM.
SAMÞYKKIR ÞÚ
KYNFERÐISOFBELDI?
Enn er bætt um betur með nýju
ReSound heyrnartækjunum
sem gefa eðlilega og
áreynslulausa heyrn.
Taktu þátt í framþróuninni og
prófaðu þessa hágæða tækni.
Aldrei
hefur verið
auðveldara
að heyra
GOLDEN
LOBE
AWARDS
2014
ASSOCIATION OF
INDEPENDENT
HEARING HEALTHCARE
PROFESSIONALS
Most Innovative
Concept 2014
presented to:
Resound - LiNX
made for iPhone
Hlíðasmára 11 · 201 Kópavogur · Sími 534 9600 · heyrn.is
Laugavegi 63 • S: 551 4422
Skoðið laxdal.is/yfirhafnir, fylgist með á facebook
Ný sending af dúnúlpum
Héraðssaksóknari hefur gefið út
ákæru á hendur Hreiðari Má Sig-
urðssyni, fyrrverandi forstjóra
Kaupþings, fyrir umboðs- og inn-
herjasvik.
Í ákærunni segir að Hreiðar Már
hafi misnotað aðstöðu sína og stefnt
fé bankans í verulega hættu þegar
hann lét bankann veita einkahluta-
félagi sínu eingreiðslulán að upphæð
575 milljónir króna, án þess að fyrir
lægi samþykki stjórnar bankans fyr-
ir láninu og án fullnægjandi trygg-
inga fyrir endurgreiðslu lánsins.
Jafnframt hefur héraðssaksóknari
ákært Guðnýju Örnu Sveinsdóttur,
fyrrverandi fjármálastjóra Kaup-
þings, fyrir hlutdeild í umboðssvik-
um með því að hafa veitt liðsinni í
verki við að koma þeim fram.
Málið verður þingfest í Héraðs-
dómi Reykjavíkur á mánudag, þann
3. október.
Í ákærunni kemur fram að láninu
hafi verið ráðstafað til að fjármagna
að fullu kaup einkahlutafélagsins af
Hreiðari á 812.000 hlutum í bank-
anum 6. ágúst 2008 fyrir 704 kr. á
hlut, eða fyrir samtals 571 milljón
króna. Sömu hluti hafi Hreiðar Már
keypt sama dag í eigin nafni sam-
kvæmt kauprétti fyrir 303 kr. á hlut,
eða fyrir samtals 246 milljónir.
Greiðsla að fjárhæð 324 milljónir
króna hafi þann 19. ágúst 2008 runn-
ið af bankareikningi sem var tengd-
ur vörslusafni Hreiðars Más hjá
Kaupþingi, inn á bankareikning
hans hjá sama banka.
Aðeins fengust 1,6 milljónir króna
greiddar upp í 820 milljóna kröfu
Arion banka, eftir að einkahluta-
félag Hreiðars Más var tekið til
gjaldþrotaskipta.
Ólafur Þór Hauksson héraðs-
saksóknari sagði við Morgunblaðið í
gær að ef Hreiðar Már yrði sýkn-
aður í Hæstarétti af markaðsmis-
notkunarmáli því sem nú væri til
meðferðar þar yrði ofangreind
ákæra dregin til baka að hluta, þar
sem forsenda ákærunnar sem lyti að
innherjasvikum væri að Hreiðar
Már hefði vitað að verðgildi bréfa
Kaupþings væri rangt. „Umboðs-
svikaþáttur ákærunnar stendur allt-
af, þótt mögulega verði hann sýkn-
aður í Hæstarétti í markaðsmis-
notkunarmálinu,“ sagði Ólafur Þór.
agnes@mbl.is
Morgunblaðið/Ómar
Ákærður Hreiðar Már Sigurðsson, fyrrverandi forstjóri Kaupþings, er
ákærður fyrir umboðs- og innherjasvik. Málið verður þingfest 3. október.
Sagður hafa mis-
notað aðstöðu sína
 Ákærður fyrir umboðs- og innherjasvik
Isavia telur algerlega óraunhæft að
ætla að hleðslustöðvar fyrir rafbíla
geti verið í boði 1. janúar 2018 á öll-
um flugvöllum þar sem bílum er lagt
til lengri tíma, eins og kveðið er á um
í þingsályktunartillögu iðnaðar-
ráðherra um aðgerðaáætlun um
orkuskipti, sem liggur fyrir Alþingi.
