Morgunblaðið - 28.09.2016, Blaðsíða 19

19
MORGUNBLAÐIÐ MIÐVIKUDAGUR 28. SEPTEMBER 2016
Sólarlag Skonnorta Norðursiglingar, Opal, kom til hafnar í Reykjavík í gær eftir siglingu frá Grænlandi, en skipið hefur verið þar síðustu sex vikur að sigla með farþega í ævintýraferðum um
Scoresbysund. Opal verður áfram í Reykjavík í tengslum við ráðstefnuna Making Marine Applications Greener 2016, hvar gestum verður boðið að sigla á þessu rafknúna og umhverfisvæna skipi.
Eggert
Myndin verður stöðugt skýr-
ari.
Vinstri flokkarnir lofa að gera
allt fyrir alla. Peningunum verður
ausið úr kistum ríkissjóðs að
loknum kosningum enda varla
það vandamál til í hugum stjórn-
lyndra sem ekki er hægt að leysa
með peningum. Horfið verður frá
lögbundnum lækkunum skatta og
tolla, gamlir skattar endurvaktir,
nýir settir á og aðrir hækkaðir.
Þannig segjast vinstri menn ætla
að forgangsraða.
Kjósendur vita hvað situr í fyrirrúmi hjá
vinstri mönnum.
Í erfiðleikum eftir fall fjármálakerfisins var
frægum hníf niðurskurðar fyrst og síðast beitt á
heilbrigðiskerfið til að hlífa stjórnsýslunni og
fjármagna gæluverkefni. Lífeyrisgreiðslur til
eldri borgara og öryrkja voru skertar á sama
tíma og unnið var að því hörðum höndum að
koma skuldum einkafyrirtækis yfir á skatt-
greiðendur. Eignaskattur var innleiddur og
lagðist þungt á eldri borgara með lágar tekjur.
Skattar á millistéttina voru hækkaðir með því
að innleiða þrepaskipt tekjuskattskerfi með til-
heyrandi jaðarsköttum.
Reykjavík er fyrirmyndin
Loforð vinstri manna er að innleiða stjórn-
sýslu og hugmyndafræði meirihluta borgar-
stjórnar yfir á landið allt. Reykvíkingar þekkja
af eigin raun hvernig útgjöldum er forgangs-
raðað. Þjónusta við eldri borgara er skorin nið-
ur og leik- og grunnskólar sitja á hakanum.
Borgarfulltrúar ferðast um heiminn til að
kynna sér lestarsamgöngur og
innheimtur bílastæðagjalda í stór-
borgum. Í Reykjavík grotna götur
niður en hundruðum milljóna er
varið í að þrengja meginæðar
gatnakerfisins. Reykjavík hefur
verið gerð að höfuðborg holunnar.
Kvörtunum um lélegan kost í skól-
um er mætt með því að hækka
álögur á barnafjölskyldur. Borg-
arsjóður er ekki lengur sjálfbær
þrátt fyrir að álögur og gjöld á
íbúana séu í hæstu hæðum.
Kjósendur geta gert sér sæmi-
lega grein fyrir því hvað bíður
handan við hornið, taki vinstri stjórn við völdum
að loknum kosningum. Verkin tala og fyrir-
myndin liggur fyrir.
Í einfaldleika sínum snúast komandi kosn-
ingar um hvort Sjálfstæðisflokkurinn er utan
ríkisstjórnar eða hvort Bjarni Benediktsson
leiðir nýja ríkisstjórn næstu fjögur árin. Verkin
tala og stefnan er skýr.
Dauðasynd og lækkun skatta
Í tíð ríkisstjórnar Framsóknarflokks og
Sjálfstæðisflokks hafa orðið algjör umskipti í
efnahagsmálum og stöðu ríkissjóðs. Skulda-
staða heimila og fyrirtækja hefur stórbatnað,
laun hafa hækkað og kaupmáttur aukist. Mynd-
arleg endurreisn heilbrigðiskerfisins er hafin
og fjármögnun nýs Landspítala er tryggð.
Framlög til heilbrigðismála hafa aldrei verið
hærri. Stigin hafa verið stór skref í að rétt við
hlut eldri borgara og öryrkja en þar eru verk
óunnin við einföldun kerfisins, innleiðingu
starfsgetumats, hækkun grunngreiðslna og frí-
tekjumarks. Fyrir liggur áætlun um að jafna
lífeyrisréttindi almennings samhliða því að
jafna laun á almennum markaði og hjá hinu op-
inbera.