Einnig sé óraunhæft að hægt verði
að koma á landtengingu flugvéla við
rafmagn þar sem tímamörkin eru
allt of knöpp að mati Isavia, en í til-
lögunni segir að öllum flugvélum
verði skylt frá sama tíma að nota
landtengingu þegar þær standa á
stæðum við flugstöðvarbyggingar.
Þetta kemur fram í umsögn Isavia
til atvinnuveganefndar Alþingis, en
þar segir félagið að ekki sé eðlilegt
að fyrirmælum sé beint til félagsins í
þingsályktun um að ráðast í þessi
verkefni. ,,Isavia er ekki stjórnvald
og því ljóst að bindandi tilmælum
verður ekki beint til félagsins með
þingsályktun. Ef ætlunin er að
breyta reglum um lágmarksbúnað á
flugvöllum eða bílastæðum í
tengslum við þá verður eftir atvikum
að gera slíkt með breytingum á við-
eigandi lögum og reglugerðum,“
segir í umsögn lögfræðings Isavia.
Félagið gagnrýnir ýmis markmið
sem sett eru fram í tillögunni með
tímamörkum, m.a. um að svonefndar
,,hreinorkuleigubifreiðar“ skuli
njóta forgangs við flugvelli og aðra
mikilvæga samgönguinnviði. „Ekki
er fyllilega ljóst hvað felst í þessu.
Hver er skilgreiningin á „hreinorku-
leigubifreið“? Hvað er átt við með
„forgangi“? Er t.d. átt við að slíkir
bílar eigi að fara fremstir í röð eða
að þeir eigi að hafa séraðstöðu? Eins
og málum er háttað í dag er til stað-
ar ákveðin aðstaða fyrir leigubíla og
bílstjóra þeirra á Keflavíkurflug-
velli,“ segir í bréfi Isavia.
Í því felist að greitt sé ákveðið
gjald fyrir hvern leigubíl, sem fái í
staðinn aðgang upp að flugstöðinni
til að taka við farþegum og aðgang
að kaffiaðstöðu fyrir bílstjóra. Ef
gera eigi breytingar til að hleypa
ákveðnum (hreinorku-) bifreiðum
framhjá röð eða veita annan forgang
þyrfti að skoða það sérstaklega með
tilliti til gildandi samninga og sam-
keppnissjónarmiða.
Rafmagnstengill við allar
flugstöðvarbyggingar?
Í tillögunni um landtengingu flug-
véla við rafmagn segir að öllum flug-
vélum verði skylt að nota landteng-
ingu þegar þær standi á stæðum við
flugstöðvarbyggingar. Það sé á
ábyrgð innanríkisráðuneytis, at-
vinnuvega- og nýsköpunarráðuneyt-
is, Isavia og Samgöngustofu að
koma þessari skipan á fyrir 1. janúar
2018.
Isavia segir hugtakið „landteng-
ing“ ekki vera skýrt en hér sé vænt-
anlega um að ræða þýðingu á því
sem á ensku er nefnt FEGP (Fixed
Electrical Ground Power), það er að
flugvélar tengist við rafmagn þegar
komið er upp að flugstöðvarbygg-
ingu í stað þess að drífa kerfi vél-
anna áfram með bruna kolefnaelds-
neytis. „Þá er greinin mjög almennt
orðuð og á henni að skilja að alls
staðar á landinu þar sem flugvél get-
ur lagt upp við flugstöðvarbyggingu
skuli vera rafmagnstengill fyrir vél-
ina að stinga í samband.
Isavia telur ekki hægt að taka
slíka ákvörðun án þess að fyrir liggi
greining á því hversu margra flug-
valla þessi skylda næði til og hver
væri kostnaðurinn af því.“
Eðlilegra væri að mati félagsins
að líta fyrst til alþjóðaflugvallanna í
Keflavík, í Reykjavík, á Akureyri og
á Egilsstöðum. omfr@mbl.is
Tímamörkin sögð
algerlega óraunhæf
 Bindandi tilmælum ekki beint til Isavia með þingsályktun
Tölvuteikning/Nordic-Office of Architecture
Framtíðarútlit Leifsstöðvar Flugvélar eiga að tengjast við rafmagn við
flugstöðina frá 1. jan. 2018 skv. tillögu um aðgerðaráætlun um orkuskipti.