Undir forystu Bjarna Benediktssonar í fjár-
málaráðuneytinu hafa unnist áfangasigrar við
að innleiða skynsamlegt og réttlátara tekju-
skattskerfi einstaklinga. Skatthlutfall í neðsta
þrepi hefur verið lækkað sem og í milliþrepinu
sem á samkvæmt lögum að falla niður í byrjun
komandi árs. Þessar breytingar leiða til þess að
einstaklingar munu greiða 15 milljörðum minna
í tekjuskatt á komandi ári en þeir hefðu gert
undir skattastefnu síðustu vinstri stjórnar.
Komist vinstri menn aftur til valda verða þess-
ar skattalækkanir að engu gerðar. Einstakling-
ar með meðaltekjur verða skattlagðir sérstak-
lega með milliþrepi enda er það einlæg trú
vinstri manna að með því að lækka skatta sé
ríkið að „afsala sér tekjum“.
Hið sama á við um 13,5 milljörðum lægri
álögur á heimilin með lækkun neysluskatta, –
m.a. afnámi vörugjalda og tolla. Hinir stjórn-
lyndu og skattaglöðu líta svo á að ríkið sé að
„kasta frá sér tekjum“. Og auðvitað er 10,5
milljarða lækkun skatta á atvinnulífið dauða-
synd.
Hættulegt skattheimtuvald
Íslenskir vinstri menn hafa aldrei skilið hvað
John F. Kennedy, forseti Bandaríkjanna, átti
við þegar hann varaði við hættunni sem fylgir
skattheimtuvaldi stjórnmálamanna. Þrúgandi
skattkerfi skilar aldrei nægjanlegum tekjum,
býr aldrei til hagvöxt eða skapar nægilega
mörg störf.
Hófsemd og sanngirni í álögum á einstakl-
inga og fyrirtæki, er vítamín efnahagslífsins og
ríkissjóður nýtur góðs af líkt og sveitarfélögin.
Möguleikarnir til að standa með myndarskap
að rekstri heilbrigðiskerfisins, þar sem allir
njóta þjónustu óháð efnahag, verða meiri. Rík-
issjóður fær aukinn styrk til að tryggja hag
eldri borgara og öryrkja. Nauðsynleg fjárfest-
ing í innviðum samfélagsins verður ekki draum-
sýn heldur raunveruleg. Stöðugleiki festist í
sessi, með lágri verðbólgu, lágum vöxtum og
stöðugt hækkandi kaupmætti launafólks.
Í almennum stjórnmálaumræðum á Alþingi –
eldhúsdeginum – síðastliðinn mánudag, sagði
Bjarni Benediktsson meðal annars:
„Það finna allir Íslendingar hversu miklu það
skiptir að búa við stöðugleika. Stöðugleiki er
eitt helsta baráttumál okkar inn í þessar kosn-
ingar, hefur verið á þessu kjörtímabili og er um
leið eitt helsta hagsmunamál heimilanna, að
menn geti búið við fjárhagslegt öryggi, atvinnu-
legt öryggi, geti tekið ákvarðanir inn í framtíð-
ina án þess að hafa áhyggjur af því að hér sé að
koma ný kollsteypa, að vextir rjúki upp úr öllu
valdi eða atvinnan sé ekki í hendi eftir eitt eða
tvö, þrjú, fjögur ár. Hvorki heimilin né atvinnu-
líf geta tekið ákvarðanir inn í framtíðina við
slíkar aðstæður. Við munum áfram leggja
áherslu á þetta.“
Orð formanns Sjálfstæðisflokksins draga
með skýrum hætti fram um hvað alþingiskosn-
ingarnar snúast: Stöðugleika og bætt lífskjör.
Eftir Óla Björn Kárason »Kjósendur geta gert sér
sæmilega grein fyrir því
hvað bíður handan við hornið
taki vinstri stjórn við völdum.
Verkin tala og fyrirmyndin
liggur fyrir.
Óli Björn Kárason
Hvað bíður handan við hornið?
Höfundur er varaþingmaður Sjálfstæðisflokksins.